Ferizaj

ZYRTARI KOMUNAL: Nëse vdesin fëmijët, e shpallim tragjedi kombëtare

Published

8 years ago

22 March, 2019

Mevlide Hoxha, anëtare e këshillit të prindërve në shkollën “Vezir Jashari” të Ferizajt, kishte mbetur e shokuar nga humori i zi i një zyrtari në Drejtorinë e Arsimit, kur ajo kërkoi që komuna ta rregullojë urgjentisht kulmin e kësaj shkolle, i cili për shkak të defekteve të mëdha, po paraqet rrezik për jetën e fëmijëve aty. Hoxha, e cila i ka dy fëmijë në këtë shkollë, thotë së përgjigja e tillë e një zyrtari komunal është tallje me nxënësit dhe prindërit e kësaj shkolle.

“Kam qenë, e kam dorëzuar tek drejtoria e arsimit një letër, një ankesë që me rregullu kulmin dhe ma pranuan vetëm në drejtori të arsimit, tek kryetari dhe inspektorati i punës jo, dhe kur po dal nga komuna u takova me një financier që punon në drejtori të arsimit. Pasi kemi shkuar disa here, më njifte, më tha çka ke dalë, i thashë e kam dorëzu një kërkesë dhe i thashë që është ndarë një buxhet mu ndërtu dy shkolla të reja. Më tha edhe për shkollën e juve janë duke e bërë një plan, e kur bëhet nuk e di sa zgjatë, i tregova fotografitë se qysh ka nis me ra pllafoni, dhe i thashë nëse mbyten fëmijët nga kulmi është mjerim, përkundër që është e njoftune komuna.
Më tha: “Mos u ngut me thanë atë fjalë, se edhe me ra kulmi me i mbytë fëmijët, e shpallim tragjedi kombëtare!”
Nuk e di se me çfarë mendimi e ka thanë, ama me u mbytë 700 fëmijë prej kulmit të shkollës, kjo është me luajtë me fëmijët tonë, me thanë e shpallim tragjedi kombëtare ” – u shpreh e zemëruar Mevlide Hoxha, e këshillit të prindërve të shkollës “Vezir Jashari”.

Përvec këshillit të prindërve, edhe drejtoresha e shkollës , thotë se ka parashtruar disa kërkesa tek institucionet komunale që kulmi të rregullohet në një afat më të shpejtë, pasiqë situata është e rrezikshme.

“Në fund të muajit 11 kur ka pasur të reshura të gjitha klasët na kanë pikë, intervenimi ka qenë nga prindërit, komuna na ka ndihmu me 40 silikona, dy ditë kanë punuar mjeshtrit dhe janë paguar nga këshilli i prindërve, ku një prinde, Mevlide Hoxha i ka dhënë 250 euro. Por problemi nuk është sanuar i tëri, sepse në bazë të atyre që kanë qenë më ekspertë, kanë thënë se ky kulm duhet të rinovohet i tëri dhe të vendoset një kulm klasik. Unë rregullisht kam bërë kërkesa në drejtori të arsimit dhe përgjigjja e komunës ka qenë, në momentin që rregullohen temperaturat do të sigurohet një buxhet për ndërrimin e kulmit. Për momentin na jena me fat që koha është pa shi, ne lutemi mos të kemi shi, pasi na shkakton shumë dëme, muret lagen dhe myken, vjenë era, kundërmon shkolla, myku është shumë i rrezikshëm”, – tha Fatushe Azemi, drejtoreshë e shkollës “Vezir Jashari”.

Drejtori komunal i arsimit, Afrim Llabjani, u zotua se problemi i kësaj shkolle do të përfundojë gjatë kohës gjersa nxënësit të jenë në pushimin veror.

“Ne gjatë muajit të vjeshtës kemi pasur disa takime me këshillin e prindërve dhe me drejtoreshën e shkollës aty, dhe ata na kanë bërë me dije se kulmi është në një gjendje jo të mirë, dhe ne e kemi dërguar një inxhinjer dhe e ka vërtetuar gjendjen, dhe ne kemi kërkuar që të bëhet një sanim i përkoshëm përmes operatorit “Shtëpiaku”. Gjatë kësaj kohe, ne kemi punuar në këtë drejtim dhe i kemi bërë paramasat dhe shumë shpejtë po mendojmë që ta shpallim edhe tenderin, në mënyrë që asaj shkolle ti ndërrohet tërsisht kulmi. Ne do të mundohemi që gjatë kohës së verës do ta kemi prioritet këtë çështje që në shtator mos ta kemi më këtë telashe”, – u shpreh Afrim Llabjani, drejtor i arsimit në Ferizaj.

Për gjendjen e kulmit në këtë shkollë flasin pamjet amatore nga telefoni që i kanë bërë prindërit e fëmijëve gjatë ditëve me shi. Këshilli i prindërve të kësaj shkolle paralajmëroi ndaljen e fëmijëve nga procesi mësimor, nëse komuna nuk e zgjidh problemin e kulmit para 1 shtatorit të sivjetmë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar