Arsim

Shkollat e Ferizajt përgatiten për gjysmëvjetorin e dytë

Published

3 years ago

15 January, 2021

Shkollat e Ferizajt kanë bërë përgatitjet e nevojshme për të nisur gjysmëvjetorin e dytë më 18 janar.

Drejtori i Arsimit në Ferizaj Afrim Llabjani, tha se tashmë i kanë furnizuar shkollat me materiale higjienike anti-covid dhe të gjitha objektet shkollore janë të gatshme për t’i pritur nxënësit.

“Gjysmëvjetori i dytë do të filloj ashtu siç ka filluar edhe gjysmëvjetori i parë nën masat anti-covid, ku të gjitha shkollat janë të pajisura me ato pajisje që janë kërkuar në fillim, ne dje kemi shpërndarë një numër të konsiderueshëm të mjeteve higjienike në komunën e Ferizajt që është bërë falë UNICEF-it dhe USAID-it, kështu që aty ku ka probleme do të mundohemi që deri të hënën t’i sanojmë ato defekte eventuale që janë”, tha Llabjani.

Llabjani tha se mësimi do të mbahet me orar të shkurtuar, siç ka qenë në gjysmëvjetorin e parë, përveç në ato shkolla ku ekzistojnë mundësitë që të punohet me orar të rregullt.

“Në takimin që kemi pasur me ministrin e arsimit, ai ka kërkuar që në ato shkolla ku është mundësia të rritet minutazha e orës mësimore dhe ne pas takimit që do ta kemi me drejtorët e shkollave, do të shohim se në cilat shkolla kanë hapësirë për ta rritur minutazhën e orës“, tha Llabjani.

Paralajmërime për grevë në fillim të këtij gjysmëvjetori ka pasur nga Sindikata e Bashkuar e Arsimit. Kryetari i kësaj Sindikate në Ferizaj Rexhep Sadiku, tha se ata nuk kanë hequr dorë nga greva, por e kanë pezulluar atë për një javë.

“Ndonëse kemi paralajmëruar fillimisht se mësimi nuk do të filloj të hënën, por këshilli drejtues ka vendosur që mësimi të filloj për një javë që do të thotë se greva nuk është anuluar, por është pezulluar për një javë dhe brenda kësaj jave mendojmë që përmes dialogut të zgjidhen kërkesat tona dhe nëse ato nuk gjejnë kompromis gjithsesi pas një jave greva është e paevitueshme”, tha Sadiku.

Sadiku thotë se kërkesat e tyre për kontratë kolektive dhe shtesat prej 100 eurosh për mësimdhënës në këtë kohë pandemie, janë të arsyeshme.

“Opinioni i painformuar mund të habitet pse mësimdhënësit në këtë kohë, në këtë kohë janë edhe shëndetësia edhe policia dhe të gjithë të tjerët dhe nëse ata janë të rrezikuar edhe ne jemi të rrezikuar gjatë kohës së Covid-it, kështu edhe mësimdhënësit i ekspozohen rrezikut. Ndërsa, nënshkrimi i kontratës kolektive përmban bazamentin sindikalist pa të cilin nuk mund të operojmë si mësimdhënës, prandaj nuk janë këto kërkesa megalomane, por të arsyeshme”, tha Sadiku.

Gjatë gjysmëvjetorit të parë të vitit shkollor 2020/2021, në Ferizaj u infektuan 160 mësimdhënës, 53 nxënës dhe 27 personel tjetër.

Arsim

Të enjten në Ferizaj ndihmohen prindërit për aplikim për subvencionimin e librave

Published

8 months ago

30 August, 2023

administrator

Shumë prindër kanë pas telashe me aplikimin në E-Kosova për subvencionimin e librave për nxënës.

Sektori i Rinisë në Ferizaj njofton se të enjten e 31 gushtit do të ofroj ndihmë për prindërit në mënyrë që të aplikojnë për subvencionet.

Ndihma në aplikim organizohet në Galerinë e Arteve në Ferizaj nga ora 11:00 deri në ora 13:00.

Vullnetarët e këtij sektori janë ata që do të ndihmojnë prindërit në aplikim.

Postimi i plotë i Sektorit të Rinisë në Ferizaj:

Prinder te dashur nese ende keni nevoj per aplikim per suvencionimin e librave dhe po vazhdoni te keni veshtiresi teknike. Ne vullnetaret e Sektorit te Rinise/Qendres Rinore Eltion Isufi,Eris Shabani,Yll Reshani. Neser me date 31.08.2023 nga ora 11-13 ju ofrojm ndihmen tone teknike.

Arsim

Në E-Kosova hapet platforma për subvencionimin e librave shkollorë

Published

8 months ago

25 August, 2023

administrator

/REL/Në platformën online të Qeverisë së Kosovës, E-Kosova, është hapur më 25 gusht linku ku prindërit mund të aplikojnë për sigurimin e të hollave për blerjen e teksteve shkollore për fëmijët e tyre.

Një ditë më parë, ministrja e Arsimit, Shkencës, Teknologjisë dhe Inovacionit e Kosovës (MASHTI), Arbërie Nagavci, njoftoi se për nxënësit nga klasa e parë deri në klasën e pestë do të ndahen nga 80 euro, ndërsa për ata nga klasa e gjashtë deri në klasën e nëntë nga 30 euro.

Për t’i siguruar këto para për blerjen e teksteve shkollore, prindërit do të duhet të aplikojnë përmes platformës E-Kosova në këtë link.

Duke iu drejtuar prindërve të nxënësve fillorë, përmes një videoje në llogarinë e saj në Facebook, Nagavci tha se “mjetet do të dalin në xhirollogaritë tuaja që nga fillimi i javës së ardhshme.”

Në të kaluarën, MASHTI i ka shpërndarë falas librat për nxënësit e shkollave fillore nga viti 2008.

Por, Nagavci njoftoi në fillim të kësaj jave se ka ndryshuar mënyrën e shpërndarjes së teksteve shkollore, për shkak të dështimit të marrëveshjes me shtëpitë botuese për furnizimin e shkollave me libra, për faktin se, sipas saj, shtëpitë botuese kanë ofertuar çmime shumë më të larta se ato që i vendosin në libraritë e tyre.

Për rrjedhojë, Ministria do t’u deponojë prindërve të nxënësve mjete në llogari, në mënyrë që ata t’i blejnë vetë librat.

Ky vendim i ministres Nagavci është kundërshtuar nga opozita, e cila e ka kërkuar dorëheqjen e saj, si dhe nga vetë Këshilli i Prindërve i Kosovës.

Arsim

Më shumë se gjysma e nxënësve ferizajas patën rezultat negativ në testin e arritshmërisë vitin e kaluar

Published

1 year ago

29 March, 2023

administrator

Më shumë se gjysma e nxënësve që mbaruan klasën e nëntë më 2022 patën rezultat negativ në testin e arritshmërisë.

Sipas të dhënave nga Drejtoria e Arsimit të Ferizajt, 53.4% e këtyre nxënësve apo 896 nga ta patën rezultat negativ kurse 46.6% apo 780 nxënës patën rezultat pozitiv.

Më mirë në rezultate qëndrojnë maturantët ferizajas të cilët në afatin e parë rezultat pozitiv patën 77.8% e tyre e 22.2% patën rezultat negativ.

Edhe në afatin e gushtit, ku në provimin e maturës hynë 309 maturantë, 186 nga ta patën rezultat pozitiv kurse 123 negativ.