Ferizaj

Kryetari Aliu dhe komuna gjobiten për mosrespektim të urdhërit të Gjykatës

Published

5 years ago

25 August, 2019

Ish drejtori i gjimnazit “Kuvendi i Arbërit” në Ferizaj, Shemsi Heta, po kërkon që të kthehet në pozitën e tij si drejtor pasi kështu kanë vendosur organet e drejtësisë.
Heta thotë se ai në vitin 2014 është larguar nga pozita e drejtorit në Gjimnazin “Kuvendi i Arbërit” ende pa i përfunduar mandati, ku pas këtij veprimi, ka ndjekur rrugët ligjore, me ç’rast edhe i ka fituar ato, por tani ekzekutivi i Ferizajt nuk po e kthen në pozitën e drejtorit. Heta po akuzon kryetarin e komunës së Ferizajt, Agim Aliu, se ai nuk po e respekton vendimin e gjykatës.

“Të gjitha procedurat gjyqësore janë kryer dhe i kam të gjitha vendimet, duke filluar nga Këshilli i pa varur mbikqyrës i Kosovës, pastaj kam vendimin e Gjyaktës Themelore të Prishtinës, Gjykatës Themelore të Ferizajt, dhe së fundmi kam edhe vedmimin e Gjyaktës së Apelit për kthim në vendin e punës. Por përkundër të gjitha këtyre vendime që i posedoj, që janë të formës së prerë, Gjykata ka lëshuar edhe një urdhër që i dedikohet kryetarit të Komunës për zbatimin e këtij vendimi. Pas dy vërejtjeve që i është dhënë kryetarit a’i nuk ka reflektuar fare dhe ka pasuar gjoba e cila është në shumën prej 8 mijë eurove pastaj është edhe një gjobë tjetër që i ipet vet kryetarit të Komunës prej 2 mijë eurove dhe tani pritet që nëse nuk reflekton kryetari i komunës të pasoj edhe vendimi për vepër penale. Kjo është brengosëse për të gjithë që një kryetar komune nuk i respekton vendimet gjyqësore”, – deklaroi Heta në konferencë për media.

Kurse Këshilltari për Informim pranë zyrës së kryetarit të komunës, Albion Sherifi, thotë se do presin epilogun përfundimtar të vendimit të Gjykatës pasi komuna ka bërë një ankesë për këtë vendim, por në anën tjetër akuzon së pari organet e drejtësisë më pas edhe pushtetin e kaluar për krijim të këtyre situatave.

“Komuna dhe të gjitha institucionet e tjera janë në zbatim të ligjit dhe vendimeve të gjykatave, por është një proces i papërfudnuar, një proces që është i ankimuar nga përfaqësuesit tanë juridik, por në momentin që merr epilogun përfundimtar do të ketë edhe zbatueshmëri të këtij vendimi. Kjo situatë është krijuar pas vednimeve arrogante që ka vepruar ish pushteti dhe ne po i vuajmë ato pasoja. Poashtu të them të drejtën, jemi duke u ballafaquar me vendime paradokslae të sistemit gjyqësor, për shkak se nuk është bërë dallimi i qartë mes mandatit për aq sa ka mandat një drejtor shkolle dhe statusit të shërbyesit civil. Këto vendime paradosksale shkaktojnë dëme financiare të pariparueshme në planin e komunës. – deklaroi Sherifi.

Ish drejtori Heta, shprehet se për të nuk ka shumë vlerë kompenzimi, por më e rëndësishme për të ishte që të zbardhej e vërteta për pafajësinë e tij.

“Pas dy viteve më kanë larguar, Gjykata e ka vërtetuar se unë kam qenë i pafajshëm, jo që unë përfitoj dicka por është çështje e moralit dhe etiketimeve të mëhershme, pasi unë kam pasë edhe akuzë të keqpërdorimit të buxhetit gjë që sk’a qenë e vërtetë. Gjatë kësaj kohe unë kam punuar në Qendrën e Kompetencës, mua më takon diferenca e pages. Nuk është ndonjë shumë shumë e madhe, por krahasim me dënimet që kanë pasuar për komunën ajo shumë është shumë minore”,- tha Heta.

Ndryshe, ish drejtori Heta tha se ishte larguar nga puna pasi sa kishte mandat prej drejtori nuk e kishte larguar menjëherë nga lista e pagave një profesor i cili kishte ndërruar jetë, por këtë e kishte bërë tek pas një muaji. Për këtë veprim administrata e kaluar e kishte larguar nga puna, për të dalë i pafajshëm tek tani me vendim të Gjykatës.

