Ferizaj

Shpërndahen ndihma për 200 familje nevojtare

Published

6 years ago

28 May, 2018

Ministria e Punës dhe Mirëqenies Sociale së bashku Emiratet e Bashkuara Arabe, kanë shpërndarë 200 pako ushqimore për familjet skamnore të Ferizajt.

Mërgim Sojeva nga Qendra për Punë Sociale në Ferizaj, tha se për shkak të gjendjes së rëndë sociale në të cilën ndodhen këto familje, nuk kanë munguar as vështirësitë për përzgjedhjen e familjeve përfituese.

“Këtë shpërndarje e ka bërë donatori Emiratet e Bashkuara Arabe me seli në Podgoricë, kanë bërë marrëveshje me Ministrinë e Mirëqenies Sociale, 1400 pako janë në total dhe një ndër qendrat është përzgjedhë edhe Ferizaj me 200 pak ushqimore vlera e secilës pako është 20 euro, ne falënderojmë donatorin që në këtë muaj e zbut gjendjen e rasteve sociale dhe shpresoj që ta kemi bërë zgjedhjen e drejtë”, tha Sojeva.

Familjet përfituese u shprehen falënderuese ndaj donatorëve për këto ndihma.

“Qysh po muj po jetoj, kush po mundet po më ndihmon, gjenden e kam mjaftë të vështirë, faleminderit shumë për këto ndihma”, tha Shafije Sahiti.

“Mirë na ndihmojnë sado pak bile na e zbutin këtë gjendje, unë vetëm me social jam, problem shumë me ia dalë”, tha një tjetër përfitues.

“Faleminderit shumë nga këta donatorë, gjendjen nuk e kam edhe shumë të mirë e këto ndihma pak e zbutin gjendjen në të cilën jemi”, tha Ibrahim Misini.

Sipas të dhënave të Qendrës për Punë Sociale në Ferizaj, në Ferizaj janë rreth 980 familje që marrin asistencë sociale.

Ferizaj

Në Ferizaj arrestohen tre persona për posedim të narkotikëve

Published

21 mins ago

18 April, 2024

Redaksia

Policia në Ferizaj arrestoi të mërkurën mbrëma tre meshkuj kosovarë, tek të cilët janë gjetur substanca narkotike.

Në njoftim bëhet e ditur se gjatë kontrollit të një automjeti me targa vendore ne te cilin ndodheshin tre persona, policia ka gjetur dhe konfiskuar një qese me narkotikë të llojit kokainë në peshë 1.63 gram, disa paketime me narkotikë të llojit marihuanë në peshë prej 3.71 gram, një pako me letra mbështjellëse dhe një aparat për bluarje.

Me vendim të prokurorit të dyshuarit janë liruar në procedurë të rregullt.

Ferizaj

Arrestohet një person i kërkuar në Ferizaj

Published

2 days ago

16 April, 2024

Redaksia

Policia e Ferizajt ka arrestuar personin e kërkuar L.Q ( M/K) i moshës 25 vjeç.

Ai u arrestua, të hënën, më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

6 days ago

12 April, 2024

Redaksia

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.