Ferizaj

Shënohet Dita Botërore kundër Punës së Fëmijëve

Published

6 years ago

11 June, 2018

Me pankarta në duar dhjetëra fëmijë të shkollave fillore të Ferizajt, kanë marshuar përgjatë bulevardit të qytetit për t’i thënë stop punës së fëmijëve. Ky aktivitet që u shënua në vigjilje të Ditës Ndërkombëtare kundër Punës së Fëmijëve, organizuar nga ‘’Caritas Kosova’’, mbështetur nga shoqata ‘’Hendifer’’ dhe ajo për personat me Fibrozë Cistike, u tha se synon tërheqjen e vëmendjes së institucioneve për marrjen e masave konkrete për ndalimin e fenomenit të shfrytëzimit të fëmijëve për punë.

“Dita Ndërkombëtare kundër Punës së detyruar të Fëmijëve është përkujtim për ne të rriturit se duhet të luftojmë shumë fortë këtë dukuri negative në vendin tonë. Ne jemi këtu për fëmijët që t’iu mundësojmë të gjitha të drejtat e barabarta, pa marrë parasysh racën, kombin apo etninë, të kundërshtojmë punën e detyruar tek fëmijët, ajo se çfarë ne e mbjellim sot korrim të nesërmen, kështu që të punojmë sot që të kemi një të ardhme më të ndritshme dhe më të bardhë”, tha Minavere Fejzullahu nga organizata “Caritas Kosova’’.

Ndërsa, kryesuesja e Kuvendit Komunal Kristina Gashi-Bytyqi, tha se komuna e Ferizajt ka tendencë përmirësimin e kushteve për fëmijë, duke theksuar se pikërisht për këtë qëllim është miratuar edhe draft rregullorja për të drejtat e fëmijëve.

“Ju siguroj se edhe unë dhe kryetari i komunës kemi në agjendën tonë të punës të institucioneve që drejtojmë promovimin dhe të drejtat e fëmijëve, fundja ne vet jemi prindër, fëmijët janë investimi më i rëndësishëm në jetën tonë, andaj çdo përpjekje në këtë drejtim është investim në të ardhmen e përbashkët të shoqërisë dhe rritjen e brezave të shëndoshë”, tha Kristina Gashi –Bytyqi.

Dita Botërore kundër Punës së Fëmijëve shënohet çdo vit në datën 12 qershor, duke nënvizuar rrezikun me të cilin përballen shumë fëmijë që nisin të punojnë në moshë të vogël, si dhe politikat që duhen t’i ndërmarrin institucionet për të ndaluar punën e fëmijëve.

Ferizaj

Arrestohet një person i kërkuar në Ferizaj

Published

7 hours ago

16 April, 2024

Redaksia

Policia e Ferizajt ka arrestuar personin e kërkuar L.Q ( M/K) i moshës 25 vjeç.

Ai u arrestua, të hënën, më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

4 days ago

12 April, 2024

Redaksia

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.

Ferizaj

Vrasja në Ferizaj – I arrestuari është ish-bashkëshorti i viktimës

Published

4 days ago

12 April, 2024

Redaksia

Prokuroria themelore në Ferizaj ka konfirmuar se i dyshuar për vrasjen e një gruaje (21 vjeç) dhe plagosjen e një të riu, pasditen e sotme në Ferizaj është ish-bashkëshorti i viktimës.

Sipas prokurorisë në Ferizaj, dyshoohet që motivi është te një mosmarrëveshje mes ish-bashkëshortëve. Ata janë takuar afër Qendrës për Punë Sociale dhe aty ka ndodhur rasti.

Siç mësohet, dy ish-bashkëshortët ishin në proces të ndarjes dhe kanë pasur mosmarrëveshje për çështjen e kujdestarisë së fëmijëve, kurse i plagosuri është vëllai i viktimës.

I dyshuari ka kërcënuar edhe një punëtore sociale në këtë qendër, derisa pas të shtënave ai ka tentuar të largohet nga vendi i ngjarjes kur edhe u arrestua nga Policia.

Njoftimi i Policisë:

“ Me datën 12.04.2024 në ora 14:40 kemi pranuar një informatë se në Qendrën për Punë Sociale në Ferizaj ka të shtëna me armë zjarri . Për pasojë, nga të shtënat e armës sê zjarrit një person e gjinisë femërore ka ndërruar jetë në vendin e ngjarjes, kjo është konfirmuar nga mjekët kujdestarë, ndërsa është plagosur një person mashkull , i cili është dërguar në Qendrën Emergjente në Ferizaj.

I dyshuari pasi ka shtënë me armë zjarri është larguar nē drejtim të panjohur.

Ekipe të policisë menjëherë kanë rrethuar zonën dhe në ora 15:15 kanë arritur që tê arrestojnë të dyshuarin e kësaj ngjarje.

Ekipe të hetuesve dhe krimteknikët janë në vendin e ngjarjes të cilët janë duke e ekzaminuar vendin e ngjarjes, ndërsa për të gjitha veprimet policore është njoftuar prokurori i shtetit” thuhet në njoftimin e Policisë së Kosovës.