Connect with us

Kosovë

Rivarrosen tre martirë të fshatit Smirë

Published

on

Në fshatin Smirë të Vitisë është bërë rivarrimi i tre martirëve smirasë Avdi, Daut dhe Ali Aliu të cilët ishin vrarë në vitin 1912 nëpër shtëpitë e tyre. Eshtrat e këtyre tre martirëve që deri sot ishin të varrosur nëpër oborret e shtëpive të tyre nga sot do gjenden në varrezat e fshatit Smirë.

Në ceremoninë e rivarrimit, familjari Bajram Aliu, tha se ndjehet i nderuar që në këtë përvjetor po rivarrosen eshtrat e familjarëve të tij.

Okuaptori serb nuk ka zgjedhur njerëz, por kënd e ka gjetur e ka asgjësuar, kështu edhe familja ime e ka përjetuar një gjë të tillë. Familja ime ka pasur 5 meshkuj, babai im ka qenë në atë kohë 12 vjeç dhe ka arritur të shpëtoj, ndërsa katër i kanë pushkatuar dhe ne sot do t’u bëjmë një nder atyre për rënien e tyre heroike”, tha Bajram Aliu.

Historiani Nazif Laçi, tha se në vitin 1912 në fshatin Smirë  okupatori serb kishte filluar masakrat pikërisht nga familja Aliu.

 “Ushtria serbe kishte filluar masakrat në fshatinë Komogllavë, Trestenik Goshicë dhe erdhi deri në Smirë dhe masakrat në Smirë kanë filluar pikërisht tek mahalla e Aliajve, ku nëpër oborre të shtëpive janë vrarë njerëz, kështu edhe familja Aliu humbi katër martirë të cilët u vranë nga pushtuesi serb”, tha ai.

Në rivarrimin e këtyre martirëve smirasë, morën pjesë edhe deputetë të Parlamentit të Kosovës nga radhët e Lëvizjes Vetëvendosje.

“Lufta jonë i ka rrënjët shumë herët, ajo që kemi përjetuar në vitet e  90-99 nuk është e para dhe e fundit, edhe pse  e fundit po shpresojmë se po, por shumë para kësaj ka pasur shumë dëshmorë në gjenerata të tëra derisa kemi arritur në momentin kur i gjithë populli zgjohemi në këmbë dhe fitojmë mbi pushtuesin e vet”, tha deputeti Liburn Aliu.

‘’Smira një vend i lashtë ilir ka dhënë shumë atdhetarë të cilët kanë kontribuar në çlirimin e Kosovës si  kundër Perandorisë Osmane po ashtu edhe gjatë pushtimit serb, prandaj ne jemi sot këtu për t’i nderuar të gjithë ata që kontribuan për vendin”, tha deputeti Ismail Kurteshi.

Sipas familjarëve, në tetor të vitit 1912 bashkë me Avdi, Daut dhe Ali Aliun, ishte vrarë edhe Elmaz Aliu, eshtrat e së cilit nuk janë gjetur kurrë.

Continue Reading
Click to comment

Leave a Reply

Your email address will not be published. Required fields are marked *

Kosovë

Miratohet raporti për anëtarësimin e Kosovës në Këshillin e Evropës

Published

on

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, në të cilin konstatohet që shteti ka përmbushur kushtet për t’u bërë anëtare e plotë e Këshillit të Evropës.

Vendimi u bë i ditur nga deputeti i Kuvendit të Kosovës  Besnik Tahiri i cili njoftoi se raporti u votua me 31 vota për, 4 kundër dhe një abstenim.

“Në Komitet deputetët ishin të ndarë. Në njërën anë, Serbia kundërshtonte dhe në anën tjetër kishte pothuajse konsensus në mbështetje të anëtarësimit të Kosovës”, shkroi Tahiri në Twitter.

