Botë

Vuçiq: Tani e ndajmë energjinë nga Ujmani

Published

4 years ago

04 September, 2020

Pas nënshkrimit të marrëveshjes në Shtëpinë e Bardhë, presidenti i Serbisë, Aleksandar Vuçiq, deklaroi se në marrëveshje me Amerikanët, pala shqiptare është zotuar t’i bashkohet mini Shengenit, që është me rëndësi jo vetëm për serbët në Kosovë, por edhe për vetë Serbinë.

“Kjo ka rëndësi për ne, sepse kështu do ta kemi një treg të unifikuar, s’ka befasi me taksa, tarifa, do të sigurojmë qarkullim të lirë të njerëzve, kapitalit, shërbimeve, është me rëndësi për serbët në KiM dhe për tërë Serbinë” deklaroi Vuçiq.

Sa i perket pikës që i referohet Ujmanit, Vuçiq ndër të tjera tha: “Ata ishin kategorikisht kundër(shqiptarët) dhe pse ne ishim për, dhe të dyja palët heshtnim që mos ta shpërfaqnim, sepse nuk e kemi as një kilovat të rrymës nga Gazivoda(Ujmani) për momentin. Kështu tani, në çfarëdo raporti të ndarjes, ne vetëm fitojmë, prandaj ata paten zënka të mëdha mes veti.”

“Shumë është me rëndësi që Amerikanët ta kryejnë studimin e fizibilitetit, dhe që ne të fitojmë një pjesë të burimeve energjetike, pra bëhet fjalë për energji elektrike dhe ujë. Në territorin tonë Gazivoda(Ujmani) është pak më thellë, por kryesisht ai ujë shkon për Metohi dhe Prishtinë, e më pak për vendbanimet serbe. Rrymë nuk marrim fare, prandaj kjo për ne është e shkëlqyer, ndërsa në Prishtinë ka shkaktuar pakënaqësi” – deklaroi ndër të tjera Vuçiq.

Ndërsa sa i përket pranimit të ndërsjellë dhe njohjes nga Izraeli, presidenti serb tha: “ Në mënyrë brutale e kemi refuzuar njohjen reciproke, dhe kjo ishte një miniaturë e lojës së shahut. E konsideronin se ne duhet t’i bëjmë thirrje Izraelit për ta njohur Kosovën, e ne u thamë se nuk mundemi, sepse kjo e rrënon politikën tonë. U thamë së nëse për këtë dakordohen Prishtina dhe Izraeli – në rregull. Mirëpo i thamë Izraelit se, nëse ata e respektojnë Serbinë, atëherë vendi ynë do ta bartë ambasadën e vet në Jerusalem” – deklaroi Vuçiq pas nënshkrimit të marrëveshjes në Washington.

Botë

Bitcoin me rekord historik – kalon vlerën mbi 71 mijë dollarë

Published

1 month ago

11 March, 2024

Redaksia

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Botë

Bosnje-Hercegovina goditet prej një tërmeti rreth 4-shkallësh

Published

2 months ago

19 February, 2024

Redaksia

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Botë

Katër të vdekur nga zjarri në Tivar të Malit të Zi

Published

2 months ago

15 February, 2024

Redaksia

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/