Ferizaj

Aktori Rexhep Mitrovica pjesë e Festivalit të Teatrove

Published

8 years ago

19 October, 2018

Rexhep Mitrovica, aktori i njohur nga Franca me origjinë nga Kosova do të jetë pjesë e Edicionit të 48-të të Festivalit mbarëkombëtar të Teatrit që mbahen këtë muaj në qytetin e Ferizajt, i cili nis më 21 tetor 2018. Së bashku me Mitrovicën në Ferizaj do të jetë edhe aktori tjetër i njohur kosovar që jeton në Francë, Arben Bajraktaraj. Të dy janë pjesë e shfaqjes “Le Pont” inskenuar në Francë sipas romanit “Ura me tri harqe’’ të Ismail Kadaresë, në regji të Simon Pitaqaj.

“Kam pas rastin të vizitoj regjionin dhe është kënaqësi me qenë këtu dhe shpresoj se do të ndaheni sa më të kënaqur me prezantimin që do të bëjmë dhe ta respektojmë sa më shumë kontratën e ndërsjellë që kemi bërë. Është një veçanti speciale me veprën, sepse kam rastin të luaj një vepër e cila rezonon në këtë ambient, në këtë regjion, sidomos tematika lidhet mjaftë shumë më vendin dhe regjionin. Është një vepër që ka mesazh shumë universal, kjo tregon edhe rëndësinë primare që e ka Kadareja si shkrimtar dhe përveç kësaj jam me fat që kam pas rastin të takoj një adaptim të tillë në frëngjisht që e cilësoj të veçantë, pasi krejt kjo është një kombinim mes vendit dhe veprës dhe veçanërisht adaptimit modern të kësaj vepre”, tha aktori Rexhep Mitrovica.

Për edicionin e 48-të të Festivalit të Teatrove tashmë janë përzgjedhur edhe shfaqjet konkurruese. Regjisori Besim Ugzmajli, tha se janë munduar të bëjnë përzgjedhjen më të mirë të produksioneve.

“Ne kemi provuar të sjellim disa risi në festival, mirëpo pa e humbur traditën dhe mënyrën se si është organizuar për 48 vite ky festival. Veçantitë e këtij programi të sivjetëm janë katër tekste shqiptare që vijnë duke përfshi tekstin e adaptuar të Simonit të shkrimtarit Kadare, pastaj është një tekst i Ag Apollonit, duke vazhduar me një tekst tjetër të Kushtrim Bekteshit dhe në fund teksti nga Mehmet Kraja. Sivjet programi ynë ka një konsiderim të veçantë për të sjellur dramat shqipe në Ferizaj, por duke mos lënë anash edhe tekstet tjera të dëshmuara të autorëve botëror, ne kemi përzgjedhur pothuajse produksionet më të mira mbarë-shqiptare që janë prodhuar këtë vit”, tha Ugzmajli.

Aktori Rexhep Mitrovica, është pritur sot në takim nga kryetari i komunës së Ferizajt Agim Aliu.

Ferizaj

Arrestohen tre persona të dyshuar për trafikim të narkotikëve në Ferizaj

Published

2 hours ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

2 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.

Ferizaj

Tërhiqet mjeti i dyshuar shpërthyes nga Lybeteni

Published

1 week ago

28 July, 2026

Redaksia

Policia e Kosovës ka njoftuar se në bashkëpunim me njësitet e specializuara të FSK-së dhe KFOR-it kanë identifikuar dhe tërhequr një mjet të dyshuar shpërthyes në territorin e Parkut Kombëtar të Lybetenit.

Raportimin dje e kishte bërë të një qytetar i cili ka hasur në mjetin e dyshuar përderisa kishte qenë duke mbledhur boronica.

Luboten, Parku Nacional 27.07.2026 – 12:16.

“ Dëshmitari mashkull kosovar ka raportuar se derisa ka qenë duke mbledhur fruta-Boronica, në fushë ka hasur në një mjetë të dyshuar shpërthyes. Njësiti përkatës policor ka siguruar vendin e ngjarjes derisa njësiti për deminim i FSK-së dhe KFOR-it kanë dalë në vendin e ngjarjes dhe kanë bërë tërheqjen e mjetit pa incidente”, ka njoftuar Policia.