Ferizaj

Përkujtohen 5 dëshmorë ferizajas

Published

6 years ago

30 May, 2018

Përfaqësues të institucioneve komunale në Ferizaj, familjarë, miq e qytetarë, kanë përkujtuar dëshmorët Fatmir Ratkoceri, Lutfi Haxhidema, Sylejman Haxhidema, Ramadan Salihu dhe Hasan Çerkini.

Kryetari i Shoqatës së Familjeve të Dëshmorëve në Ferizaj Gafurr Bytyçi, tha se sakrifica dhe amaneti i dëshmorëve mbesin udhërrëfyes për brezat e rinj.

“Dhembja është e madhe, por aty afër dhembjes gjendet edhe krenaria gjithsesi, pasi të ndjerët më nuk janë në jetë fizikisht dhe jetën e dhanë e ja falën atdheut e kombit dhe ne duhet t’i nderojmë gjithmonë, në mesin e këtyre dëshmorëve kishte edhe baballarë, por për ta ishte më i rëndësishëm vendi e kombi sesa personalet dhe kjo duhet ditur”, tha Bytyçi.

Krenarë për ata që dhanë jetën për atdhe, u shprehën edhe familjarët e dëshmorëve që u përkujtuan sot.

“Janë ditë të mërzitshme për ne për familjen, por do të mburremi me gjakun e tyre, kontributin që kanë dhënë për këtë vend”, tha Shqipërim Haxhidema, djali i dëshmorit Lutfi Haxhidema nga Manastirci i Ferizajt.

“Edhe dhembje edhe krenari kemi, djemtë tanë kanë qenë jashtë vendit, askush nuk u ka thënë me ardhë, djali im i ka lënë dy fakultete, një me korrespodencë një të rregullt, më ka thënë Agë po du me shku në luftë nëse pshtoj vi i vazhdoj nëse jo jam hero i Kosovës. Mandej e ka marrë edhe shokun e vet së bashku, edhe pse ai ka qenë në punë, nuk u ka thënë askush, por vetë kanë pas vullnet”,tha Gani Salihu, babai i dëshmorit Ramadan Salihu.

“Ne jemi kanë në Gjermani bashkë, por ai e ka zgjedhë këtë rrugë, nuk kam tentu as me ndalë, djali im ka punu në Këln, mandej vendosi me qenë pjesë e luftës”, u shpreh Salih Çerkini, babai i dëshmorit Hasan Çerkini.

Në Kompleksin e Varrezave të Dëshmorëve në Ferizaj, prehen në paqe 62 dëshmorë.

Ferizaj

Në Ferizaj arrestohen tre persona për posedim të narkotikëve

Published

13 hours ago

18 April, 2024

Redaksia

Policia në Ferizaj arrestoi të mërkurën mbrëma tre meshkuj kosovarë, tek të cilët janë gjetur substanca narkotike.

Në njoftim bëhet e ditur se gjatë kontrollit të një automjeti me targa vendore ne te cilin ndodheshin tre persona, policia ka gjetur dhe konfiskuar një qese me narkotikë të llojit kokainë në peshë 1.63 gram, disa paketime me narkotikë të llojit marihuanë në peshë prej 3.71 gram, një pako me letra mbështjellëse dhe një aparat për bluarje.

Me vendim të prokurorit të dyshuarit janë liruar në procedurë të rregullt.

Ferizaj

Arrestohet një person i kërkuar në Ferizaj

Published

3 days ago

16 April, 2024

Redaksia

Policia e Ferizajt ka arrestuar personin e kërkuar L.Q ( M/K) i moshës 25 vjeç.

Ai u arrestua, të hënën, më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

6 days ago

12 April, 2024

Redaksia

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.