Ferizaj

Arrestohet ferizajasi pasi kanosi një grua përmes rrjeteve sociale

Published

6 mins ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

9 mins ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.

Ferizaj

Gjykimi ndaj dy ish drejtorëve dhe tre zyrtarëve të urbanizmit në Ferizaj vazhdon në maj

Published

11 mins ago

23 April, 2024

Redaksia

Në mungesë të të akuzuarit Faik Grainca, të hënën në Gjykatën Themelore të Ferizajt ka dështuar të mbahet seanca fillestare, në rastin ku përveç Graincës, për keqpërdorim të detyrëz zyrtare po akuzohen edhe Lulzim Aliu, Selvije Ramadani, Xhemajl Tahiri dhe Ramiz Musliu, transmeton Betimi për Drejtësi.

Në këtë rast, Grainca dhe Aliu po akuzohen se në cilësi të drejtorëve të Drejtorisë për Urbanizëm dhe Mjedis në Komunën e Ferizajt, kanë keqpërdorur detyrën zyrtare, e për vepër të njëjtë dhe në cilësi të zyrtarëve po të kësaj drejtorie po ngarkohen edhe Ramadani, Tahiri dhe Musliu.

Ndryshe, në aktakuzë thuhet se për të akuzuarin Faik Grainca ekziston dyshimi i bazuar mirë se më 23 shtator 2016, në Ferizaj, si drejtor i Drejtorisë për Urbanizëm dhe Mjedis në Komunën e Ferizajt, ka keqpërdorur detyrën zyrtare, me qëllim të përfitimit pasuror për personin tjetër, në atë mënyrë që në kundërshtim me nenin 21 të Ligjit për ndërtim numër 04/L-110, dhe nen 6 pika 4 të Ligjit për Trashëgimi Kulturore numër 02/L-88, pa pëlqimin e Institutit të Kosovës për Mbrojtjen e Monumenteve ka lëshuar leje ndërtimore me numër 04-351-90962, të datës 23.09.2016 për objektin e banimit kolektiv dhe afarist B+P+4, në parcelën kadastrale numër 3005-0, ZK Ferizaj, të pronarit F.G., i cili gjendet brenda perimetrit prej 50 metrave me ndërtesën ku është vendosur Biblioteka e Vogël e Qytetit – tani Arkivi Historik i Komunës së Ferizajt, e cila gjendet në listën e Trashëgimisë Kulturore si objekt i trashëgimisë arkitekturale me mbrojtje të përkohshme me numër unik 3471.

Ndërkaq, sipas pikës 2. të kësaj aktakuze i akuzuari Grainca, më 7 dhjetor 2017, në Ferizaj, po ashtu në cilësinë e drejtorit të Urbanizmit ka keqpërdorur detyrën zyrtare, për shkak se ka ndaluar ekzekutimin e konkluzës të datës 27.11.2017 për lejimin e ekzekutimit të vendimit të Drejtorisë për Urbanizëm dhe Mjedis – Inspekcionit të Ndërtimtarisë, me numër 354-086 te datës 17 nëntor 2017, me të cilën është urdhëruar investitori “Hit Imperial” me pronarë F.G. që të rrënoj dhe të largoj mbindërtimin e filluar në katin e pestë pa leje ndërtimore, në objektin për banim kolektiv dhe afarist B+ , në parcelën kadastrale 3005-0, ZK Ferizaj.

Me këto veprime, i njëjti ngarkohet se ka kryer veprën penale “Keqpërdorimi i pozitës apo i autoritetit zyrtare” nga nen 422 par.1 të KPRK-ës numër 04/L-82.

