Arsim

Qendra e Kompetencës përgatitet që mësimin ta nis shkollë-online

Published

4 years ago

10 September, 2020

Të hënën pritet që disa nivele arsimore të fillojnë mësimin, e disa të tjera një javë më vonë.

E, një ndër shkollat profesionale në Ferizaj e cila shquhet për cilësi, Qendra e Kompetencës, ka bërë të gjitha përgatitjet e nevojshme si për nxënësit të cilët do të jenë në shkollë, por edhe për ata që do të ndjekin mësimin nga distanca.

Drejtori Bashkim Hyseni, thotë se kjo shkollë do të zhvilloj procesin mësimor me skenarin B, e që është shkollë-online.

“Tashmë janë dhënë tre skenarë, ne jemi përcaktuar që të fillojmë me skenarin B që është një kombinim i mësimit shkollë-online, meqë kushtet tona janë të mira në krahasim me shkollat e tjera sepse kemi internet në të gjitha hapësirat e shkollës, ne i kemi bërë të gjitha përgatitjet që në të njëjtën kohë mësimdhënësi mund të mbajë mësimin me gjysmën e klasës në klasë dhe në të njëjtën kohë mësimin ta zhvilloj online me pjesën tjetër të nxënësve”, tha Hyseni.

Hyseni thotë se nxënësve që nuk do të kenë mundësi ta ndjekin mësimin për shkak të mungesës së pajisjeve teknologjike, do të kujdesen t’ua sigurojnë ato .

“Siç shihet në bazë të kriterit 1.5 metër distancë i bie që gjysma e klasës do të jetë këtu, po ashtu do të bëjmë vlerësimin e nxënësve, ata që nuk kanë internet në disa fshatra, apo edhe nxënës që mund të mos kenë telefona të mençur ne do të përpiqemi t’i ndihmojmë edhe në këtë drejtim, mirëpo edhe në të njëjtën kohë t’i përdorin laptopët e shkollave ose nëse nuk mundemi të bëjmë ndonjë gjë së paku të shpeshtojmë ardhjen fizike të atyre nxënësve që për arsye të ndryshme mund të kenë probleme”, tha Hyseni.

Higjiena duket se do të jetë më e lehtë të mbahet në këtë shkollë, meqë në secilën klasë dhe kabinet ka të vendosura çezme.

“Ne jemi shkollë e shëndetësisë dhe nxënësit edhe nëpër lëndë mësimore mësojnë për higjienën. Të gjitha klasat, të gjitha hapësirat në këtë shkollë kanë çezme, madje ka edhe ujë të ngrohtë, të gjitha janë të rregulluara dhe janë të mirëmbajtura. Këto do të duhej të ishin në të gjitha shkollat dhe jo vetëm në këtë kohë pandemie, por në çdo kohë”, tha Hyseni.

Edhe në këtë vit të ri shkollor, Qendra e Kompetencës në Ferizaj nuk ka pranuar më shumë se 164 nxënës në gjithsej 6 profile, farmaci, optikë, kujdes social shëndetësor, siguria e ushqimit dhe dieta, fizioterapi dhe teknik dentar.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.