Ferizaj

Në Ferizaj arrestohet i dyshuari për plaçkitje të këmbimores

Published

3 years ago

07 December, 2020

Policia e Ferizajt ka bërë të ditur se gjatë një veprimi operativ në terren, mbrëmë në këtë qytet një person është arrestuar në flagrancë duke vjedhur në një këmbimore që gjendet në rrugën “Dëshmorët e Kombit”.

Sipas komunikatës zyrtare, rasti ka ndodhur mbrëmë rreth orës 23:55 minuta në Ferizaj, ku i dyshuari 33 vjeçar me iniciale B.B me forcë ka depërtuar në këmbimore për të vjedhur dhe i njejti është arestuar në flagrancë nga patrullat policore të Ferizajt.

Si prova materiale te i dyshuari janë gjetur dhe konfiskuar 1 Laptop, 2 radiolidhje, 2 altoparlantë, 60 euro, 290 Lekë, 228 Denarë, 6 telefona të ndryshëm, 2 portofolë, 1 kaqavidë dhe 1 palë gërshërë.

I dyshuari në prezencë të avokatit ka pranuar në tërësi veprën e kryer, ndërsa rasti është iniciuar me procedurë të rregullt.

Ferizaj

Arrestohet një ish zyrtar i gjendjes civile në Ferizaj

Published

8 hours ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

1 day ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

1 day ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.