Ferizaj

Uji i kanalizimit vërshon bodrumet

Published

8 years ago

07 May, 2018

Reshjet e shumta të shiut të përcjella me breshër dhe erë të fortë, shkaktuan dëme materiale edhe nëpër objekte të ndryshme banimi. Sasia e madhe e ujit që ka depërtuar nëpër bodrume të shtëpive dhe vendpunishteve, ka shkaktuar dëme në mjete amvisërie, por edhe në ato pune. Pasditen e së shtunës probleme me kanalizim patën banorët e rrugës ‘‘Kemajl Hetemi’’ në Ferizaj. Ata ankohen se nga uji i kanalizimit u janë përmbytur bodrumet.

“Uji vike prej kanalizimit, boll e mushum me tepia, po u mshelë kanalizimi prej nalti rrugës vike, këtu u mush, unë 73 vjet i kam, breshër ka pas, ka zgjatë 10-15 minuta një rraptimë ja ka dhanë, ka pas breshër kokrra të mdhaja po me zgjatë kështu 55 minuta se e kishin shiku do djem të kojshive orën, kështu s’ka ba vaki”, tha Emine Mustafa.

Ndërsa, drejtori i Shërbimeve Publike dhe Emergjencës Arben Halili, tha se problemet në rrjetin e kanalizimit janë shkaktuar nga lidhjet private që janë bërë në sistemin e kanalizimit nga disa qytetarë.

“Sa i përket kanalizimit vetëm dje kanë filluar me u zbrazë, pasi reshjet kanë qenë shumë të mëdha edhe kryesisht i kemi identifiku, por edhe më herët kemi pasur identifikim të këtyre problemeve dhe gradualisht në të ardhmen do të vazhdojmë për me mendu se si me bë zgjidhjen e këtyre kanalizimeve, duhet me potencua se nuk është vetëm problemi i komunës që ka shkaktu probleme në kanalizim, kemi problem edhe me lidhje private në sistemin e kanalizimit nga qytetarë të ndryshëm, lagje të ndryshme që janë lidhë drejtpërdrejt dhe nuk janë në paramasat e standardet e caktuara, tash e kemi një fluks më të madh të rritjes së qytetarëve në Ferizaj dhe duhet me mendu për të ardhmen që të rritet diametri i këtyre kanalizimeve” , tha Halili.

Sa i përket kualitetit të ujit të pijes në Ferizaj, pas shiut të rrëmbyeshëm, ushtruesja e detyrës së drejtorit në kompaninë e ujit dhe kanalizimit “Bifurkacioni” Zylfije Hyseni, tha se uji në Ferizaj është cilësor dhe i pijshëm.

‘’Furnizimi me ujë, problem kemi pasur në zonat rurale në sistemin e Muhocit dhe Kosinës ku përveç pompave ka pasur problem edhe me rrymë ku ka ndikuar tek pompat, pjesa e qytetit ka qenë mirë ngase reshjet e furishme nuk kanë qenë në zonën e fabrikës, ka qenë një furnizim i kënaqshëm, por ka qenë një shfrytëzim ekstrem i ujit për pastrim nga ana e qytetarëve, sipas nevojave që janë krijuar tek ta, ndërsa tek cilësia e ujit në zonën urbane që furnizohet nga fabrika nuk ka ndikuar asgjë kjo situatë, te zona rurale nuk kemi pas problem me kualitet përveç që është ndërprerë furnizimi si në Varosh, uji i pijshëm është i sigurt padyshim”,tha Hyseni.

U bë e ditur se probleme me rrjetin e kanalizimit pati edhe nëpër disa fshatra të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

17 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 day ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar