Connect with us

Arsim

Në fshatin Nerodime hapet qendra për fëmijët e moshës 3-5 vjeç

Published

on

Prindërit e fshatit Nerodime të komunës së Ferizajt nuk do ta kenë më problem mungesën e çerdhes në fshat, meqë në shkollën fillore të këtij fshati nga sot është hapur një klasë për fëmijët e moshës 3 deri në 5 vjeç.

Është organizata ”Save the Children” ajo e cila ka mundësuar hapjen e kësaj klase në kuadër të projektit “Zhvillimi dhe kujdesi në fëmijëri të hershme”.

Përfaqësues të kësaj organizate thonë se qëllimi i hapjes së kësaj klase është integrimi i fëmijëve edhe nëpër fshatra.

“Jemi të lumtur që e kemi hapur klasën e dytë, “Save the Children” e ka financuar në tërësi këtë qendër të bazuar në komunitet, ne kemi dhënë mjaftueshëm materiale didaktike dhe lodra pedagogjike, por ne do të mundohemi që mos t’u mungoj asgjë”, u shpreh  Gresa Haxhimusa, koordinatore në “Save the Children”.

“Jam shumë e lumtur që sot po hapet kjo qendër në këtë fshat. Mosha është 3-4 vjeç dhe jemi të lumtur që interesimi ka qenë shumë i madh dhe nuk kemi mundur me i përmbledh të gjithë, numri ka qenë mbi 50 prindër që kanë qenë të interesuar”, theksoi Arta Beqiri, mobilizuese e komunitetit në ”Save the Chlidren”.

Për hapjen e kësaj klase ka kontribuar edhe Drejtoria  e Arsimit në Ferizaj.

“Jemi këtu për të bërë hapjen e dytë sepse ne e kemi bërë hapjen e një klase të tillë në Zaskok, është një qasje që nuk ka munguar nga ne sepse ne në vazhdimësi  thirremi në zhvillimin e fëmijërisë  së hershme dhe në mungesë të çerdheve publike që janë duke na munguar fatkeqësisht atëherë ne jemi duke bërë bashkëpunime të tilla me organizata që ne t’iu krijojmë këtyre fëmijëve për të pasur qasje në arsimim të hershëm”, tha Afrim Llabjani, drejtor i Arsimit në Ferizaj.

Hapjen  e kësaj klase për fëmijët e fshatit Nerodime e mirëpritën prindërit.

“Është shumë e qëlluar, fëmijët adaptohen me shkollën dhe fëmijët e tjerë, edukohen më mirë, por problem është transporti, unë 12 kilometra në ditë duhet me i bë pasi duhet me sjell djalin, prap me çu në shtëpi,  prap me ardhë me sjell vajzën e me marrë atë dhe ky problem është për të gjithë prindërit”, theksoi Besarta Agushi, nënë.

 E, drejtori i shkollës “Kostandin Kristoforidhi”, Muhamet Murati, shprehet se mungesa e hapësirës mund të jetë pak problematike për të vegjëlit.

 “E kemi prit mirë, është e mirë çdo iniciativë që vjen, por e vetmja vërejtje është që ne nuk mundemi me iu ofru kushte këtyre fëmijëve siç kërkohet, pasi objekti shkollor është bukur i vjetër dhe nuk kemi mundësi me ua lënë një hapësirë ndaras që mos të na pengojnë neve ose ne mos t’i pengojmë këta, por besoj se do të kemi adaptim nga të dyja palët“, tha Murati.

Në këtë ceremoni u tha se vitin e ardhshëm do të nisë ndërtimi i objektit të ri për nxënësit e kësaj shkolle, ku një hapësirë e veçantë do t’i ndahet edhe kësaj klase.

Continue Reading
Click to comment

Leave a Reply

Your email address will not be published. Required fields are marked *

Arsim

Të enjten në Ferizaj ndihmohen prindërit për aplikim për subvencionimin e librave

Published

on

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Continue Reading

Arsim

Në E-Kosova hapet platforma për subvencionimin e librave shkollorë

Published

on

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Continue Reading

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

on

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.

Continue Reading

Trending