Connect with us

Ferizaj

Distanca mes objekteve shqetëson banorët

Published

on

Rrezet e diellit të cilat po depërtojnë në këtë dhomë të 10 vjeçares Jerina Hyseni, shumë shpejt nuk do të duken më, pasi objekti që po ndërtohet shumë afër dritares së dhomës së saj do t’ia pamundësojë ndriçimin natyral.

Banorët këtij objekti të banimit kolektiv në rrugën ‘’Sejdi Sejdiu’’ në Ferizaj, ankohen se nga ndërtimet e shumëkatësheve që po bëhen afër njëra-tjetrës, po u pamundësohet jeta normale.

“Në atë moment që ka kuptu se do të punohet këtu vazhdimisht është e shqetësuar edhe pse mundohemi t’i ikim kësaj teme, këtu janë duke u bërë punimet dhe është e pashmangshme që të mos shqetësohet, pasi është në dijeni se do i mbyllet kjo pjesë e dhomës dhe dritë më nuk sheh”, tha babai i Jerinës, Faruk Hyseni.

Hyseni, thotë se të gjithë banorët kanë qenë kundër ndërtimit të këtij objekti, që ndodhet vetëm tri metra larg ndërtesës ku ata jetojnë.

‘’Kanë ardh na kanë thënë a doni me nënshkru u kemi thënë jo, si ta bëj nënshkrimin me dorën time që ta mbylli këtë pjesë. Kjo ka nisë me pushtetin e kaluar dhe po vazhdon edhe me këtë tjetrin, kjo po mbyllet, kjo banesë e ka vetëm këtë pamje, e vetmja pjesë e dritës është kjo, ankesa kemi pas, të shqetësuar jemi, por s’kemi forcë, kemi qenë në komunë por asgjë, po ta dinim se do të punohej këtu nuk do t’i kishim ble banesat këtu. Ka një vit që e kam marrë banesën, kur e kam marrë atë kohë nuk ka pas ndërtime, ka qenë një vend që është shfrytëzu si parking, nuk e kemi ditë e kemi ble, pastaj në verë kanë filluar punimet, nuk kemi qenë të kënaqur kemi pas ankesa i kemi dërgu ato në komunë, mirëpo është vazhdu prapë nuk janë marrë parasysh ankesat e tona, sepse me i pas marrë nuk ishte vazhdu, diell më nuk ka për ne, jemi të shqetësuar të gjithë banorët, por nuk kemi pas çka të bëjmë, çka mund të bëjmë me njerëz të fortë’’, u shpreh ai.

Ndërsa, drejtori i Urbanizmit në Ferizaj Lulzim Aliu, thotë se ndërtesa ku tani po jetojnë banorët, është ndërtuar në kohën kur nuk ka pasur plan rregullativ detal.

“Ndërtesa e parë është e ndërtuar në kohën kur nuk ka pas plan rregullativ detal dhe është e ndërtuar në skaje të parcelës, tash kur e ka kërkuar lejen parcela e re normat sipas planit rregullativ janë pak të papranueshme për  ndërtesën ku ka qenë e ndërtuar. Nëse dy parcela janë afër njëra tjetrës distanca mes dy objekteve që kanë dritare karshi njëra tjetrës sipas normave ka qenë me u largu nga 5 metra nga të dy parcelat dhe kjo nuk ka ndodhë tek banesa e parë dhe zgjidhjen që e ka bërë  Drejtoria e Urbanizmit në atë kohë e ka zgjedhë opsionin që me u largu nga banesa e vjetër 3 metra, por pa lënë dritare, me arsyetimin se më mirë 3 metra edhe mos e pas dritare dhe mos me u pengu intimiteti mes banorëve, ndërsa kriteri i dritës nuk është absolutisht i plotësuar”, tha Aliu.

Aliu tha se do të shikojnë se çfarë mund të bëjnë në raste të tilla.

“Ne jemi para një situate të rëndë, unë do ta trajtoj si çështje nëse është i pamundur vazhdimi i ndërtimit duhet me ndalë, në qoftë se mundet me u bë ndonjë kompromis për zvogëlim të etazhitetit, në qoftë se ka mundësi kombinim të parcelave edhe pse rruga “Sejdi Sejdiu” është trishtim dhe unë nuk e kuptoj se si ata blerës të banesave nuk e di se si i blejnë dhe nuk mendohen këto çështje, se për kategorinë tjetër nuk i intereson blerësi. Unë e kam thënë disa herë që në Ferizaj ndërtimtarët janë bërë tregtarë, nuk u intereson kualiteti dhe çka do të bëhet pas ndërtimit, por ju intereson vetëm shitja”,tha Aliu.

Megjithëkëtë, institucionet e vendit duhet t’iu qasen këtyre problemeve të qytetarëve në mënyrë të drejtë dhe të shpejtë, pasi që krim quhet edhe shkatërrimi i jetës së njerëzve.

Continue Reading
Click to comment

Leave a Reply

Your email address will not be published. Required fields are marked *

Ferizaj

Në Ferizaj arrestohen tre persona për posedim të narkotikëve

Published

on

Policia në Ferizaj arrestoi të mërkurën mbrëma tre meshkuj kosovarë, tek të cilët janë gjetur substanca narkotike.

Në njoftim bëhet e ditur se gjatë kontrollit të një automjeti me targa vendore ne te cilin ndodheshin tre persona, policia ka gjetur dhe konfiskuar  një qese me narkotikë të llojit kokainë në peshë 1.63 gram, disa paketime  me narkotikë të llojit marihuanë në peshë prej 3.71 gram, një pako me letra  mbështjellëse dhe  një aparat për bluarje.

Me vendim të prokurorit të dyshuarit janë liruar në procedurë të rregullt.

Continue Reading

Ferizaj

Arrestohet një person i kërkuar në Ferizaj

Published

on

Policia e Ferizajt  ka arrestuar personin e kërkuar L.Q ( M/K) i moshës 25 vjeç.  

Ai u arrestua, të hënën,  më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Continue Reading

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

on

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.

Continue Reading

Trending