Ferizaj

Kuvendi i Ferizajt jep në shfrytëzim parcelën e mësyer për spital

Published

8 years ago

27 June, 2018

Me 22 vota për, Kuvendi komunal i Ferizajt miratoi sot vendimin për dhënien në shfrytëzim të parcelës në Talinoc të Muhaxherëve, për ndërtimin e spitalit rajonal.
Në arsyetimin e ekzekutivit të Ferizajt që u parashtrua nga drejtori i pronës Sabri Murseli, u tha se me kërkesë të shërbimit spitalor të Kosovës, Spitali i Ferizajt i ka bërë kërkesë Kuvendit Komunal që ta jep në shfrytëzim afatgjatë parcelën në fjalë, për fillimin e realizimit të projektit të spitalit rajonal, të financuar nga qeveria e Kosovës.
Ky vendim u mor pas një debati të ashpër ndërmjet pozitës dhe opozitës në lidhje me bazën ligjore të këtij vendimi, pasiqë, sipas këshilltarit të Vetëvendosjes, Enver Halitit, ky ligj nuk mund te përdoret për ketë qëllim. Sipas tij, ligji në fjalë ka për qëllim nxitjen e zhvillimit ekonomik, dhe se miratimi i tij për ndërtim të spitalit paraqet shkelje ligjore. Poashtu Haliti akuzoi drejtorin e urbanizmit se ka nisur procedurën e dhënies së lejes për ndërtimin e spitalit me ligjin për ndërtim, akoma pa u kryer procedurat ligjore për përcaktimin e parcelës në fjalë dhe përkundër asaj se planet rreguluese urbane janë në fuqi.
Këshilltari i PDK -së, Nehat Mustafa, në lidhje me projektin e spitalit, duke kujtuar ditët e para të pasluftës kur u themelua spitali i sotëm i Ferizajt, deklaroi se spitali ka mbetur trashëgimia e vetme e mbetur nga lufta çlirimtare në qytetin tonë, dhe në këtë kontekst ,u bëri thirrje këshilltarëve që ta votojnë këtë vendim. Në thirrjen e tij, Mustafa e shpalosi edhe idenë se nëse, pas votimit Ministria e kthen këtë vendim si të paligjshëm, atëherë drejtorët e urbanizimit dhe të pronës të japin dorëheqje për futje në lajthitje të Kuvendit komunal.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

4 days ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

2 weeks ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 weeks ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.