Botë

Vaksina e “Modernës” kundër COVID-19 në treg më 21 Dhjetor

Published

3 years ago

30 November, 2020

Prodhuesi amerikan i barnave Moderna aplikon sot pranë Administratës sa Ushqimit dhe Barnave(FDA) për autorizim të përdorimit emergjent të vaksinës së saj kundër virusit SARS CoV-2.

Vaksinat e para mund të jepen më 21 Dhjetor të këtij viti, nëse procesi ec normalisht dhe jepet miratimi, tha në një intervistë për media Stephane Bancel, shefi ekzekutiv i kësaj kompanie.

Aplikimi i Moderna-s bazohet në të dhënat që tregojnë se vaksina e saj është 94.1 për qind efektive dhe se studimi i saj me mbi 30,000 njerëz ka përmbushur kriteret shkencore të nevojshme për të përcaktuar nëse ajo funksionon. Gjetja nga grupi i plotë i të dhënave është në përputhje me një analizë të të dhënave të mëparshme të cilat u publikuan 16 nëntor, kur u bë e ditur se vaksina ishte 94.5 për qind efektive.

Të dhënat e reja gjithashtu tregojnë se vaksina ështe 100 për qind efektive në parandalimin e sëmurjes së rëndë nga koronavirusi. Vaksina u zhvillua në bashkëpunim me studiuesit e qeverisë së SHBA-ve nga Instituti Kombëtar i Alergjive dhe Sëmundjeve Infektive.

Në njoftimet e mëhershme janë bërë të ditura përparësitë e vaksinës së Modernës, ku kjo e fundit nuk kërkon ruajtje në temperatura aq të ulëta sa ajo e Pfizer (-70 shkallë Celsius), ndërsa cikli i vaksinimit përfundon brenda pak ditësh, dhe jo si tek rasti i Pfizer, kur doza e dytë finale duhet të administrohet tek pas një muaji.

Botë

Bitcoin me rekord historik – kalon vlerën mbi 71 mijë dollarë

Published

1 month ago

11 March, 2024

Redaksia

Çmimet e Bitcoin shënuan një rekord të ri, pasi në orën 8:25 të mëngjesit të sotëm, arriti vlerën 71,644 dollarë derisa më pas pësoi një rënie të lehtë.

Që nga fillimi i vitit, tregu financiar shfaqi tendencën e rritjes të Bitcoin, pasi më 1 janar tregtohej me vlerën prej 44.100 dollarë derisa rritja e jashtëzakonshme filloi nga fundi i shkurtit, kur shënoi vlerën tregtare prej 68,342 dollarë.

Nëse krahasojmë me vlerën e para 6 muajve, kur më 11 shtator vlera e kësaj kriptovalute ishte pak mbi 25 mijë dollarë, Bitcoin sot shënoi rritje mbi 183 %.

Botë

Bosnje-Hercegovina goditet prej një tërmeti rreth 4-shkallësh

Published

2 months ago

19 February, 2024

Redaksia

Sarajeva dhe rrethina e saj janë goditur në mëngjesin e së hënës prej një tërmeti rreth 4 shkallësh të Rihterit, sipas të dhënave të Qendrës Sizmologjike Euro-Mesdhetare dhe Institutit Federal të Hidrometeorologjisë.

Tërmeti 3.9 shkallë është regjistruar rreth orës 9:22 afër Sarajevës.

Thellësia e tërmetit ka qenë gjashtë kilometra.

Qytetarët e Sarajevës kanë thënë se tërmeti është ndjerë shumë dhe ka zgjatur disa sekonda.

Deri më tani nuk është raportuar për ndonjë dëm material.

/REL/

Botë

Katër të vdekur nga zjarri në Tivar të Malit të Zi

Published

2 months ago

15 February, 2024

Redaksia

Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

“Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

“Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi.

/REL/