Ferizaj

Kopshti “Dielli” me lokacion të ri

Published

5 years ago

01 June, 2019

I vendosur në një nga lokacionet thuajse më të mira të Ferizajt. kopshti për fëmijë “Dielli”, tani do tu sherbejë familjeve të kompleksit banesor “Euro Invest”, si dhe banorëve nga të gjitha vendbanimet tjera të kësaj zone. Me një ambient shumëngjyrësh për fëmijë, hapësirë të mjaftueshme, përkujdesje me një personel profesional, fëmijëve ju jepet mundësia që me kënaqësi të shkojnë dhe të qëndrojnë në këtë kopsht të bukur.
Drejtoresha Lendita Hasani, tha se në këtë kopsht është punuar sipas standardeve më të reja, ashtu edhe sa i përket metrave katror, të cilët kalojnë 700 metërshin. Ajo u zotua se stafi i saj do të tregojë angazhim maksimal për fëmijët që vijojnë këtë çerdhe.

“Kopshti “Dielli” ka filluar punën që katër vite, një herë ka filluar si kujdestari për fëmijë, më pas kemi marr një objekt tjetër, e kemi parë interesimin e prindërve, besimin e tyre dhe kemi vendos me marrur një hapësirë më të madhe me ua plotësu të gjitha kushtet me të gjitha standardet që fëmijët me qenë sa më rehat mos me pas problem, si për kudjes si për ushqim për gjithçka”, tha Hasani.

Në anën tjetër, prindërit u shprehën të befasur me ambientin e ri që është krijuar për fëmijët e tyre.
Shkendie Aliu, thotë se ajo i ka dy fëmijë në këtë kopsht, dhe përveç ambientit modern që është krijuar, më e kënaqur është me personelin edukues.

“Unë i kam dy vajza në këtë kopsht, objektin që e kemi pasur edhe aty kemi qenë shumë të kënaqur pasi edukatoret janë sjellur shumë mirë, por sot këtu u befasuam me mundësitë që do t’iu ofrohen fëmijëve tonë. Objekti i bukur, i rehatshëm, i këndshëm, i sigurt dhe këto janë ato që neve na rahatojnë, por mbi të gjitha janë edukatoret“,tha Aliu.

Këtë kopsht do të vijojnë 70 fëmijë, fytyrat e buzëqeshura e të cilëve do i japin kuptim të plotë emrit të kopshtit “Dielli”.

Ferizaj

Arrestohet ferizajasi pasi kanosi një grua përmes rrjeteve sociale

Published

18 hours ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

18 hours ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.

Ferizaj

Shtyhet nisja e gjykimit ndaj dy ish-drejtorëve dhe tre zyrtarëve të urbanizmit

Published

18 hours ago

23 April, 2024

Redaksia

Siç raporton “Betimi për Drejtësi”, Gjykata Themelore e Ferizajt dje ka shtyer nisjen e gjykimit ndaj dy ish-drejtorëve të urbanizimit të Ferizajt dhe tre zyrtarëve të tjerë të Komunës së Ferizajt, ndaj të cilëve Prokuroria e Shtetit më 12.02.2024 ka ngritur aktakuzë për keqpërdorim të detyrës zyrtare.
Në Aktakuzën e ngritur nga prokurori Rasim Maloku, ish-drejtorët e Drejtorisë për Urbanizëm dhe Mjedis të Ferizajt, Faik Grainca dhe Lulzim Aliu, si dhe zyrtarët komunalë Selvije Ramadani, Xhemajl Tahiri dhe Ramiz Musliu po akuzohen për ”keqpërdorim të pozitës apo autoritetit zyrtar” nga Neni 422.1 i Kodit Penal të Kosovës.
Aktakuza ka të bëjë me lëshimin e kundërligjshëm të lejes ndërtimore për objektin banesor të kompanisë “Hit Imperial” në afërsi të Arkivit Historik të Ferizajt, si dhe për mosekzekutimin e urdhërit për rrënim të mbindërtimit të kundërligjshëm në këtë lokacion.
Sipas “Betimit Për Drejtësi”, Gjykatësi i çështjes, Hebib Zeqiri, e ka shtyer seancës fillestare për muajin maj, për shkak të mungesës së njërës palë të akuzuar në gjykatore.

Shënim:

Sipas Ligjit, personat e përmendur në këtë artikull konsiderohen të pafajshëm, përveç nëse gjykata e vërteton se janë fajtorë me aktgjykim të formës së prerë.