Ferizaj

Teatri i Ferizajt nis grumbullimin e materialeve arkivore

Published

7 years ago

13 November, 2019

Këshilli Drejtues dhe menaxhmenti i teatrit ”Adriana” në Ferizaj, kanë nisur grumbullimin e materialeve të ndryshme arkivore që kanë të bëjnë me funksionimin e jetës teatrore në Ferizaj ndër vite. Lidhur me këtë ata kanë ftuar të gjithë qytetarët, krijuesit, aktorët, regjisorët, producentët, skenografët, muzicientët, gazetarët e shikuesit pasionant të shfaqjeve teatrore që t’i ndihmojnë teatrit me sjelljen e të gjitha materialeve që konsiderohen me vlerë dhe që flasin për historikun e skenës teatrore të qytetit tonë. Anëtari i Këshillit Drejtues të teatrit “Adriana” Albion Sherifi, thotë se materialet mund të jenë nga më të ndryshmet.

“Kjo nismë po merret për konkretizimin gjegjësisht krijimin e arkivit të teatrit “Adriana” që nënkupton grumbullimin e gjithë fletëpalosjeve, materialeve të ndryshme, shkrimeve në gazetë dhe të gjitha formave të tjera të komunikimit publik pa saktësuar periudhën kohore se kur janë grumbulluar apo janë arkivuar këto në arkivat personale të këtyre individëve, andaj një ftesë e tillë i është drejtuar qytetarëve ferizajas, por edhe më gjerë duke përfshirë regjisorët, ata që kanë dhënë kontributin me vite në teatrin “Adriana” në mënyrë që të sjellin materialet e tyre. Këto materiale normalisht do të evidentohen nga menaxhmenti i teatrit në mënyrë që të krijohet arkivi dhe me këtë dokumentacion do të nisim edhe krijimin, propozimin e monografisë të teatrit “Adriana” tash kur kemi hyrë në vitin e 50 të Festivalit të Teatrove, por edhe një vit i gjatë i funksionimit të skenës sonë teatrore ose artit dramatik në komunën e Ferizajt”, u shpreh Albion Sherifi.

Udhëheqësi i teatrit të Ferizajt Fatmir Hyseni, shprehet optimist se qytetarët do të ndihmojnë në gjetjen e materialeve.

“Besoj që do t’i përgjigjen kësaj thirrje ku dihet që Kosova e ka përjetuar një luftë dhe të gjitha arkivat e teatrit, por edhe të institucioneve të tjera ose janë marrë nga Serbia ose janë djegur dhe kjo është një iniciativë e cila duhet të dëshmojë që teatri ka jetuar shumë gjatë dhe qytetarët kanë, besoj që kanë materiale të ndryshme dhe të gjitha materialet edhe një biletë qoftë e një periudhe të caktuar është mirë që të dorëzohet në teatër që të kemi një arkiv sado pak që të rinjt të informohen që teatri ka qenë aktiv qysh nga Lufta e Dytë Botërore e edhe më herët, mirëpo duhet të kemi dëshmi, fakte, xhirime çfarëdo që ka nga qytetarët, edhe fotografi, shkrime në gazeta e të gjitha gjërat tjera”, theksoi Fatmir Hyseni.

Materialet që do të grumbullohen do të inkorporohen në monografinë e teatrit ”Adriana” e cila pritet të promovohet gjatë vitit 2020.

Ferizaj

Hapet rast penal ndaj 32 vjeçarit në Ferizaj për armëmbajtje pa leje

Published

19 seconds ago

10 July, 2026

Redaksia

Policia në Ferizaj ka nisur procedim penal ndaj një 32-vjeçari, pasi gjatë kontrollit të një automjeti i është gjetur një armë zjarri pa leje.

Rasti ka ndodhur më 9 korrik, rreth orës 19:20, në rrugën “Enver Topalli”, ku njësia e patrullës policore ka ndaluar për kontroll një automjet të tipit Lamborghini.

“Gjatë kontrollit, te pasagjeri, V. S., ( 32 vjeç) kanë gjetur dhe kanë sekuestruar një armë zjarri, pistoletë me tetë (8) fishekë.

Lidhur me rastin është njoftuar prokurori i Shtetit dhe është iniciuar rasti për veprën penale Mbajtje në pronësi, kontroll ose posedim të paautorizuar të armëve, ndërsa i dyshuari është liruar në procedurë të rregullt”, thuhet në njoftimin e policisë.

Ferizaj

Siguria juaj fillon me zgjedhjen e duhur të sigurimit

Published

22 hours ago

09 July, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Ferizaj

Arrestohet një i mitur në Ferizaj, i dyshuar për kanosje dhe armëmbajtje pa leje

Published

1 day ago

09 July, 2026

Redaksia

Policia në Ferizaj ka arrestuar një 16 vjeçar nën dyshimin se ka kanosur dy persona me armë zjarri.

Sipas njoftimit të Policisë, rasti është raportuar më 08.08.2026, rreth orës 23:40. Në vendngjarje janë personat e përfshirë në incident. Në stacionin policor janë shoqëruar dy viktimat dhe një person i dyshuar.

Gjatë kontrollit, tek i dyshuari F.A. (16 vjeç) është gjetur një pistoletë me gaz dhe 6 fishekë.

Lidhur me rastin janë intervistuar dy viktimat, ndërsa personi i dyshuar, për shkak se ndodhej nën ndikimin e alkoolit, nuk ka qenë në gjendje të intervistohej.

Me vendim të prokurorit të shtetit, i dyshuari është ndaluar për 24 orë dhe ndaj tij është iniciuar procedura hwtimorw për veprat penale “Kanosje” dhe “Mbajtje në pronësi, kontroll ose posedim të paautorizuar të armëve.”