Kosovë

Vdekja e regjisorit Bekim Lumi konsiderohet humbje e madhe për teatrin

Published

6 years ago

30 July, 2018

Pas një sëmundjeje të rëndë, në moshën 51-vjeçare, ka ndërruar jetë regjisori Bekim Lumi. Regjisori Lumi ishte profesor në Fakultetin e Arteve në Prishtinë, ndërkohë që në skenat e teatrove ka ngritur një numër shfaqjesh të suksesshme.

Drejtori i teatrit “Adriana” në Ferizaj, Fatmir Hyseni, tha se vdekja e regjisorit Lumi është humbje e madhe jo vetëm për artin kosovar, por edhe atë të rajonit.

“Sot ishte një lajm shumë i hidhur për komunitetin artistik në përgjithësi, Bekim Lumi ka qenë i veçantë dhe unik në trajtimin e artit dhe për këtë është një humbje shumë e madhe jo vetëm në Kosovë, por përgjithësi në trojet shqiptare, për arsye se ai e ka mishëruar teatrin, krejt idetë e tij janë realizu nëpërmjet artit dhe sot ishte një humbje jashtëzakonisht e madhe, por mendoj se arti i tij do të jetoj pasi ka ngritur një standard të caktuar për regjisorët tjerë e artistët tjerë në Kosovë”, tha Hyseni.

Hyseni thotë se përkundër dëshirës së madhe, teatri i Ferizajt nuk ka pasur asnjë shfaqje të regjisorit Lumi, meqë ai punonte gjatë në një shfaqje në mënyrë që ajo të mbetej unike.

“Kemi pas shkëmbime idesh të ndryshme, por jo të punoj ai në teatrin “Adriana” edhe pse dëshira jonë ka qenë shumë e madhe ta kemi një shfaqje të Bekimit, por Bekimi jo që ka punuar aq shumë nëpër teatro përpos në Teatrin Kombëtar dhe ka punuar shumë gjatë në një vepër mandej ajo vepër e tij ka mbet unike”, tha Hyseni.

Regjisori Bekim Lumi njihej për shfaqjet e tij me karakter minimalist e eksperimental. Ai e ka përfaqësuar Kosovën në disa festivale teatrore ndërkombëtare, në të cilat është nderuar me çmime të ndryshme.

Bekim Lumi numëron dhjetëra shfaqje të realizuara, të cilat kanë rezultuar të suksesshme. Shfaqja e fundit e tij ishte “Arturo Ui”, më 14 qershor, në premierën e së cilës nuk mundi të ishte i pranishëm.

Kosovë

Suspendohet nga puna profesori universitar Xhevat Krasniqi

Published

1 day ago

23 April, 2024

Redaksia

Universiteti i Prishtinës “Hasan Prishtina” ka marr vendim që të pezulloj nga puna profesorin Xhevat Krasniqi.

Këtë e kanë bërë të ditur nga UP përmes një komunikate për media.

“Mbi bazën e vendimit të Këshillit të Etikës dhe rekomandimit drejtuar Rektoratit, Rektori i UP-së mori vendim për pezullimin nga puna të Prof. Xhevat Krasniqi, me efekt të menjëhershëm, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit.”

“Bazuar në informatat e ofruara nga Këshilli i Etikës i Universitetit të Prishtinës, në lidhje me denoncimin e paraqitur ndaj Prof. Xhevat Krasniqi, UP njofton se Këshilli i Etikës ka marrë vendim mbi këtë rast.

Këshilli i Etikës i rekomandon Rektoratit që çështjen e referuar kundër Prof. Xhevat Krasniqi ta procesojë edhe formalisht në organet e hetuesisë dhe të bashkëpunojë me to si dhe i rekomandon Rektoratit pezullimin nga puna të Prof. Xhevat Krasniqin, sipas kornizës normative përkatëse, derisa të përfundojnë veprimet hetuese nga ana e prokurorisë se shtetit.

Kosovë

Politikani Sandulloviq falënderon presidenten Osmani për ngritjen e çështjes së tij në OKB

Published

2 days ago

23 April, 2024

Redaksia

Politikani serb, Nikolla Sandulloviq, ka falënderuar presidenten e Kosovës për ngritjen e çështjes së atentatit ndaj tij, në mbledhjen e djeshme të Këshillit të Sigurimit të OKB-së në Nju Jork.

Përmes njԯ postimi në Facebook, Sandulloviq tha se atentati ndaj tij u bë nga policia sekrete serbe BIA me urdhër të presidentit serb Aleksandar Vuçiq.

“Atentat i cili u urdhërua sepse vendosa lule në varrin e vajzës shqiptare të vrarë, Blerina Jashari, e cila ishte vetëm 7-vjeçe!”

“Tani e vërteta për rastin tim ka ardhur në OKB, që e gjithë bota ta dijë se si po përhapet urrejtja në Serbi nga regjimi diktatorial ndaj të gjithëve në Serbi që duan paqe dhe pajtim ndërmjet serbëve dhe shqiptarëve”, shkroi Sandulloviq duke shtuar se tashmë edhe OKB-ja e di se si po persekutohen, arrestohen, rrihen e burgosen kundërshtarët politikë të Aleksandër Vuçiqit!

Kosovë

Dënohen me 62 vjet burgim të akuzuarit për dhunimin e vajzës 11 vjeçare

Published

2 days ago

23 April, 2024

Redaksia

Gjykata Themelore në Prishtinë ka dënuar me 62 vjet burgim të akuzuarit në lidhje me rastin e dhunimit të një të miture 11 vjeçare.

Sipas njoftimit që ka lëshuar gjykata, të akuzuarit B.R, D.RR, B.S, M.S, F.S, M.R janë shpallur fajtor dhe janë dënuar nga gjykata, pasi të njëjtit veç e veç kanë kryer veprën penale të Dhunimit, ashtu që i akuzuari B.RR është dënuar me dënim me burgim në kohëzgjatje prej dymbëdhjetë (12) viteve, ndërsa të akuzuarit D.RR, B.S, M.S, F. S dhe M.R janë dënuar në kohëzgjatje prej dhjetë (10) vitesh, secili veç e veç.

“I akuzuari G.S është liruar nga aktakuza për veprën penale të Dhunimit, i pandehuri D.RR është liruar nga aktakuza për veprën penale Ndihmë në kryerjen e veprës penale të Dhunimit, i pandehuri F.S është liruar nga aktakuza për veprën penale Ndihmë në kryerjen e veprës penale të Dhunimi, si dhe i akuzuari E.S është liruar nga aktakuza për veprën penale Ndihmë në kryerjen e veprës penale të Dhunimit”, thuhet në njoftim.

Të akuzuarve B.R, D.RR, B.S, M.S, F.S dhe M.R. iu është caktuar masa e paraburgimit deri ne plotfuqishmërinë e aktgjykimit.

“Të akuzuarit janë obliguar të kompensojnë shpenzimet e procedurës penale, ndërsa pala e dëmtuar është udhëzuar në kontest civil për kërkesën pasurore”.