Ferizaj

Përkujtohet dëshmori Sali Berisha

Published

6 years ago

13 July, 2018

Në 19 vjetorin e rënies është përkujtuar dëshmori Sali Berisha. Për të nderuar jetën dhe veprën e tij, në Kompleksin e Varrezave të Dëshmorëve në Ferizaj u bën homazhe dhe u vendosën kurora lulesh.

Kryetar i Shoqatës së Familjeve të Dëshmorëve të Ushtrisë Çlirimtare të Kosovës në Ferizaj, Gafurr Bytyqi, e ka vlerësuar lartë kontributin e dëshmorit, Sali Berisha, duke e cilësuar veprën e tij si të pavdekshme.

“Sali Berisha me shokët e vetë pati kauzë dhe qëllim të qartë për çka është hyrë në luftë, është hy në luftë për me u çlirua dhe mu bë Kosova shtet dhe me u bashku të gjithë shqiptarët, Sali Berisha është ndër shembujt më unik të dëshmorëve të kombit, megjithëse ishte i moshuar ai nuk u ndal së vepruari me pushkë në dorë për çlirimin e atdheut”, tha Bytyqi.

Ndërkaq, familjarët thanë se dhembjen e tyre tashmë e kanë shndërruar në krenari.

“Kemi dhembje, por kah po i shohim të rinjtë kah po ecin përpara për ne është nderë”, tha Nazmi Berisha, djali i dëshmorit Sali Berisha.

Në homazhe që ishin organizuar për nderë të dëshmorit Sali Berisha nga fshati Greme, u pa një numër shumë i vogël i qytetarëve.

Ferizaj

Arrestohet një ish zyrtar i gjendjes civile në Ferizaj

Published

2 hours ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

1 day ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

1 day ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.