Ferizaj

Numri i të sëmurëve nga diabeti në rritje

Published

6 years ago

14 November, 2019

14 nëntori është Dita Botërore e Diabetit ku tradicionalisht kjo ditë mbledh të gjitha komunitetet mjekësore dhe shoqatat e diabetit, për të bërë thirrje për parandalimin e kësaj sëmundje.

Për të shënuar këtë ditë, në Ferizaj u organizua një eveniment në të cilin u servuan ushqime të ndryshme dietale.

Drejtoresha e Qendrës Kryesore të Mjekësisë Familjare në Ferizaj, Nadire Ymeri, tha se numri i diabetikëve për çdo vit është në rritje, mirëpo shqetësues përmendi faktin se nga kjo sëmundje po preken edhe fëmijët.

“Në bazë të statistikave të Organizatës Botërore të Shëndetësisë numri i rasteve me diabet është 5% të popullsisë në botë që për çdo vit kjo përqindje është duke u rritur, për fat të keq kemi edhe raste në rritje të fëmijëve që është brengë për tërë shoqërinë“, tha Ymeri.

Se si është të jetosh me këtë sëmundje tregon Ilaz Tuniqi, i cili që 20 vite vuan nga diabeti.

“Është shumë vështirë jo vetëm për mua, por edhe për familjarë, nuk mund të shoh mirë tani, nuk mundem vet ta marr insulinën, po ashtu edhe ushqimin, duhet gjithmonë të jetë afër meje dikush”, tha Tuniqi.

Nga diabeti, Arbër Dullovi është prekur që në moshën 12 vjeçare. Ky djalë që tani ka 18 vjet, tregon se si ia del ta përballoj këtë sëmundje.

“Kur jam diagnostikuar me këtë sëmundje kam qenë vetëm 12 vjeç dhe mendimet e para i kam pasur si do të pranohem nga rrethi shoqëror, a do të mundem me kriju familje, por të gjitha këtyre u kam dhënë përgjigjje se Zoti kur të jep një vështirësi ai edhe jep forcë për ta përballuar atë”, u shpreh Dullovi.

Ky 18 vjeçar ka edhe një kërkesë për kryetarin e komunës.

“Kam një kërkesë që i drejtohet kryetarit Agim Aliu, se jeta e një diabetiku është shumë e shtrenjtë sa që në shumicën e kohës as ushqimet që i kemi të parapara nuk i kemi, prandaj po të lutem në emër të të gjithë atyre që janë me diabet që t’i kemi të siguruara insulinat pasi ne 1 herë në muaj i marrim kurse 4 muaj të tjerë jo, po ashtu edhe kontrollet të mund t’i kryejmë në të shtetit e jo në private“, tha Dullovi.

Kërkesës së Dullovit përgjigje u mundua t’i jap Drejtori i Shëndetësisë së Ferizajt.

“I dimë vështirësitë që po përballeni, kemi bërë përpjekje në vazhdimësi për të përmirësuar kushtet për ju, së fundmi kemi blerë mjetet e punës për personelin shëndetësor, mirëpo jo çdo herë janë pengesat tek ne, ato janë edhe ligjore, pasi shpeshherë prokurimi mund të zgjatet, kurse sa i përket insulinës e dini që këto janë barna esenciale që i sjell Ministria dhe instancat e tjera”, tha Bekim Ademi.

E, për simptomat e para të kësaj sëmundje tregon mjeku Alban Gashi.

“Simptomat e para të diabetit janë etje e shtuar, po ashtu shoqëruar me të është urinimi i shpeshtë, pastaj është uria, rënia e peshës në mënyrë të pashpjegueshme, lodhje e tepërt, turbullim i të pamurit, dhembje nëpër trup duket sikur po ecë diçka në lëkurë, por më së shumti duhet koncentruar tek etja e shpeshtë dhe urinimi“, tha Gashi.

Se si mund të parandalohet dhe menxhohet diabeti më së miri e tregojnë nutricistët.

“Aktivitetet fizike duhet të bëhen diku rreth 30 minuta në ditë, pastaj ulja e konsumimit të ushqimit me yndyrëa të larta, sasia e tepruar e kripës e sidmos e sheqerit që ndikon jashtëzakonisht negativisht tek këta pacientë“, tha Ajshe Leka, nutriciste.

