Ferizaj

Banorët e Mirosalës ankohen për shpërfillje nga komuna

Published

8 years ago

06 September, 2018

Rruga kryesore e fshatit Mirosalë vazhdon të mbetet në gjendje të mjerueshme. Që nga hyrja në fshat e deri tek shkolla, shoferët detyrohen të kalojnë nëpër këtë rrugë tejet të dëmtuar, e cila është asfaltuar para më shumë se 30 viteve. Megjithë premtimet e secilës qeverisje, rregullimi i kësaj rruge rreth 2 kilometërshe, mbetet vetëm dëshirë për mirosalasit.

Banorët ankohen se pushteti lokal i ka lënë anash në të gjitha aspektet, përfshirë këtu kanalizimin e ujësjellësin, i cili edhe pse është i instaluar, asnjëherë nuk i furnizon me ujë banorët e kësaj ane.

“Rruga kryesore është shtruar në vitin 1988 dhe nga atëherë as ministria as komuna e Ferizajt nuk e kanë mbikqyrur, është i prerë asfalti në disa vende dhe nuk është asfaltu kurrë, në kohën e zgjedhjeve Muharrem Svarqa e ka nis me zgjeru, por sot e atë ditë ka mbetë ashtu, po ashtu edhe rruga brenda fshatit është e gjerë 2 metra që është rrezik për fëmijët që shkojnë në shkollë, ashtu jemi edhe me kanalizim, me ujësjellës, kurse me rrymë çdo herë që bie shi ose një erë me fry 40 orë jemi pa rrymë, nuk e di veç me u largu nga këtu krejt”, tha Bastri Bytyqi.

“Kjo rrugë është e dëmtuar tepër, ia patën fillu pak me zgjeru kinse e me asfaltu, por ka mbetur ashtu në gjysmë pasi u krytën zgjedhjet mbeti ashtu, edhe rruga brenda fshatit është shumë e ngushtë, nëse takohen dy vetura duhet njëra me u kthy prapa, rrugicat i patën asfaltu vitin e kaluar, por edhe ato kanë fillu me u dëmtu, nuk e dimë se çfarë po ndodhë”, tha Musli Bytyqi.

“Kjo rrugë është shumë keq, ka fjalë me u rregullu por nuk e di, e veturat po dëmtohen gati sa një regjistrim që e bëjmë aq po na bëhen dëmet që po na i shkakton kjo rrugë”, tha Hyzri Mahmuti.

Kurse, drejtori i Infrastrukturës Arbër Bytyqi, tha se për shkak të buxhetit të vogël, rruga kryesore e fshatit Mirosalë nuk do të rregullohet as këtë vit.

“Rruga e Mirosalës është projekt në kuadër të Ministrisë së Infrastrukturës në bashkëpunim me komunën e Ferizajt, për këtë vit jemi në vështirësi shumë të mëdha buxhetore, për pjesën e fshatit Mirosalë ne jemi duke biseduar me operatorin që e ka kontratën për atë pjesë dhe jemi duke e shtyrë përpara që të vazhdohen punimet në atë pjesë, por për shkak të mundësive shumë të vogla buxhetore është e pamundur që të filllojmë punimet këtë vit në atë zonë”, tha Bytyqi.

Banorët e fshatit Mirosalë u ankuan se investimet në këtë lokalitet që nga paslufta kanë qenë minimale, edhe pse në të janë më shumë se 400 shtëpi.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar