Ferizaj

Nisma Socialdemokrate shtron “Drekën e Pavarësisë”

Published

5 years ago

16 February, 2019

“Festo Shqip”, ishte motoja e të rinjve të Nismës Socialdemokrate në Ferizaj, të cilët me rastin e 11 vjetorit të Pavarësisë së Kosovës, organizuan një drekë dhe ekspozitë me ushqime e produkte të ndryshme vendore.
Socialdemokratët e Nismës, thanë se festimi më i mirë i përvjetorit të pavarësisë bëhet duke promovuar produktet që prodhohen në shtetin e ri të pavarur.

“Rinia e Nismës Socialdemokrate ka vendosur që për nder të përvjetorit të pavarësisë të organizojë një drekë të ashtuquajtur drekë e pavarësisë, ku kemi vendosur të kemi ushqim tradicional, pije e produkte vendore në përkrahje edhe të produkteve vendore dhe atyre tradicionale” tha Albion Salihu, kryetar i të rinjve socialdemokratë.

“Për organizimin e këtij aktiviteti kemi hasur mbështetjen e sponzorëve të ndryshëm të vendit, si “Miros”, “Relax”, furra e “Mikelit”,e shumë të tjera që synim kryesor e kemi pasur qasjen e produkteve vendore të tregojmë se nuk kemi nevojë për produkte të huaja por mundemi me i’a dalë vetëm me produkte tona” tha Agnesa Hajredini, nënkryetare e të rinjve.

Por, të rinjtë e këtij subjekti politik nuk kishin qëllim vetëm promovimin e produkteve vendore, por të atraksionit turistik në periferi të qytetit.

“Arsyeja pse e kemi zgjedhur Bifurkacionin sot që me festu Pavarsinë është se historia e bifurkacionit është lumi i dytë në botë që ndahet në dy pjesë dhe nuk bashkohet, kështuqë, pse mos me promovu këtë turizëm që e kemi” tha Kushtrim Hasani.

Në “Drekën e Pavarësisë” të organizuar nga Nisma e Ferizajt, morën pjesë edhe një grup valltaresh e defatoresh të grupit të ansamblit “Kastriotët”, për ta përcjellur këtë ngjarje me këngë të selektuara popullore dhe për të promovuar veshjet tradicionale të trojeve tona.

Ferizaj

Arrestohet një ish zyrtar i gjendjes civile në Ferizaj

Published

24 hours ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

2 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

2 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.