E, për mënyrën e përgatitjes së ushqimeve të shëndetshme dhe cilësore, tashmë në Qendrën e Kompetencës në Ferizaj janë duke u profesionalizuar gjenerata.

“Nxënësit mësojnë të përgatisin ushqim të shëndetshëm dhe janë në gjendje të përcaktojnë sasinë e kalorive për secilin ushqim dhe mësojnë për sëmundje të ndryshme, po ashtu janë ofrues dhe në të ardhmen mund të jenë instruktorë të mirë nëpër institucione të ndryshme ku kërkohet sasi specifike e ushqimit”, tha Bashkim Hyseni, drejtor i Qendrës së Kompetencës.

Në këtë organizim, mjekët bënë apel që të bëhen vizita mjekësore për zbulimin e hershëm të diabetit dhe për një jetë të shëndetshme.

Ferizaj

Të lënduarit nga aksidenti në Slivovë në gjendje të rëndë shëndetësore

Published

1 day ago

18 October, 2025

Redaksia

Katër nga personat e lënduar në aksident trafiku mbrëmë fshatin Slivovë të Ferizajt, janë duke u trajtuar në Qendrën Klinike Universitare të Kosovës.

Gjendja shëndetësore e tyre është e rëndë, njoftoi Komisioni Qendror i Zgjedhjeve.

Në njoftimin e KQZ-së, bëhet e ditur se të lënduarit janë anëtarë të Komisionit Komunal të Zgjedhjeve në Ferizaj dhe se aksidenti ndodhi rreth orës 18:17, gjatë kohës që ata po kryenin detyrat e tyre zyrtare.

Policia tha se në aksident u përfshin një veturë dhe një autobus me targa vendore, duke shtuar se të lënduar kanë mbetur shoferi i veturës dhe katër pasagjerët.

Ata fillimisht ishin dërguar për trajtim mjekësor në emergjencën e Ferizajt, ndërkaq katër prej tyre më pas janë dërguar në Qendrën Klinike Universitare të Kosovës për trajtim të mëtejmë, tha Policia.

Ferizaj

Publikohet lista e policëve përgjegjës të lagjeve në Ferizaj

Published

3 days ago

16 October, 2025

Redaksia

Stacioni Policor në Ferizaj ka publikuar listën e policëve përgjegjës për lagjet dhe lokalitetet e ndryshme të qytetit.

Qytetarët mund të kontaktojnë policët e lagjeve për të raportuar probleme, shqetësime apo çështje që lidhen me sigurinë në zonat ku jetojnë.

Ky veprim ka për qëllim forcimin e bashkëpunimit mes policisë dhe komunitetit, si dhe rritjen e sigurisë publike në nivel lokal.

Ferizaj

Fadil Islami dënohet me 12 vjet burgim për therje me thikë të katër personave në Ferizaj

Published

1 week ago

09 October, 2025

Redaksia

Gjykata Themelore në Ferizaj ka dënuar me 12 vjet burg Fadil Islamin, për veprën penale vrasje e rëndë në tentativë. i cili.

Në njoftimin e Gjykatës thuhet se i njëjti për shkak përkatësisë etnike, kishte therur me thikë katër persona, dy prej të cilave ishin vajza të mitura të moshës 10 dhe 14 vjeçare.

Njoftimi i plotë:

Gjykata Themelore në Ferizaj – Departamenti për Krime të Rënda, përkatësisht trupi gjykues i kryesuar nga gjyqtarja Fitore Krivanjeva – Daci ,kryetare e trupit gjykues, pas mbajtjes së shqyrtimit fillestar dhe pranimit të fajësisë, të pandehurin F.I., e shpalli fajtor për veprën penale në vazhdim vrasja e rëndë në tentativë nga neni 173 paragrafi 1 nën paragrafi 1.10 lidhur me nenin 28 dhe 77 të Kodit Penal të Republikës së Kosovës (KPRK), të njëjtit i shqiptoi dënim burgimi në kohëzgjatje prej dymbëdhjetë (12) vite, në të cilin dënim do ti llogaritet koha e kaluar në paraburgim, i cili dënim do të ekzekutohen pas plotfuqishmërisë së këtij aktgjykimi.

