Ferizaj

Në meshën e Krishtlindjes, thirrje për paqe e dashuri

Published

6 years ago

25 December, 2018

Besimtarët katolik anekënd botës po kremtojnë festën më të gëzuar të krishterë, atë të Krishtlindjes. Për nderë të kësaj feste në kishën katolike ‘’Engjëlli i Rojës” në Ferizaj, mëngjesin e sotëm është mbajtur mesha e Krishtlindjes, të cilën e ka udhëhequr famullitari i kishës Don Viktor Sopi, i cili kërkoi nga Zoti falje për popullin dhe më shumë dashuri mes tyre.

“Të pendohemi për të gjitha gabimet e mëkatet tona që në këto momente zemra jonë të jetë e mbushur me dashuri, ku dhe zbret dashuria e hyjut, prandaj festa e Krishtindjes është një festë gëzimi që Zoti merr ecjen në mbarë njerëzimin drejt qëllimit, e qëllimi është amshimi. Zotit lavdi, e paqe njerëzve të vullnetit të mirë, kështu qoftë për botën mbarë”, tha Sopi.

Sopi bëri thirrje për më shumë mirëkuptim dhe dashuri mes njerëzve.

“Aty ku ka dashuri për jetë aty është progresi e siguria për një ardhmëri të lumtur, aty ku ka dashuri për virtyte, për sakrificë dhe vlera të cilat e kuptimësojnë dëshmijën e njeriut drejt një ideali ajo nuk fiket me asnjë mjet që e prodhon toka, prandaj dita e krishtlindjes, dita e takimit të dashurisë së Zotit me njeriun është sot”,tha Sopi.

Krishtlindja është festa më e rëndësishme në kalendarin e festave të krishtera dhe festohet çdo vit në natën mes 24 dhe 25 dhjetorit.

Ferizaj

Lëndohet një person në vendin e punës në Ferizaj

Published

6 days ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

1 week ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

1 week ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.