Ferizaj

Edhe shëndetësia e Ferizajt në grevë 24 orëshe

Published

8 years ago

26 December, 2018

Punëtorët shëndetësor të institucioneve publike në Ferizaj, i janë bashkuar grevës 24 orëshe të thirrur nga Federata Sindikale e Shëndetësisë së Kosovës. Përveç Emergjencës, nga ora 7:00 e mëngjesit të sotëm në Spitalin e këtushëm dhe nëpër qendrat e mjekësisë familjare nuk u ofrua asnjë shërbim mjekësor.

Kryetarja e Sindikatës së Spitalit të Ferizajt Halime Zymberi, u shpreh e vendosur për radikalizim të grevës nëse nuk realizohen kërkesat e mjekëve për rritje të pagave.

“Qëllimi i kësaj greve është tërheqja e vëmendjes së të gjithë faktorëve relevant shtetëror në lidhje me kërkesat e adresuara nga FSSHK-ja për projektligjin mbi pagat dhe kjo grevë do të zgjas 24 orë dhe nëse nuk ndërmerren hapa për kërkesat e tona greva do të radikalizohet. Emërgjenca do të punoj, ndërsa qytetarët duhet ta dinë se punëtorët shëndetësor duhet të paguhen e jo gjithmonë të shkelur e sidomos mjekët, ata nuk janë më të dobët se ata që po shkojnë po u japin pare e këtu po lypin krejt pa pare”, tha Zymberi.

Të pakënaqur për kushtet në të cilat po punojnë u shprehën edhe punëtorët e Qendrës Kryesore të Mjekësisë Familjare. Kryetarja e Sindikatës së QKMF-së në Ferizaj, Tevide Imeri, tha se shpreson që kërkesat e mantelbardhëve të merren parasysh.

“Është grevë e cila është organizuar në nivel të vendit, është këshilli drejtues i cili ka vendos që sot të hyjmë në grevë 24 orëshe për t’i realizuar qëllimet e tona, ligjin e pagave për ta kaluar dhe kërkesat tona që i kemi dërguar Qeverisë për t’i futur në këtë ligj, amandamentet e tona që kemi kërkuar, një rritje të dinjitetshme të pagave me një koeficient të cilin na ka mbështetur edhe Komisioni paralamentar për Shëndetësi. Shpresoj shumë se kjo grevë do ta has në vesh të qeveritarëve dhe do ta marrin më seriozisht punën e shëndetësisë. Kjo është një grevë paralajmëruese dhe në qoftë se këto nuk merren parasysh grevën do ta vazhdojmë pas festave të fundvitit për të vazhduar me greva gjenerale të cilat na i mundëson ligji për organizim sindikal”, tha Imeri.

Sipas Imerit, kjo grevë po përkrahet edhe nga qytetarët.

“Qytetarët janë duke na kuptuar, po na mbështesin shumë, madje në kontaktet që unë kam pasur me ta na kanë thënë që të vazhdojmë deri në realizimin e kërkesave tona, janë vetëdijësuar aq shumë qytetarët sa nuk mund të merret me mend. Ne kur e rregullojmë mirëqenien e punëtorëve shëndetësor, njëkohësisht rregullohet edhe mirëqenia e qytetarit, sepse nuk mundesh me kërku një kontroll kualitative prej mjekut i cili është me këtë pagë kaq të pavlerë”, tha Imeri.

Në Kosovë një mjek specialist për punën që kryen paguhet me rreth 600 euro në muaj, derisa infermierët me rreth 400 euro në muaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar