Ferizaj

Për 11 muaj 200 gjoba për mosrespektim të sigurisë në punë

Published

7 years ago

21 November, 2019

Pajisjet e ndryshme teknologjike shpeshherë kanë rrezikuar jetën e njerëzve. Nga shpërthimi i baterive, shumë persona kanë marrë lëndime e disa prej tyre edhe kanë humbur jetën. Një rast i shpërthimit të baterisë së telefonit ndodhi mbrëmë në Shtime, derisa pronari i një dyqani për shitjen e telefonave celularë ishte duke punuar në të.

Për çfarë arsye ndodhë një gjë e tillë, tregon njëri nga punonjësit e një dyqani për shitjen e pajisjeve teknologjike në Ferizaj.

“Duhet të kemi shumë kujdes, kemi disa mjete që janë për përkujdesje apo për mosshpërthimin e baterisë, bateria më së shumti shpërthen për shembull kur të fillon ta deformoj baterinë, bateria duhet të jetë e drejtë dhe kur të hapet duhet të hapet me masa mbrojtëse. Kanë ndodhur raste me klientë të mosdijshëm, por nuk ka pasur problem, i kemi treguar, ka mundësi edhe adapteri i dobët, duhet të jetë i mirë dhe jo 1 euro, sepse e dëmton shumë baterinë brenda, bëhet fryerja e baterisë, duhet të ndërrohet bateria çdo një muaj për këtë. Kur është adapteri i mirë, nuk hap asnjë problem”, tha Muhamet Haliti.

Ai duke treguar për masat mbrojtëse që nevojiten kur punohet në celularë, tha se kontrollet nga inspektorët për sigurinë në punë nuk mungojnë.

”Ka pasur edhe kontrollime nga inspektorët, kemi dalë shumë mirë, nuk ka pasur diçka problem. Masa mbrojtëse kemi kundër depërtimit të rrymës në trup, ajo parandalon shpërthimin e baterisë, përdorim syze”, tregoi Muhmet Haliti.

Televizioni Tema ka kontaktuar me Kryeinspektorin e Inspektoratit të Punës, Valon Leci, i cili tha se Inspektorati I Punës në vazhdimësi është në inspektim të kushteve të punës në Kosovë.

“Gjithmonë ka hapësirë për përmirësim, përderisa kemi rreth 60 aksidente në vend të punës që kanë përfunduar me lëndime dhe 11 aksidente që kanë përfunduar me fatalitet kjo nënkupton që në këto raste diçka ka qenë e mangët që janë shkaktuar këto aksidente. Nuk ka ndonjë indikatorë matës të themi se si është situata, a respektohet apo jo. Vitin e kaluar i kemi pasur rreth 10 mijë inspektime, këtë vit trendi është në rritje, kemi edhe më shumë inspektime sesa vitin e kaluar”, u shpreh ai.

Këtë vit, Inspektorati i Punës u tha se ka shqiptuar mbi 200 gjoba për mosrespektim të sigurisë në punë, ndërsa vitin e kaluar ishin shqiptuar 270 gjoba me një shumë të përgjithshme deri në 35.000 euro, varësisht nga shkeljet e dispozitave të ndryshme.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar