Connect with us

Ferizaj

VV dhe LDK në Ferizaj: Kryeministri është i yni

Published

on

Për zgjedhjet e 6 Tetorit, subjektet më të mëdha opozitare, Lëvizja Vetëvendosje dhe Lidhja Demokratike e Kosovës, akoma nuk kanë arritur të ujdisen për çështjen e bajraktarit të qeverisë, meqë Vetëvendosje këmbëgul se është Albin Kurti ai që duhet të udhëheqë me qeverinë reformatore, ndërkaq LDK pretendon se është Vjosa Osmani ajo që duhet të ulet në karrigën e kryeministrit. Kryetari i LVV-së në Ferizaj, Valon Ramadani, thotë se LDK-ja është ngutur kur e ka nominuar Vjosa Osmanin si kandidate për kryeministre, përderisa në të njejtën kohë janë duke u bërë bisedime për një koalicion të mundshëm parazgjedhor.

“Një është e sigurt se nëse ky koalicion bëhet, do të të jetë një shumicë e deputetëve që mund të shkojë deri në 70 deputet dhe vendit tonë i duhet një qeveri që i duhet shumë numra dhe të krijohet stabilitet. Qytetarët janë të bindur se asnjë qeveri nuk ka arritur të bëjë ndryshimin dhe këtë mund ta bëjë LVV, me liderin e tij apo kryeministrin e ardhshëm Albin Kurtin. Ne jemi shumë idhëtar të asaj që të jemi bashkë në një listë me LDK-në, por edhe nëse nuk bëhet jam i bindur se ne do të dalim e para.                             LDK-ja ka dalur me një kandidat për kryeministër dhe mendoj se është ngutur me caktimin e kandidatit, derisa në të   njejtën kohë je duke biseduar për një bashkëpunim të mundshëm. Vendit i duhet një qeveri që nuk ka qenë në pushtet deri tani, që ka guxim, ka dije dhe vendosmëri që duhet ta ndryshojë vendin në shumë sektorë, tash po i bje që këtë e arrin Albin Kurti.  Mendimi im është që kryeministri i ardhshëm në krejt format duhet të jetë Albin Kurti.” – deklaroi Ramadani

Ndërkaq kryetari i degës së LDK-së në Ferizaj, Muharrem Svarqa, thotë se LDK- është më e fuqishme në nivel vendi, prandaj sipas tij  i “takon” që këtij koalicioni t’i prijë Vjosa Osmani. Ai këtë konstatim e bazon duke u thirrur në disa sondazhe për të cilat nuk dha detaje se kur dhe nga kush ishin organizuar.

 “Ne veçse e kemi nominuar kreyministren për shkak se jo vetëm që ka qenë kërkesë e sturkturave të LDK-së e simatizantëve, por ka qenë edhe një plebeshit qytetarë që të kandidohet kësaj radhe për kryeministre ashtu sic është nominuar z. Vjosa Osmani, dhe besoj që do të ishte një lojë jonormale që ne të bëjmë ndonjë kalkulim tjetër dhe është normale që LDK-ja ta ketë kryeministrin për shkak se edhe në nivel të Kosovës e ka fuqinë më të lartë politike dhe në përfaqësim në Kuvend me numër të deputetëve por edhe në të gjitha matjet që po bëhen në nivel të Kosovës, LDK-ja po prin në të gjitha sondazhet edhe ato ndërkombëtare dhe të mbrendshme, dhe ky opinion nuk ka arsye që të zhgënjehet, dhe konform sa,j ne e kemi marr vendimin në kryesi që të dëgjojmë zërin e qytetarëve, qytetarët e kanë kërkuar Vjosën. Ne ua kemi krijuar mundësinë që ta votojnë, dhe unë jam i sigurtë që Vjosa Osmani do të jetë kreyministre pas datës 6 tetor“- tha Svarqa

