Arsim

Pas shtimit të rasteve me koronavirus, Drejtoria e Arsimit kërkon kujdes të shtuar nga shkollat

Published

3 years ago

29 October, 2020

Që kur ka filluar procesi mësimor, në komunën e Ferizajt janë testuar 442 mësimdhënës, prej tyre pozitiv me COVID-19 kanë rezultuar 17. Të infektuar me këtë virus që ka pushtuar globin kanë qenë edhe nxënës dhe personeli tjetër shkollor.

Rastet pozitive nëpër shkollat e Ferizajt kanë bërë që disa klasë të zhvillojnë procesin mësimor online, e disa shkolla u mbyllën për dy javë.

Këto ditë është mbyllur edhe një shkollë tjetër. Është kjo shkolla “Ali Hadri” në fshatin Mirash, nxënësit e së cilës tashmë kanë kaluar në mësimin online për shkak se drejtori i shkollës, një mësimdhënëse dhe një ndihmës teknik rezultuan pozitiv me koronavirus.

“Së fundmi e kemi shkollën “Ali Hadri” në Mirash ku ajo shkollë tani është në mësim online pasi kanë rezultuar pozitiv drejtori i shkollës, një mësimdhënëse dhe një punëtor ndihmës, po ashtu është edhe klasa e katërt në shkollën në Tërrn që ka kaluar në sistemin online, pasi mësimdhënësja që ka rezultuar pozitiv në Mirash ka punuar edhe në këtë klasë të Tërrnit, kështu ne do të vazhdojmë deri në shërimin e plotë të tyre dhe deri në marrjen e vendimit tjetër që do ta na vie nga Ministria e Arsimit dhe ajo e Shëndetësisë“, tha Afrim Llabjani, drejtor i Arsimit në Ferizaj.

Përkundër shtimit të rasteve të reja këto ditë, Llabjani thotë se nuk është diskutuar për mbyllljen e shkollave, por vetëm është kërkuar të shtohet kujdesi.

“Ne jemi për të vazhduar mësimin dhe do të bëjmë çmos për të vazhduar mësimi në bankat shkollore, sepse e dimë sa është i rëndësishëm vazhdimi i procesit mësimor nëpër institucionet edukativo-arsimore, fatkeqësi është se është duke u rritur numri i të infektuarve në nivel vendi, por edhe në komunën e Ferizajt. Ne jemi duke qenë të kujdesshëm sa i përket sferës së arsimit, ne kemi kërkuar nga drejtorët e shkollave, meqë janë të pajisur me të gjitha mjetet e nevojshme për t’u mbrojtur nga COVID-19, që të shtojnë edhe më shumë vigjilencën gjatë këtyre ditëve dhe të kemi kujdes ende më të shtuar në mënyrë që mos të kemi shpërndarje të virusit”, tha Llabjani.

Vetëm nga fillimi i kësaj jave, në Kosovë janë regjistruar 683 raste të reja me koronavirus.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.