Në dispozitivin II të aktakuzë, thuhet se akuzuari Lulzim Aliu, nga data 21 dhjetor 2017 e në vazhdimësi, si person zyrtar – drejtor i Drejtorisë për Urbanizëm dhe Mjedis në Komunën e Ferizajt, ka keqpërdorur detyrën zyrtare ngase nuk ka ndërmarrë veprimet për ekzekutimin e konkluzës të Inspekcionit të Ndërtimtarisë numër 354-86 të datës 27.11.2017, për rrënimin e mbindërtimit të katit të pestë të objektit banesor dhe afarist B+P+4, në parcelën kadastrale 3005-0ZK Ferizaj, në rrugën “Tahir Sinani “në Ferizaj të investitorit “Hit Imperial” me pronarë F.G., i cili kishte vazhduar me mbindërtim pa leje ndërtimore të katit të pestë, edhe pse inspektorët e ndërtimtarisë kishin urdhëruar ndërprerjen e punimeve dhe kishin lëshuar konkluzë me të cilin urdhërohet rrënimi i mbindërtimit në këtë objekt, kurse investitori kishte vazhduar me mbindërtimin edhe të katër kateve, i cili objekt në vitin 2020 është legalizuar nga Drejtoria e Urbanizmit në Ferizaj.

Me këtë, i pandehuri Aliu akuzohet se ka kryer veprën penale “Keqpërdorimi i pozitës apo autoritetit zyrtar” nga neni 422 par. 1 të KPRK-së numër 04/L-82.

Kurse, në dispozitivin III të akuzës, thuhet se e akuzuara Selvije Ramadani, si zyrtare në Drejtorinë e Urbanizmit dhe Mjedisit në Komunën e Ferizajt, në kundërshtim me neni 21 të Ligjit për Ndërtim, numër 04/L-110 dhe neni 6 pika 4 të Ligjit për Trashëgiminë Kulturore numër 02/L-88, me rastin e shqyrtimit të kërkesës për leje ndërtimore me numër 351-90962/16 të datës 22.08.2016, të investitorit “Hit Imrerial” me pronare F.G., pa pëlqimin e Institutit të Kosovës për Mbrojtjen e Monumenteve, ka dhënë vlerësimin se investitori i plotëson kushtet për lejen ndërtimore, për ndërtimin e objektit për banim kolektiv dhe afarist B+P+4, në parcelën kadastrale 3005-0. ZK Ferizaj, i cili objekt gjendet brenda perimetrit prej 50 metra me ndërtesën ku është vendosur Biblioteka e Vogël e Qytetit – tani Arkivi Historik i Komunës së Ferizajt, si objekt i Trashëgimisë Arkitekturale me mbrojtje të përkohshme i regjistruar me numër unik 3471.

Me këtë, e njëjta ngarkohet se ka kryer veprën penale “Keqpërdorimi i pozitës apo i autoritetit zyrtar” nga nen 422 par.1 të KPRK-ës numër 04/L-82 .

Tutje, dispozitivi IV i kësaj akuze i ngarkon të akuzuarit Xhemajl Tahiri dhe Ramiz Musliu, se në cilësinë inspektorëve të ndërtimtarisë në Drejtorinë e Urbanizmit dhe Midisit të kësaj komune më 16 dhe 24 nëntor 2017, nuk kanë përmbushur detyrat zyrtare në pajtim me nen 33 të Ligjit për Ndërtim numër 04/L 110 dhe neni 24 dhe 44 të Ligjit numër 04/L-175 për Inspektoratin e Mjedisit, Ujërave Natyrës, Planifikimit Hapësinor dhe Ndërtimit, ngase me rastin e vizitës inspektuese në objektin ndërtimor B+P+4, në parcelën kadastrale numër 3005-0, ZK Ferizaj te investitorit “Hit Imperial” me pronarë F.G., i cili kishte filluar me mbindërtim e katit të pestë, për të cilin nuk posedonte leje ndërtimore, të njëjtit kanë përpiluar procesverbalet me numër 354/086 të datës 16.11.2017 dhe 354/091 te datës 24.11.2017, ku kanë konstatuar se investitori është duke vazhduar me mbindërtim pa leje ndërtimore, mirëpo nuk kanë vendosur shiritat për ndërprerjen e punimeve, por vetëm kanë marrë vendim me të cilin është urdhëruar investitori që të rrënoj pjesën e mbindërtimit, kurse me datë 27.11.2017 kanë nxjerrë konkluzë me te cilin lejohet ekzekutimi i vendimit për rrënimin e mbindërtimit pa leje ndërtimore, kurse mbindërtimi ka vazhduar edhe katër kate në mënyrë të papenguar nga inspektorët e ndërtimtarisë.

Me këtë, të njëjtit akuzohen se në bashkëkryerje kanë kryer veprën penale “Keqpërdorim i pozitës autoritetit zyrtar” nga nen 422 par.1 lidhur me nen 31 të KPRK-ës numër 04/L-82, transmeton Betimi për Drejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.