20 vite nga Masakra e Reçakut

Në 20 vjetorin e masakrës së Reçakut, për homazhe në kompleksin memorial në Reçak të Shtimes kishin ardhur qytetarë të shumtë nga të gjitha viset e Kosovës, udhëheqës të institucioneve, deputetë dhe liderë të partive politike në Kosovë.
Në nderim të 45 civilëve të vrarë dhe masakruar nga forcat policore dhe ushtarake serbe më 15 janar 1999, kryeministri Ramush Haradinaj,  duke falënderuar të gjithë qytetarët që kanë ardhur të bëjnë homazhe,  tha se Reçaku i ka dhënë shumë Kosovës andaj edhe meriton përkujtimin e përjetshëm.
Për Albin Kurtin, kryetarin e Lëvizjes Vetëvendosje, masakra e Reçakut i ka vetëdijesuar ndërkombëtarët për luftën e padrejtë që i është bërë Kosovës, mirëpo as gjykatat vendore e as ato ndërkombëtare nuk kanë arritur që të zbardhin drejtësinë për kriminelet e këtyre masakrave.
Në fund të homazheve, tek shtatorja e ambasadorit Uilliam Uoker, kryetari i Kuvendit të Kosovës, Kadri Veseli dhe kryetari i Shtimes, Naim Ismajli, kanë lëshuar pëllumba në qiellin e hapur, duke përçuar kështu edhe në mënyrë simbolike mesazhin për paqe.

Leave a Comment

Your email address will not be published.

This site uses Akismet to reduce spam. Learn how your comment data is processed.