Ferizaj

Shkolla ‘’Çesk Zadeja’’ me mungesë të kushteve për mësim

Published

8 years ago

08 June, 2018

Mungesa e hapësirës dhe mungesa e instrumenteve muzikore, janë vetëm disa nga problemet me të cilat përballet shkolla e muzikës “Çesk Zadeja” në Ferizaj.

Drejtori i kësaj shkolle Bardh Abazi, tha se kanë bërë kërkesë në Drejtorinë e Arsimit që kjo shkollë të furnizohet me pajisje si dhe të bëhet një zgjidhje për zgjerim të hapësirës, por se ende nuk kanë marrë ndonjë përgjigje.

“Sot shkolla e muzikës i ka 415 nxënës e ka plus shkollën e artit figurativ që është hapur dy vitet e fundit, realisht gjithë kjo dyndje e ky volum që është rrit si në aspektin e nxënësve dhe në hapjen e degëve të reja nuk ka ndryshu asgjë, jemi në gjendjen e njëjtë me objekt, por në anën tjetër jemi rritur në numër dhe degë të reja, kështu që po na e vështirëson shumë punën sepse instrumenti do ambiente të posaçme me izolim akustik, por ne nuk po i kërkojmë njëherë ato por ne njëherë po kërkojmë të kemi instrumente pastaj ta bëjmë izolimin akustik, sepse realisht kemi mungesë të instrumenteve”, tha Abazi.

Megjithë mungesën e kushteve të nevojshme për punë, kjo shkollë, sipas drejtorit Abazi po punon mjaftë shumë.

“Parakalimi i bandës frymore nga nxënësit e shkollës së muzikës e ka bërë një jehonë të veçantë në qytet, unë e mendoja një parakalim normal, por atë ditë unë e kam përcjell parakalimin që nga nisja dhe e kam parë interesimin e madh të qytetarëve që banojnë përgjatë sheshit dhe të gjithë kanë qenë duke xhiruar me telefonat e tyre dhe në fund e pashë që ka qenë një dyndje në rrjetet sociale me performancën e nxënësve dhe na ka befasuar shumë dhe kjo i bie që qyteti i Ferizaj e vlerëson të bukurën dhe tani na mbetet neve si institucion edhe pse jemi në këtë gjendje na duhet me u shfaq sa më shumë që me bë një tip marketingu për shkollën dhe me mbet me shpresën se dikur ka me u na kthy kjo punë, nuk po kërkojmë ndonjë gjë pos me kriju kushte për nxënësit që kanë me ndjek këtë shkollë”, tha Abazi.

Sa i përket vendosjes së pianos koncertuale në teatrin e qytetit e cila u dhurua ditë më parë nga një familje zvicerane, drejtori i shkollës “Çesk Zadeja”, tha se pasi të mbarojnë Ditët e Kulturës do të bisedohet që ajo piano të vendoset në shkollën e muzikës, pasi nxënësit kanë nevojë për atë piano.

Ferizaj

Qytetarëve u vijnë mesazhe mashtruese – Policia apelon për kujdes

Published

12 hours ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.

Ferizaj

Tërhiqet mjeti i dyshuar shpërthyes nga Lybeteni

Published

1 week ago

28 July, 2026

Redaksia

Policia e Kosovës ka njoftuar se në bashkëpunim me njësitet e specializuara të FSK-së dhe KFOR-it kanë identifikuar dhe tërhequr një mjet të dyshuar shpërthyes në territorin e Parkut Kombëtar të Lybetenit.

Raportimin dje e kishte bërë të një qytetar i cili ka hasur në mjetin e dyshuar përderisa kishte qenë duke mbledhur boronica.

Luboten, Parku Nacional 27.07.2026 – 12:16.

“ Dëshmitari mashkull kosovar ka raportuar se derisa ka qenë duke mbledhur fruta-Boronica, në fushë ka hasur në një mjetë të dyshuar shpërthyes. Njësiti përkatës policor ka siguruar vendin e ngjarjes derisa njësiti për deminim i FSK-së dhe KFOR-it kanë dalë në vendin e ngjarjes dhe kanë bërë tërheqjen e mjetit pa incidente”, ka njoftuar Policia.

Ferizaj

Brenda një jave në rajonin e Ferizajt u regjistruan 63 aksidente në trafik

Published

1 week ago

27 July, 2026

Redaksia

Policia Rajonale e Ferizajt ka bërë të ditur se nga data 20 deri më 26 korrik 2026 ka shqiptuar 1699 gjoba të trafikut derisa janë pezulluar edhe 36 patentë shoferë për drejtuesit e automjeteve që kanë kryer shkelje të rënda në komunikacion.

Gjatë kësaj periudhe janë regjistruar gjithsej 63 aksidente, prej të cilave 25 aksidente me lëndime, ku janë lënduar 36 persona ndërsa 38 aksidente tjera ishin vetëm me dëme materiale.