“JERUSALEM POST”,   AARON REICH, 8 dhjetor 2020

Sypozohet se kjo “Federatë Galaktike” me vite të tëra ka qenë në kontakt me Izraelin dhe SHBA-të, por është duke u mbajtur sekrete, në mënyrë që të parandalohet histeria, gjersa njerëzimi të bëhet gati.

A ka kontaktuar shteti i Izraelit me alienë?

Sipas Haim Edhed, gjeneral i pensionuar Izraelit dhe aktualisht profesor universitar, përgjigja është pohuese, por kjo është mbajtur sekrete “sepse njerëzimi akoma nuk është gati”.

Në intervistë për gazetën izraelite “Yediot Ahanorot”, gjenerali Eshed, i cili shërbeu si shef i programit të Izraelit për siguri Hapësinore për gati 30 vite, për të cilën u dekorua trefish me Çmimin për Sigurinë e Izraelit – shpjegoi se  Izraeli dhe SHBA-të kanë pasur punë me alienë përgjatë vitesh.

Eshed dha përshkrime se saktë çfarë marrëveshjesh janë bërë ndërmjet alienëve dhe SHBA-ve, me gjasë sepse ata duan të hulumtojnë dhe ta kuptojnë “stofin e Universit”.  Ky bashkëpunim përfshin edhe bazën sekrete nën sipërfaqen e Marsit, ku amerikanët dhe përfaqësuesit e alienëve tashmë gjenden atje.

Nëse del e vertetë, kjo do të konicidonte me krijimin e Forcës Hapësinore nga ana e Presidentit amerikan Donald Trump, si degë të pestë të forcave të armatosura të SHBA-ve, por është më se e paqartë se sa kohë, nëse fare, ka zgjatur ky lloj raporti ndërmjet SHBA-ve dhe aleatëve të saj  jashtëtokësorë.

Por Eshed insiston se Trumpi ishte ne dijeni për ta, dhe se ai ishte “në cep” për ta bërë publike ekzistencën e tyre.  Mirëpo, siç raportohet, Federata Galaktike e ka stopuar atë, duke thëne se duan që ta parandalojnë histerinë masovike, pasiqë e ndjejnë se njerëzimi ka nevojë “të evoluojë dhe të arrijë shkallën  të kuptuarit se çfarë janë kosmosi dhe anijet kozmike” – shkruan gazeta Yediot Aharonot.

Lidhur me arsyen pse tani e ka zgjedhur kohën për ta zbuluar këtë informacion, Eshed u sqarua se kjo ka të bëjë me ndryshimet në skenën akademike, dhe për shkak të respektit që ai tani e gëzon në qarqet akademike.

“Nëse do të dilja para pesë vitesh t’i flisja këto që po i them tani, do të më dërgonin në spital”, i sqaroi gazetës në fjalë.

Ai shtoi se ” ata sot po flasin më ndryshe. Nuk kam gjë për të humbur. Kam pranuar  tituj dhe çmime; Jam i respektuar në universitete jashtë vendit, ku poashtu po ndryshojnë botëkuptimet.”

Eshen ka dhënë më shumë informata në librin e tij më të ri “Universi përtej Horizonti- biseda me profesorin Haim Eshed”, ku jepen detaje se si alienët i kanë parandaluar apokalipset bërthamore, dhe se kur mund të kërcejmë për t’i vizituar “Njërëzit me kostume të Zeza” (Man in Black v.j.).