Ferizaj

Arrestohet njëri nga të dyshuarit për vjedhje në Komogllavë

Published

7 years ago

08 November, 2019

Policia Rajonale e Ferizajt, ka njoftuar se ka kapur njërin nga tre të dyshuarit e përfshirë në një vjedhje në këtë komunë.

“Dje hetuesit e Stacionit Policor në Ferizaj kanë arritur të identifikojnë një person, njëri nga tre personat të cilët janë të dyshuar për kryerjen e veprës penale vjedhje e rëndë. Rasti ka ndodhur para katër ditëve në fshatin Komogllavë ku me një firmë këta tre persona të maskuar me forcë kanë depërtuar në objektin e një firme private dhe nga aty kanë marrë 1,130 euro para të metalta, gjëra ushqimore, artikuj ushqimor në vlerë 250 euro si dhe kanë marrë aparatin për numërimin e parave. Policia gjatë hetimeve brenda tri dite ka arritur ta identifikoj njërin nga këta persona me iniciale H.H, 44 vjeçar dhe gjatë bastisjes në banesën e tij kanë gjetur dhe kanë konfiskuar si prova materiale një aparat për numërimin e parave, gjëra ushqimore të vjedhura në këtë firmë, një maskë, pas intervistimit ndaj tij është marrë masa e ndalimit policor për 48 orë si dhe janë duke u zhvilluar hetimet për personat e tjerë të involvuar në këtë vjedhje të rëndë”, tha Agim Gashi.

Policia e Ferizajt gjatë kësaj jave ka arrestuar edhe dy persona në lidhje me dy raste të grabitjeve, njëra nga rastet që ndodhi vitin e kaluar në filialen e MoneyGram ku ishin vjedhur 8000 euro, ndërsa rasti tjetër ka qenë në ndërrimin e moteve ku ishte grabitur një argjendari në qendër të Ferizajt.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 hours ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.

Ferizaj

Një burrë theret me kaçavidë nga dy persona në Ferizaj

Published

1 week ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

1 week ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.