Ferizaj

Komuna punëson 20 punëtorë me kontrata për shërbime të veçanta

Published

8 years ago

07 June, 2018

‘’Qytetarët tashmë janë në dijeni që ju keni një numër të konsideruar të këshilltarëve, e dinë se në kuadër të kabinetit tuaj e keni edhe Zyrën Ligjore, por brenda këtyre dy viteve ata nuk kanë arritur t’iu këshillojnë juve që ligji është për t’u respektuar dhe jo për t’u shkelur”, ishte shprehur Selim Marevci në vitin 2015.

Kështu kritikonte qeverisjen Svarqa sa ishte në opozitë, por sot në cilësinë e zëdhënësit të komunës, Selim Marveci po e mbron veprimin për marrjen e punëtorëve të rinj me kontratë mbi vepër. Prej ardhjes në pushtet qeverisja e PDK-së ka angazhuar si punonjës me shërbime të veçanta rreth 20 persona. Ky fakt nuk po mohohet nga pushteti, por po arsyetohet se administrata komunale ka pasur nevojë të madhe për punësimin e tyre. Madje, zëdhënësi Marveci po lavdërohet se ky pushtet është kujdesur që këtë lloj punësimi ta bëj me konkurs publik.

“Me kërkesë të drejtorëve për shtimin e numrit të punëtorëve është marrë për bazë kërkesa e tyre sepse ka mungesë të tyre, pasi që disa kanë marrë pushime mjekësore, disa kanë dalë në pension dhe u pa e arsyeshme që ka nevojë për shtim të numrit të punëtorëve. Pra është aprovuar vendimi për të shpall konkurs për shërbime të veçanta, kjo kontratë është bërë konform dispozitave ligjore. Kryesisht punëtorët janë marrë nëpër drejtori të cilat kanë pas më së shumti nevojë, siç është drejtoria e Urbanizmit, pastaj edhe tek Inspektorati që keni parë një angazhim maksimal të tyre dhe është parë e arsyeshme që aty të shtohet numri i punëtorëve, por edhe nëpër sektorë të tjerë. Për herë të parë kryetari i komunës ka respektuar ligjin për shërbimin civil, ku thotë se edhe për kontratë me shërbime te veçanta të shpallet konkurs”, tha Marveci.

Në anën tjetër, anëtarë të LDK-së në Ferizaj kritikuan pushtetin aktual që po e kopjon qeverisjen Svarqa. Ismet Vranovci nga kjo parti, shprehu habi se si kjo qeverisje që kishte marrë pushtetin gati të falimentuar, po e ka luksin të punësoj punëtorë të rinj.

“Përkundër reklamimit të tyre nëpër televizione që komuna ka aq shumë borxhe sa që është gati para falimentimit dhe tash vjen situata kur ata pranojnë punëtorë me kontrata në vepër, edhe pse këto kontrata janë të nevojshme për disa sektorë, pasi që në kohë të caktuar ka mungesa të stafit dhe kjo duhet të zëvendësohet. Është e vërtet që edhe në pushtetin tonë kemi pasur raste të tilla sepse ka pasur nevojë, por derisa ata na kanë kritikuar neve non-stop, në anën tjetër dalin dhe marrin punëtorë që duhet të paguhen nga kjo qeverisje e falimentuar”, tha Ismet Vranovci i LDK-së.

“Ka qenë numër enorm i atyre të punësuarve, ata ishin të punësuar militantë, të cilët janë punësuar pa asnjë bazë ligjore dhe ne nuk i kemi larguar nga puna, atyre u ka skaduar afati, prandaj ne po marrim tani profesionistë të fushave”, tha Selim Marveci

“Po të njëjtën kohë ata që tashmë kanë bërë një përvojë në administratë për punët që kanë kryer po largohen dhe po merren të tjerë, militantë të PDK-së dhe familjarë të tyre. Kjo për mendimin tonë nuk është në rregull”, tha Vranovci.

Përveç punëtorëve me kontratë në vepër të angazhuar në administratën komunale, por edhe në zyrën e kryesueses së Kuvendit, ditët e fundit po vërehet numër i shtuar i punëtorëve edhe në kabinetin e kryetarit të komunës Agim Aliu.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

6 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar