Ferizaj

Thirrje për aplikim për grante për OJQ-të

Published

7 years ago

03 October, 2019

”Balkan Green Foundation” në bashkëpunim me ”Institutin për Politika Zhvillimore”, kanë mbajtur një takim me organizatat joqeveritare të Ferizajt, të cilave u kanë bërë thirrje që të aplikojnë për grante që financohen nga Bashkimi Evropian, vlera e të cilave fillon nga 5 mijë deri në 15 mijë euro.

“Kjo është një thirrje e hapur për organizatat e shoqërisë civile dhe të drejtë aplikimi kanë të gjitha organizatat nga më të voglat apo ato që janë themeluar para dy viteve dhe që kanë aktivitete. Është e hapur në gjithë Kosovën dhe kjo është thirrja e tretë që po e bëjmë deri tani, kemi pasur një numër të madh të përfituesve dhe presim që të shtojmë ende pasi në këtë thirrje do të ndajmë 17 grante të vogla dhe 3 të mesme dhe fokusi është që të punojmë në ato 3 fusha që janë kryesore të thirrjes, mbrojtja e mjedisit, energjia e gjelbër dhe ekonomia qarkore“, tha Learta Hollaj.

Hollaj, tha se përparësi do t’iu jepet ideve origjinale të cilat ndikojnë në përmirësimin apo ndërgjegjësimin e komunitetit në pëgjithësi.

”Ne jemi duke kërkuar ide origjinale, mund të jetë një vazhdimësi e një aktiviteti të mëhershëm që tregon një vlerë të shtuar në këtë thirrje në kuadër të këtij projekti, por inkurajojmë që kushdo që aplikon të propozoj ide kreative e inovative, por mbi të gjitha që të jenë të rëndësishme për komunitetin“, tha Hollaj.

Afati i fundit për të aplikuar për këto grante është deri më 31 tetor 2019.

Ferizaj

Arrestohet i dyshuari për plagosjen e dy personave me thikë në Ferizaj

Published

2 hours ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

3 hours ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.

Ferizaj

Hapet rast penal ndaj 32 vjeçarit në Ferizaj për armëmbajtje pa leje

Published

3 hours ago

10 July, 2026

Redaksia

Policia në Ferizaj ka nisur procedim penal ndaj një 32-vjeçari, pasi gjatë kontrollit të një automjeti i është gjetur një armë zjarri pa leje.

Rasti ka ndodhur më 9 korrik, rreth orës 19:20, në rrugën “Enver Topalli”, ku njësia e patrullës policore ka ndaluar për kontroll një automjet të tipit Lamborghini.

“Gjatë kontrollit, te pasagjeri, V. S., ( 32 vjeç) kanë gjetur dhe kanë sekuestruar një armë zjarri, pistoletë me tetë (8) fishekë.

Lidhur me rastin është njoftuar prokurori i Shtetit dhe është iniciuar rasti për veprën penale Mbajtje në pronësi, kontroll ose posedim të paautorizuar të armëve, ndërsa i dyshuari është liruar në procedurë të rregullt”, thuhet në njoftimin e policisë.