Ferizaj

Asfaltohet rruga kryesore e fshatit Manastirc

Published

7 years ago

03 October, 2019

administrator

Rrruga kryesore e fshatit Manastirc të komunës së Ferizajt, me gjatësi prej 3 kilometrash u asfaltua sot.

Banorët e këtij lokaliteti e mirëpritën këtë investim, duke e cilësuar si nevojë të kahmotshme të këtij fshati.

Përfaqësuesi i fshatit Manastirc, Shaban Sejdiu, tha se kjo rrugë ka rëndësi të veçantë, meqë lehtëson qarkullimin edhe për në fshatrat tjerë të komunës së Ferizajt.

“Kjo i lehtëson banorët e Manastircit, i lehtëson shumë, por edhe 5 fshatra të tjerë i lidh mes vete, janë dy Nerodimet, Balaj, Zaskoku, Jezerci, Dramjaku mundet me u lidh me Zaskok, Pleshina, Gremja në atë anë për mos me shku në Ferizaj, për 3 kilometra duhet me i ba 10 kilometra anej me shku“, tha Sejdiu.

Ndërsa, Xhevdet Haxhidema, banor i kësaj ane, tha se ndihet i kënaqur me realizimin e këtij projekti.

“Ne si komunitet, si banorë të fshatit Manastirc jemi jashtëzakonisht të gëzuar sot, d.m.th i gëzohemi këtij projekti infrastrukturor siç është asfaltimi i rrugës kryesore të fshatit Manastirc që është pjesë e unazës së jashtme të qytetit, siç e dimë të gjithë banorët, por edhe më gjerë këto kanë qenë rrugë shumë të dëmtuara dhe të amortizuara, kemi pas vështirësi në qarkullim, tani e tutje me asfaltimin e rrugës kryesore, por edhe me asfaltimin e rrugicave që janë bërë nëpër të gjithë fshatin Manastirc në njëfarë forme po kompletohet infrastruktura rrugore në fshatin tonë, s’ka diskutim që të gjithë banorët i janë gëzuar projekteve infrastrukturore të cilat janë realizu në fshatin tonë“, tha Haxhidema.

Me këtë rast, Drejtori i Drejtorisë së Infrastrukturës në Ferizaj Arbër Bytyqi, tha se duke pasur për bazë kushtet e mira atmosferike, kjo drejtori i ka shtrirë projektet e saj në komunën e Ferizajt.

“Sot jemi në fshatin Manastirc dhe po asfaltojmë rrugën kryesore të fshatit, një projekt shumë i rëndësishëm pasi që kjo rrugë ka qenë në kushte të mjerueshme dhe ne e kemi shfrytëzuar kushtet e mira atmosferike që të përfundojmë këtë projekt për banorët e fshatit Manastirc, bëhet fjalë për një gjatësi të rrugës rreth 3 kilometra dhe gjerësi 5 metra, gjithashtu në pjesët ku do të jetë e mundur për shkak se gjerësia e rrugës nuk e mundëson komplet vendosjen e trotuarit, por në hapësirat ku do të jetë e mundur do të vendosim edhe trotuarin, krejt këto ndryshime për këtë projekt janë bërë në bashkëpunim me këshillin e fshatit dhe banorët e fshatit Manastirc, po besoj që sot po përmbyllim një projekt shumë të rëndësishëm, për atë më herët kemi përfunduar edhe një pjesë ose më mirë me thënë shumicën e rrugicave të fshatit Manastirc dhe po besoj që tash me përfundimin edhe të rrugës kryesore fshati Manastirc do të jetë i kompletuar me infrastrukturë rrugore”, tha drejtori Bytyqi.

Ndërkaq, sa i përket pjesës së mbetur të rrugës së paasfaltuar që lidh fshatrat Manastirc, Pleshinë dhe Zaskok, drejtori Bytyqi pati një sqarim.

“Bëhet fjalë për një segment rreth 300 metra, aty kemi pas telashe me pronat dhe ne jemi duke i dhënë drejtim edhe asaj çështje pasi që së bashku me Drejtorinë e Pronës vetëm se i kemi filluar procedurat e shpronësimit dhe pas përfundimit të procedurave të shpronësimit edhe ai segment prej 300 metrave do të përfundohet, është një segment shumë i shkurtër, mirëpo e dimë edhe ne që është në gjendje jo të mirë, por po besoj që shumë shpejt Drejtoria e Pronës do t’i zgjidhë kontestet të cilat janë me prona dhe ne do të vazhdojmë me asfaltimin e e atij segmenti të shkurtër rreth 300 metra, po besoj që është çështje shumë e vogël e cila do të përmbyllet shumë shpejt“, tha drejtori Bytyqi.

Ky projekt po realizohet në kuadër të projektit të unazës së jashtme të qytetit, i cili kap koston e rreth 3 milionë eurove.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar