Ferizaj

Shpërndahen dhurata për anëtarët e Shoqatës së Shurdhmemecëve

Published

7 years ago

26 December, 2018

Përfaqësues të komunës së Ferizajt u kanë shpërndarë dhurata anëtarëve të Shoqatës së Shurdhmemecëve në këtë qytet. Me këtë rast, kryesuesja e Kuvendit Komunal të Ferizajt Kristina Gashi-Bytyqi, tha se në seancën e nesërme të Kuvendit do të dalë për miratim një strategji komunale, e cila nëse do të miratohet do të ndikoj në përmirësimin e jetës së kësaj kategorie të shoqërisë.

“Nesër veçse e kemi seancën ku e kemi si pikë të rendit të ditës edhe miratimin e strategjisë komunale për personat me nevoja të veçanta dhe plani i veprimit, ku patjetër se në këtë strategji janë të përfshirë të gjithë personat me nevoja të veçanta pa dallim shoqate dhe kjo strategji përmban përmirësimin e kushteve të personave me nevoja të veçanta si në fushën e arsimit, shëndetësisë, infrastrukturës dhe punësimit dhe me miratimin e saj këta qytetarë do ta kenë një jetë më të lehtë dhe një përkrahje më të madhe”, tha Gashi-Bytyqi.

Përfaqësuesit e kësaj shoqate, thanë se nevojat e tyre janë të panumërta, por imediate është punësimi i një personi që do t’iu ndihmonte atyre gjatë komunikimit me njerëz.

“Falënderoj komunën që na ka dhuruar këto dhurata, ka edhe fëmijë të shurdhër këtu dhe janë shumë të lumtur, ka edhe shumë fëmijë që janë të shurdhër por nuk janë të regjistruar tek ne, prandaj kisha pasur dëshirë që edhe ata fëmijë të jenë të regjistruar këtu, ndërsa nevojë e jona kryesore është se nuk kemi interpretë”, tha Naser Maliqi, kryetar i Shoqatës së Shurdhmemecëve në Ferizaj.

Në këtë shoqatë njoftuan se në komunën e Ferizajt janë rreth 220 persona shurdhmemecë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

5 hours ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 day ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

5 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim