Ferizaj

GIZ-i Gjerman fton bizneset e Ferizajt në panairin e punës

Published

8 years ago

22 March, 2019

Drejtoria e Zhvillimit Ekonomik dhe zyra Gjermane për Bashkëpunim Ndërkombëtar – GIZ, sot kanë mbajtur një sesion informues me biznesmenët e rajonit të Ferizajt, që do të jenë pjesë e panairit të punës, që sivjet mbahet më 30 mars.
Arbër Jashari, koordinator i panaireve në kuadër të organizatës GIZ, tha se janë ftuar bizneset që t’i shpallin vendet e reja të punës, në mënyrë që të rinjtë t’i kenë këto informata të nevojshme për punësim të punëkërkuesve. Jashari tha se përvec mundësisë që të rinjtë të gjejnë një vend pune, nga ky panair përfitojnë edhe vetë bizneset.

“Është sesion informues se si mund të aplikojnë dhe çka mund të përfitojnë. Bizneset munden me përfitu skema të praktikës në punë, trajnimin e trajnerëve në kompani, trajnimin e punëtorve mbrenda kompanisë për një periudhë të caktuar dhe njëkohësisht një marketing që do ta shfaqim në panairin e punës” – tha Jashari.

Drejtori komunal për zhvillim ekonomik, Zekir Bytyqi, u bëri ftesë bizneseve që të jenë pjesë e këtij panairi.

“Në këtë panair do të ballafaqohen oferta dhe kërkesa, ofertuesit janë bizneset ku do të kenë mundësi që të gjejnë një punëtor të zellshëm, ndërsa të rinjtë mund të gjejnë një punë të përshtatshme. Unë u bëj thirrje bizneseve të rajonit të Ferizajt që të aplikojnë në këtë panair pasi do të jenë përfitues nga kjo skemë”,- u shpreh drejtori Zekir Bytyqi.

Në këtë sesion informues, disa biznese shpallën vende të lira të punës qysh nga sot.

“Realisht një panair i tillë është i mirëserardhur. Realisht ne kemi problem me punëtorë, shumica e dijnë që ne vazhdimisht kërkojmë saldues, dhe këtu e bëj publike që nga neser jemi të gatshëm të pranojmë 20-30 punëtorë, saldues dhe punëtorë të tjerë” – tha Njazi Musliu, pronar i kompanisë “Eurometal”.

Panairi i Punës do organizohet më 30 mars në palestrën e shkollës fillore “Tefik Çanga” të Ferizajt.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

20 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”