Tani procesi vazhdon në Asamblenë Parlamentare dhe nëse merr miratimin edhe në këtë institucion, atëherë vendimin përfundimtar për anëtarësimin e Kosovës duhet ta japë Këshilli i Ministrave të Këshillit të Evropës në takimin e planifikuar për në muajin maj.

]Kosova ka aplikuar në majin e vitit 2022 për anëtarësim në Këshillin e Evropës, por ky vazhdimi i procesit u bë i mundshëm pas jetësimit të vendimit të Gjykatës Kushtetuese të Kosovës për transferimin e 24 hektarëve tokë në emër të Manastirit të Deçanit, që ishte njëri nga kushtet kryesore për anëtarësim.

Continue Reading

Kosovë

Bedri Hamza edhe zyrtarisht kandidat i PDK-së për kryeministër

Published

on

Kryetari i Partisë Demokratike të Kosovës, Memli Krasniqi, ka njoftuar se kryetari i Mitrovicës, Bedri Hamza,  është nominuar si kandidat për kryeministër për zgjedhjet e ardhshme parlamentare.

Në konferencën e sotme për media, Krasniqi tha se Bedri Hamza është njeriu i duhur për këtë pozitë dhe për kohën në të cilën po kalon Kosova, andaj edhe i ka kërkuar që të marrë këtë përgjegjësi.

Krasniqi tha se ky vendim nuk nënkupton se ai si kryetar i partisë po e shmang një përgjegjësi, por që sot vendit i duhet një qeveri e re që udhëheqë me modesti e pa arrogancë, me frymë ekipore dhe gjithëpërfshirëse.

Kryetari aktual i Mitrovicës, Bedri Hamza, më herët ka qenë Guvernator i Bankës Qendrore të Kosovës, Ministër i Financave në dy raste dhe deputet në Kuvendin e Kosovës  për dy mandate.

Zgjedhjet parlamentare pritet të mbahen vitin e ardhshëm në Kosovë.

Ditëve të fundit, partitë opozitare kanë intensifikuar kërkesat për zgjedhje të reja me dorëheqjen e kryeministrit Albin Kurti. Por Kurti ka thënë se nuk sheh arsye të japë dorëheqje, ndërsa ka rekomanduar opozitën që ta shpërbëjë Kuvendin e më pas të shkohet në zgjedhje të parakohshme parlamentare.

Continue Reading

Kosovë

Aktakuzë kundër 18 personave për rastin e njohur si “SUBVENCIONET V”

Published

on

Prokuroria Speciale e Kosovës ka ngritur sot aktakuzë në Gjykatën Themelore në Prishtinë – Departamentin Special, kundër 18 të pandehurve me inicialet K.Z, L.S, S.SH, A.U, V.H, B.P, A.GJ, G.A, K.S, B.S, V.I, F.J, F.Y, A.N, A.S, A.T, B.O dhe M.M në rastin e njohur si “Subvencionet V”.

Prokuroria Speciale njofton se aktakuza kundër të pandehurve të lartcekur është ngritur për veprat penale ‘’Keqpërdorim i pozitës apo autoritetit zyrtar’’, ‘’Marrja e ryshfetit’’, ‘’Dhënia e ryshfetit’’, ‘’Ushtrim i ndikimit’’ si dhe ‘’Mashtrim me subvencione’’

Aktakuza është ngritur kundër 8 të pandehurve si persona zyrtar, prej tyre 4 të pandehur janë nga Ministria e Bujqësisë, Pylltarisë dhe Zhvillimit Rural, 2 të pandehur zyrtarë nga Regjioni i Gjilanit në kuadër të AZHB-së, 1 zyrtar në Komunën e Kllokotit, një 1 zyrtar në Komunën e Vitisë dhe ndaj 10 të pandehur të tjerë qytetar.

Po ashtu, Prokuroria Speciale ka propozuar që të konfiskohet dobia pasurore e sekuestruar nga të pandehurit e fituar me kryerjen e veprave penale në vlerë 184,000 €.

Continue Reading

Trending