Connect with us

Ferizaj

Marketet gjobiten pasi punojnë

Published

on

Idriz Spahiu, pronar i marketit “Mandarina” në Ferizaj, është në hall se a ta mbaj të hapur marketin e tij pas orës 18:00,  apo ta mbyll atë. Ai thotë se përkundër vendimit të Ministrisë së Tregtisë dhe Industrisë që thotë se marketet e vogla lejohen të punojnë edhe pas orës 18:00, inspektorët dhe  Policia po i detyrojnë t’i mbyllin lokalet pas kësaj ore, duke i paralajmëruar edhe për gjoba.

“Edhe ne nuk po mundemi me u ra në fije, një ditë na e mbyllin, një ditë na e hapin. Punë nuk ka, shpenzime të mëdha kemi, me të vërtet jemi në hall. Para dy dite në mbrëmje erdhi një inspektor tha jam i ministrisë, tha kemi bërë gabime një herë iu kemi thënë hapne e tash mbyllne. Me të vërtet ne jemi në hall kështu. Mbrëmë unë s’kam punu, disa kishin punu, në anën tjetër qyteti është plot, kafeteritë ishin plot, a ne shitoret mbyll, ne këtu nuk kemi tavolina, edhe këtu është merre me vete, tek e fundit edhe ne po shërbejmë vetëm jashtë te dera“, tha Spahiu.

Policia e Ferizajt mbrëmë mbylli disa markete pa prezencën  e inspektorëve, gjë që nuk është e lejuar.

Lidhur me këtë, drejtori i Policisë për rajonin  Ferizajt Emin Beqiri, thotë se nuk është në dijeni për veprime të tilla,  por ato markete që janë mbyllur nga Policia mund të bëjnë ankesë.

“Në kuptimin e marketeve të vogla ato janë të lejuara, por realisht mbrëmë kemi pas informata se është numër i madh i qytetarëve në shesh dhe jemi detyruar që të intervenojmë, ndërsa tek marketet ne jemi në asistim të inspektorëve, përndryshe nëse  iu është mbyllur ndokujt marketi nga Policia ai market mund të bëj ankesë”, tha Beqiri.

E paqartë kjo situatë është edhe për vet Inspektoratin Komunal.

“Ne si Inspeksion Komunal kemi rënë në pozitë të palakmueshme pasi që kemi interpretime të ndryshme prej dy ministrive të ndryshme të Qeverisë së Kosovës. Fillimisht Ministria e Tregtisë dhe Industrisë ka dalë me një sqarim me të cilin e lejon punën pas orës 18:00 për marketet dhe ky vendim është shpërndarë tek marketet që kanë filluar të punojnë pas orës 18:00, në të njëjtën kohë Ministria e Shëndetësisë ka dalë me qëndrim se nuk duhet të punohet pas kësaj ore dhe kështu është krijuar konfuzion. Ne i zbatojmë urdhërat e Ministrisë se Tregtisë dhe Industrisë, mirëpo inspektorët e AVUK-të po i zbatojnë urdhërat  e Ministrisë së Shëndetësisë që te bizneset është duke shkaktuar konfuzion pasi bëhet fjalë për të njëjtën qeveri me dy interpretime të ndryshme”, tha inspektori Besim Uruçi.

Uruçi thotë se Ministria e Tregtisë dhe Industrisë  ka dhënë një sqarim të dytë të premtën pak para mesnate.

”Në ndërkohë Ministria e Tregtisë dhe Industrisë ka dalë edhe me një sqarim të dytë diku para mesnatës të së premtes që mos të punojnë bizneset pas orës 18:00”, tha Uruçi.

Mbrëmë pas orës 18:00 shumica e marketeve të vogla në komunën e Ferizajt janë mbyllur detyrueshëm, disa nga policia e disa nga inspektorët ku nuk kanë munguar as gjobat në vlerë mbi 100 euro.

Continue Reading
Click to comment

Leave a Reply

Your email address will not be published. Required fields are marked *

Ferizaj

Grabitje e armatosur në një lokal në Ferizaj

Published

on

Një burrë ka raportuar në polici se një person i maskuar ka hyrë në lokal dhe në kërcënimin e armës ka grabitur një shumë te konsiderueshme parash pasi paraprakisht e ka lidhur viktimën me lidhëse plastike.

Grabitja ka ndodhur mesditën e djeshme, 27.03.2024 në Ferizaj.   

Në raportin 24 orësh, policia ka njoftuar se rasti është cilësuar si “grabitje me armë”.

Continue Reading

Ferizaj

Grabiten rreth 30 mijë euro në një këmbimore në Ferizaj

Published

on

Pasditen e sotme ka ndodhur një grabitje e armatosur në një këmbimore në rrugën Sali Çeku Ferizaj , ku dyshohet se vjedhur rreth 30 mijë euro.

Sipas Policisë, grabitësi i armatosur pas vjedhjes ka ikur në drejtim të panjohur. Në atë kohë, në këmbimore ishte vetëm një punëtor 30-vjeçar.

Policia ka nisur hetimet për identifikimin dhe arrestimin e të dyshuarit.

Njoftimi i policisë:

Me datën 27.03.2024 rreth orës 12:20 kemi pranuar një informacion se në një këmbimore, e cila gjendet ne rrugën” Sali Çeku” në Ferizaj, dyshohet se një person i maskuar dhe nën kërcënimin e armës së zjarrit ( pistoletë) arrin të marrë (grabitë)një shumë të caktuar të parave dhe të largohet në drejtim të panjohur.  Menjëherë ekipe të policisë, policë të rendit, hetues të stacionit, si dhe hetuesit dhe krim-teknikët rajonal kanë dalë në vendin e ngjarjes dhe kanë marrë masat e nevojshme të hetimit për identifikimin dhe kapjen e të dyshuarit e kësaj ngjarje. Për ë gjitha këto veprime është njoftuar edhe prokurori kujdestar nga Prokuroria Themelore në Ferizaj. Në momentin e grabitjes ka qenë duke punuar një punëtor, i moshës 30 vjeçar dhe nuk raportohet për lëndime. Dyshohet se janë grabitur rreth 30 mijë euro”.

Continue Reading

Ferizaj

Gjobë 150€, 2 pikë negative dhe 3 muaj ndalesë për tejkalim në anën e kundërt

Published

on

Policia në Ferizaj pas pranimit të një video incizimi më 20.03.2024, ka evidentuar shkeljen e rregullave të trafikut, pasi në rrugën magjistrale Ferizaj- Kaçanik ,në afërsi të udhëkryqit përnë fshatin Komogllavë, një shofer me automjetin e tij shihet duke bërë tejkalimin në anën e kundërt ( djathtë ) të një automjeti tjetër para tij.

Policia e Komunikacionit Rrugor e ka identifikuar shoferin K.K, i moshës 50 vjeç dhe atij i kanë shqiptuar një gjobë për kundërvajtje 150 euro, 2 pikë negative dhe 3 muaj masë mbrojtëse, heqje e patentë shoferit.

Continue Reading

Trending