  Në zgjedhjet e fundit qëndrore që u mbajtën në Kosovë gjatë vitit 2017, subjekti më i madh opozitar doli të ishte Lëvizja Vetëvendosje me 32 deputetë, ndërkaq koalicioni i prirë nga LDK pat dalë si subjekt i tretë duke fituar vetëm 29 vende në kuadër të legjislaturës së 6-të të Parlamentit të Kosovës. Përndryshe në sondazhet e djeshme online të portaleve si Gazetaexpress, T7, Infokusi dhe Dukagjini, për vizitorët e këtyre sajteve, kandidati bindshëm më i kërkuar për kryeministër ishtë Albin Kurti, i cili printe me 10 deri në 30% para kandidates së LDK-së, Vjosa Osmani.        

Continue Reading
Click to comment

Leave a Reply

Your email address will not be published. Required fields are marked *

Ferizaj

Grabitje e armatosur në një lokal në Ferizaj

Published

on

Një burrë ka raportuar në polici se një person i maskuar ka hyrë në lokal dhe në kërcënimin e armës ka grabitur një shumë te konsiderueshme parash pasi paraprakisht e ka lidhur viktimën me lidhëse plastike.

Grabitja ka ndodhur mesditën e djeshme, 27.03.2024 në Ferizaj.   

Në raportin 24 orësh, policia ka njoftuar se rasti është cilësuar si “grabitje me armë”.

Continue Reading

Ferizaj

Grabiten rreth 30 mijë euro në një këmbimore në Ferizaj

Published

on

Pasditen e sotme ka ndodhur një grabitje e armatosur në një këmbimore në rrugën Sali Çeku Ferizaj , ku dyshohet se vjedhur rreth 30 mijë euro.

Sipas Policisë, grabitësi i armatosur pas vjedhjes ka ikur në drejtim të panjohur. Në atë kohë, në këmbimore ishte vetëm një punëtor 30-vjeçar.

Policia ka nisur hetimet për identifikimin dhe arrestimin e të dyshuarit.

Njoftimi i policisë:

Me datën 27.03.2024 rreth orës 12:20 kemi pranuar një informacion se në një këmbimore, e cila gjendet ne rrugën” Sali Çeku” në Ferizaj, dyshohet se një person i maskuar dhe nën kërcënimin e armës së zjarrit ( pistoletë) arrin të marrë (grabitë)një shumë të caktuar të parave dhe të largohet në drejtim të panjohur.  Menjëherë ekipe të policisë, policë të rendit, hetues të stacionit, si dhe hetuesit dhe krim-teknikët rajonal kanë dalë në vendin e ngjarjes dhe kanë marrë masat e nevojshme të hetimit për identifikimin dhe kapjen e të dyshuarit e kësaj ngjarje. Për ë gjitha këto veprime është njoftuar edhe prokurori kujdestar nga Prokuroria Themelore në Ferizaj. Në momentin e grabitjes ka qenë duke punuar një punëtor, i moshës 30 vjeçar dhe nuk raportohet për lëndime. Dyshohet se janë grabitur rreth 30 mijë euro”.

Continue Reading

Ferizaj

Gjobë 150€, 2 pikë negative dhe 3 muaj ndalesë për tejkalim në anën e kundërt

Published

on

Policia në Ferizaj pas pranimit të një video incizimi më 20.03.2024, ka evidentuar shkeljen e rregullave të trafikut, pasi në rrugën magjistrale Ferizaj- Kaçanik ,në afërsi të udhëkryqit përnë fshatin Komogllavë, një shofer me automjetin e tij shihet duke bërë tejkalimin në anën e kundërt ( djathtë ) të një automjeti tjetër para tij.

Policia e Komunikacionit Rrugor e ka identifikuar shoferin K.K, i moshës 50 vjeç dhe atij i kanë shqiptuar një gjobë për kundërvajtje 150 euro, 2 pikë negative dhe 3 muaj masë mbrojtëse, heqje e patentë shoferit.

Continue Reading

Trending