I pandehuri F.I., akuzohet se:

Me datë 11 nëntor 2024, rreth orës 15:29 minuta, në rrugën “R.B.” në Ferizaj, me dashje, për shkak përkatësisë etnike, ka tentuar ti privoj nga jeta fëmijët e moshës 10 vjeçare dhe 14 vjeçare, pjesëtarë të komunitetit Ashkali, në atë mënyrë që derisa të dëmtuarat kanë qenë duke ecur rrugës, i pandehuri që ishte duke ecur në këmbë gjithashtu në drejtim të kundërt, pasi që i kalon të dëmtuara kthehet mbrapa dhe me hapa të shpejtuar ofrohet nga mbrapa dhe i godet disa herë në pjesën e shpatullave me një thikë kuzhine me mbishkrim “Berlinger House” me gjatësi 32 cm dhe gjatësi të tehut prej 19 cm, duke i shkaktuar lëndime të rënda trupore, të dëmtuarës 10 vjeçare dhe atë plagë shpuese prerëse në anën e majtë të kraharorit, thyerje e brinjëve VI dhe VII të anës së majtë, plagë shpuese në vrigullin e poshtëm të mushkërisë së majtë, plagë prerëse shpuese në pjesën e majtë të diafragmës, të cilat kanë shkaktuar edhe grumbullim gjaku dhe ajri në zfgavrën e majtë të kraharorit, të cilat dëmtime janë shkaktuar nga veprimi mekanik i mjetit të mprehtë dhe me maje, të cilat kanë qenë të rrezikshme për jetën në momentin e shkaktimit, kurse e dëmtuara 14 vjeçare i ka shkaktuar lëndime të lehta trupore dhe atë plagë prerëse në regjionin e shpatullës së djathtë të shkaktuara nga veprimi mekanik i mjetit të mprehtë të cilat kanë shkaktuar dëmtim të përkohshëm të shëndetit .

Ekziston dyshimi i bazuar mirë se me datë 11 nëntor 2024 rreth orës 15:30 minuta në rrugën “E.T.” në Ferizaj, me dashje për shkak përkatësisë etnike, ka tentuar të privoj nga jeta të dëmtuarin N.M., i moshës 32 vjeç, pjesëtarë i komunitetit Egjiptian, në atë mënyrë që derisa i dëmtuari ishte duke hyrë në kafiterinë “V.”, i pandehuri e godet me një thikë kuzhine me mbishkrim “Berlinger House” me gjatësi 32 cm dhe gjatësi të tehut prej 19 cm, duke e goditur në pjesën e kokës, qafës dhe faqes së djathtë të fytyrës duke i shkaktuar lëndime të lehta trupore dhe atë plagë shqyese në regjionin muror të kokës, në regjionin e mjekrës, në anën e majtë të qafës dhe në faqen e djathtë të fytyrës, të cilat kanë shkaktuar dëmtim të përkohshëm për shëndetin.

Ekziston dyshimi i bazuar mirë se me datë 11 nëntor 2024, rreth orës 15:53 minuta në rrugën “H.S.” në Ferizaj, me dashje për shkak përkatësisë etnike, ka tentuar të privoj nga jeta të dëmtuarin E.A., i moshës 29 vjeç, pjesëtarë i komunitetit Romë, në atë mënyrë që derisa i dëmtuari duke lëvizur në këmbë me një karrocë, i pandehuri afrohet dhe e godet me një thikë kuzhine me mbishkrim “Berlinger House” me gjatësi 32 cm dhe gjatësi të tehut prej 19 cm, në pjesën e kraharorit, nga të cilat goditje i shkakton lëndime të rënda trupore dhe atë plagë shpuese, prerëse në anën e djathtë të kraharorit, thyerje e brinjës së IV të anës së djathtë, dhe plagë prerëse në vrigullin e sipërm të mushkërisë së djathtë, duke i shkaktuar grumbullim gjaku dhe ajri në zgavrën e djathtë të kraharorit, të cilat lëndime kanë rrezikuar jetën në momentin e shkaktimit .

Konform nenin 366 paragrafi 5 dhe 6 lidhur me paragrafin 1 nën paragrafi 1.1 të KPPRK-së, të pandehurit i vazhdohet masa e paraburgimit deri kur aktgjykimi të merre formën e prerë, por jo më shumë se koha e dënimit të shqiptuar në aktgjykim.

Konform nenit 270 paragrafi 1 të KPPK-se, konfiskohet ne mënyrë te përhershme thika e markës “Berlinger House”, si objekt i kryerjes së veprës penale.

Kundër këtij aktgjykimi, palët kanë të drejtë ankese në afat prej tridhjetë (30) ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore në Ferizajt.