Ferizaj

Fillojnë përgatitjet për manifestimin ‘’Ditët e Diasporës’’

Published

8 years ago

02 July, 2018

“Ditët e Diasporës“ të cilat tashmë tradicionalisht organizohen në Ferizaj për nderë të mërgimtarëve, sivjet do të fillojnë nga 26 korriku.

Përgjegjës të sektorit të kulturës në Ferizaj, thanë se tashmë e kanë përgatitur një draft të agjendës me aktivitete të ndryshme kulturore, që do të zhvillohen me rastin e këtyre ditëve.

“Është një periudhë shumë e veçantë që ne si Drejtori e Kulturës i kushtojmë rëndësi të veçantë në aspektin kulturor, është periudha kryesisht fundi i muajit korrik dhe fillimi i muajit gusht, është në periudhë që është koha më e frekuentuar nga gurbetqarët dhe që në fillim të vitit e kemi parasysh këtë manifestim dhe këto ditë kemi pasur disa takime me grupe të ndryshme kulturore dhe kemi bërë një draft-agjendë pasi ende nuk është përfundimtare, por këtë që e kemi tani është e ngjeshur me aktivitete, kryesisht janë aktivitete që mbahen jashtë objekteve kulturore, janë kryesisht koncerte, ekspozita e promovime kulturore, të ushqimeve, veshjeve tradicionale, vizita të ndryshme të vendeve kulturore, e të tjera”, tha Sabri Pajaziti.

Pajaziti tha se manifestimi i sivjetmë ‘’Ditët e Diasporës’’ përmban edhe risi.

“Ajo që do të veçoja është kërkesa e organizatës kompania CoNEXT që e kanë një aktivitet tradicional në të gjitha qendrat e Kosovës dhe Shqipërisë e quajtur “Festa e Miqësisë” dhe të jem i sinqertë është një lehtësim i madh për neve sidomos në aspektin financiar, sepse ata do të kenë koncert tre ditor në qendër të qytetit me të gjitha përmasat, pa ndonjë nevojë të veçantë nga Drejtoria e Kulturës”, u shpreh Pajaziti.

Aktivitetet që do të zhvillohen për nderë të manifestimit “Ditët e Diasporës” do të zgjasin dhjetë ditë.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

Ferizaj

Siguria juaj fillon me zgjedhjen e duhur të sigurimit

Published

2 days ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

330 shoferë në Ferizaj gjobiten për përdorim të telefonit

Published

2 weeks ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.