Ferizaj

Ekepertët gjermanë ndihmojnë bizneset e Ferizajt

Published

7 years ago

26 August, 2019

Shteti Gjerman po vazhdon të ketë vullnetin për të ndihmuar Kosovën që të avancohet. Kështu bizneset, institucionet e ndryshme madje edhe kryetarët e komunave, nëse dëshirojnë të marrin këshillat dhe përvojën e ekspertëve gjermanë, tash e tutje e kanë mundësinë që ata ti kenë pranë, në vendet e veta të punës.
Shoqata Ekonomike Gjermane e Kosovës dhe Oda Ekonomike Gjermano-Kosovare, përmes projektit SES, do të sjellin mbi 50 ekspertë gjermanë të pensionuar, të cilët do të japin përvojat e tyre në fusha të ndryshme.
Gjatë një takimi informues që u mbajt në hotelin “Rubis” të Ferizajt, udhëheqësja e projektit, Ute Sonnen, tha se krejt çka i duhet kompanive kosovare , organizatave, administratave publike, është që të formulojnë nevojat e tyre, dhe ekspertët gjermane do të ju vijnë në ndihmë.
Ajo tha se gjendet në Kosovë që nga viti 2014 dhe sipas saj, nevojë për ekspertë gjerman, krahas prodhimit, kanë edhe fusha e arsimit dhe ajo e planifikimit hapësinor.

“Kam ardhur sot në Ferizaj që së bashku me partnerin tonë OEGJK, ta prezantojmë shërbimin për ekspertë senior SES, në mënyrë që ndërmarrjet Kosovare, ose OJQ, ose institucionet Kosovare me na u drejtu neve. Hapi i parë është që të kenë njohuri për neve, hapi i dytë është që të formulojnë nevojat të cilat i kanë, dhe detyra jonë është ta kuptojmë mirë nevojën që e kanë dhe tua ofrojmë ekspertët. Ka shumë kërkesa në fushën e arsimit kosovar, kështu që do të ishte mirë që mësimdhënësit kosovarë të bashkëpunojnë me eksertët gjermanë. Poashtu ka projekte në fushën sociale, adiministrata publike, ka raste kur sjelim ekspertë për të ndihmuar kryetarët e komunave. Dhe një fushë e rëndësishme është misioni i ekspertëve tanë në ndërmarrjet në Kosovë që kërkojnë nga ne tu ofrojmë ekspertë. Aty ofrojmë në ngritjen e efiçiencës, përmirësimin e cilësisë së prodhimit, e të tjera, dhe çdo çështje që është vështirë me u zgjidhë në Kosovë ne ofrojmë ekspertët gjermanë. Poashtu, është një detyrë shumë e madhe edhe në fushën e Urbanizmit që ka nevojë të kontribohet”, tha Sonnen.

Fatmir Miftari, nga OXA Group tha se kompanitë kosovare nuk e kanë luksin që të kenë pranë një ekspertë gjermanë, prandaj ardhja e tyre në mënyrë vullentare është një mundësi unike që duhet të shfrytëzohet.

“Një projekt i tillë është shumë i mirëseardhur për ne, ne kemi qenë të njoftuar edhe më herët për këtë program dhe është një mundësi shuëm e mirë marr parasysh se në çka kalojnë kompanitë tona, prandaj kjo është një mundësi unike, dhe kisha ftuar gjithë komunitetin biznesor që me pa dhe me shfrytëzu si rast, pasi ky është rast unik”,tha Miftari.

Nebih Jashari, inxhinier thotë se këtë ofertë nuk duhet ta lëshojnë bizneset e shumta që janë në Greme.

“Unë mendoj që Gremja është një nga pikat që duhet të sjellen ekspertët, pasi në Greme ka shumë ndërmarrje, janë mbi 130 ndërmarrje të cilat ndoshta kanë nevojë, po ashtu ka ndërmarrje metalike, përpunimi i metaleve të cilat veprojnë në Ferizaj, unë nuk pata rastin t’i tregoj por ajo u shpreh e gatshme që ekspertët gjermanë janë të gatshëm të vijnë, pa marrë parasysh fushën”, tha Jashari.

Kontributi i ekpertëve të moshuar gjermanë, është i nevojshëm edhe në fushën e bujqësisë në Ferizaj.

“Ne kemi nevojë për përvojën e tyre, dhe duhet ta shfrytëzojmë sa ma shumë këtë ofertë”, tha Fazli Shabani, nga drejtoria e Bujqësisë.

Koston e ardhjes së ekspertëve Gjermanë e bart Ministria për Zhvillim e Gjermanisë, ndërsa ndërmarrjet të cilat dëshirojnë të përfitojnë nga përvoja e tyre, duhet t’ua sigurojnë akomodimin.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

2 days ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

3 days ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Ferizaj

Policia godet një rrjet të kontrabandës së kafshëve në Ferizaj

Published

4 days ago

20 May, 2026

Redaksia

Policia kufitare ka realizuar një operacion në fshatin Rakaj të Ferizajt, nën dyshimin për kontrabandë të dhe mbajtje të paligjshme të kafshëve.

Në njoftimin e policisë bëhet e ditur se gjatë kontrollit të njësive policore dhe inspektorit të Agjencisë së Ushqimit dhe Veterinës (AUV), në pronën e të dyshuarit L.K dhe dy lokacione tjera, janë gjetur 100 krerë dele pa numra matrikulli dhe pa asnjë dokumentacion përcjellës mbi origjinën apo kontrollin veterinar.

Me vendim të Prokurorit të Shtetit rasti po trajtohet si “Kundërvajtje doganore” dhe i është dorëzuar Doganës së Kosovës në Han të Elezit për procedim të mëtutjeshëm.