Ferizaj

2-5 mijë euro grante për bizneset ferizajase

Published

5 years ago

28 December, 2018

Drejtori i Zhvillimit Ekonomik dhe Turizmit në Ferizaj, Zekir Bytyqi, ka paraqitur sukseset dhe sfidat me të cilat është ballafaquar drejtoria që ai udhëheq gjatë vitit 2018 .

Drejtori Bytyqi, theksoi se gjatë këtij viti janë regjistruar 100 biznese më shumë krahasuar me vitin paraprak, si dhe janë evidentuar 200 të punësuar më tepër sesa në vitin e kaluar.

“Drejtoria e Zhvillimit Ekonomik dhe Turizmit këtë vit fokus të veçantë i ka kushtuar krijimit të Zonës Ekonomike, si dhe funksionalizimit të Qendrës së Inovacionit dhe Ndërmarrësisë. Një indikator i mirë për zhvillim të sektorit të biznesit në këtë vit është regjistrimi i 816 bizneseve të reja me 1 mijë e 284 punëtorë. Gjatë këtij viti filluam procedurat për themelimin e Zonës së parë Ekonomike në Ferizaj, është marrë vendim për themelimin e Zonës Ekonomike në Babush. Objekti i Qendrës së Inovacionit dhe Ndërmarrësisë tani është në fazën e renovimit dhe po merr formën e një qendre të zhvillimit ekonomik. Kemi siguruar fondin e buxhetit të vitit 2019 nga Ministria e Mjedisit për investim në zonën e fenomenit ”Bifurkacioni”, tha Bytyqi.

Bytyqi, njoftoi se nga sot do të nis së zbatuari platforma e cila ka për qëllim të ndikoj në rritjen e numrit të të punësuarve përmes subvencionimit direkt të bizneseve.

“Nga sot fillon të realizohet edhe një premtim i kryetarit Aliu ai i implementimit të platformës për përkrahjen e bizneseve të quajtur “Fondi i Punësimit”, platformë që ndikon drejtpërdrejt në rritjen e punësimit përmes subvencionimit direkt të bizneseve, me qëllim të zhvillimit ekonomik dhe krijimit të vendeve të reja të punës dhe fuqizimin e bizneseve në fushën e prodhimit në komunën e Ferizajt. Nëpërmjet këtij projekti ne do të ofrojmë pajisje në mënyrë që përfituesit të mund të rrisin biznesin e tyre. Vlera e një granti për një përfitues do të jetë 2 deri në 5 mijë euro shumë kjo e cila përfshinë edhe investimin nga përfituesit prej 20%. Në javën e parë të janarit do të ketë edhe sesion informues në sallën e Kuvendit të komunës së Ferizajt, andaj bëjmë thirrje publike për aplikim të bizneseve ferizajase” tha drejtori Bytyqi.

Bytyqi u zotua për mbështetje të bizneseve prodhuese, veçanërisht tani pas vënies së taksës ndaj produkteve nga Serbia dhe Bosnjë e Hercegovina.

Ferizaj

Në Ferizaj arrestohen tre persona për posedim të narkotikëve

Published

2 days ago

18 April, 2024

Redaksia

Policia në Ferizaj arrestoi të mërkurën mbrëma tre meshkuj kosovarë, tek të cilët janë gjetur substanca narkotike.

Në njoftim bëhet e ditur se gjatë kontrollit të një automjeti me targa vendore ne te cilin ndodheshin tre persona, policia ka gjetur dhe konfiskuar një qese me narkotikë të llojit kokainë në peshë 1.63 gram, disa paketime me narkotikë të llojit marihuanë në peshë prej 3.71 gram, një pako me letra mbështjellëse dhe një aparat për bluarje.

Me vendim të prokurorit të dyshuarit janë liruar në procedurë të rregullt.

Ferizaj

Arrestohet një person i kërkuar në Ferizaj

Published

4 days ago

16 April, 2024

Redaksia

Policia e Ferizajt ka arrestuar personin e kërkuar L.Q ( M/K) i moshës 25 vjeç.

Ai u arrestua, të hënën, më 15.04.2024 rreth orës 15:00, në një qendër tregtare në afërsi të stacionit policor në Ferizaj, pasi ishte shpallur në kërkim me urdhëresë të Gjykatës Themelore në Ferizaj për veprat penale ‘‘Rrezikim i trafikut publik” dhe “Kalim i paautorizuar i vend kalimeve kufitare ” , për të cilat është dënuar me 72 ditë burgim.

Pas kompletimit të dokumentacionit i arrestuari është dërguar në vuajtje të dënimit.

Ferizaj

I dyshuari për vrasjen dhe plagosjen në Ferizaj dërgohet në mbajtje për 48 orë

Published

1 week ago

12 April, 2024

Redaksia

Prokuroria Themelore në Ferizaj ka bërë të ditur se është dërguar në mbajtje për 48 orë i arrestuari V.A., i dyshuar për vrasjen e ish gruas (21 vjeçe) dhe plagosjen e vëllait të mitur (15 vjeç) të viktimës.

Sipas prokurorisë, dorasi dyshohet për veprën penale “vrasja”, ndërsa brenda afatit ligjor ndaj të dyshuarit do të parashtrohet edhe kërkesa për caktimin e masës së paraburgimit.

“I dyshuari në këtë rast, me iniciale V.A., me vendim të Prokurorit të Shtetit, është ndaluar në kohëzgjatje prej 48 orësh, për shkak të dyshimit të veprës penale “Vrasja” sipas Kodit Penal të Republikës së Kosovës”.

Ngjarja e rëndë ndodhi pasditen e sotme, rreth orës 14:40, në Qendrën për Punë Sociale në Ferizaj, kurse i dyshuari është arrestuar rreth orës 15:15.

Si pasojë e të shtënave, viktima 21 vjeçare ka ndërruar jetë në vendin e ngjarjes, kurse i plagosuri, vëllai i viktimës, i moshës së mitur është dërguar në Qendrën Emergjente në Ferizaj.

Mjeku kujdestar, Sefedin Fazliu tha se i plagosuri është pranuar me plagë shpuese nga arma e zjarrit në parakrahun e djathtë dhe pas intervenimit kirurgjik i është hequr plumbi .

Më pas, pacienti është transferuar për trajtim në repartin e ortopedisë në spitalin e Ferizajt, tha Fazliu.