Ferizaj

LVV: Interesim i lartë i ferizajasve për peticionin për zgjedhje

Published

6 years ago

03 June, 2020

Qytetarët e Ferizajt sot po prisnin në radhë për të nënshkruar peticionin e organizuar nga Lëvizja Vetëvendosje, përmes së cilit ky subjekt politik po kërkon që vendi të shkojë në zgjedhje të parakohshme.
Ferizajasit shprehen se askush nuk ka të drejtë t’ua mohoj votën.

“Vetëm zgjedhje e jo ky me gjetë të gatshëm, populli e ka vlerësuar ndryshimin. Hazër me marrë qeverinë nuk ka askund, vota duhet me u respektu, boll kanë vjedhë që 20 vite”,tha Haziz Hashani, qytetar.

” U bënë krejt partitë truq me e rrëzu Albin Kurtin, ia ngjitën gjoja se i prishi raportet me Amerikën, Thaçi i ka bërë të gjitha, ne duam zgjedhje patjetër, këta kanë qenë që 20 vite”,tha Ramiz Veseli , qytetare.
Përfaqësues të Vetëvendosjes në Ferizaj, thanë se interesimi i qytetarëve për të nënshkruar këtë peticon është i jashtëzakonshëm, por edhe për t’u anëtarësuar në Vetëvendosje.

Deputeti i Kuvendit të Kosovës nga ky subjekt politik Enver Haliti, tha se vetëm gjatë ditës së djeshme kanë mbledhur 600 nënshkrime, gjë e cila, sipas tij, dëshmon që qytetarët po vlerësojnë se zgjedhjet janë i vetmi legjitimitet për qeverisjen e re.

“Lëvizja Vetëvendosje në kuadër të kundërshtimeve rreth aktgjykimit të Gjykatës Kushtetuese dhe mohimit të vullnetit të qytetarëv të treguar më 6 tetorë të 2019-së ku votuan për një qeveri të shpresës dhe në njëfarë forme ky aktgjykim i Gjykatës Kushtetuese e mohoi vullnetin e tyre, duke parë këtë Vetëvendosje në kuadër të kundërshtimit ka filluar një peticion online, por është vlerësuar se është e nevojshme edhe mbledhja e nënshkrimeve në formë fizike me çka që nga dita e djeshme ka filluar ky organizim, ku në Ferizaj vetëm gjatë ditës së djeshme janë mbledhur diku 600 nënshkrime ku qytetarët u janë përgjigjur pozitivisht nënshkrimit të këtij peticioni”,tha Haliti.

E, vendimin e Gjykatës Kushtetuese që i dha të drejtë dekretit të Presidentit të vendit Hashim Thaçi, Haliti e quajti skandaloz e të ndikuar nga vet presidenti.

“Një vendim i pa precedent dhe skandaloz në formën se si e ka gjykuar dekretin e presidentit Thaçi kur kemi parasysh që po e njëjta gjykatë dhe kushtetutë ka vlejtur edhe në vitin 2014 dhe aktgjykimi në vitin 2014 ka qenë totalisht në kundërshtim me këtë që kemi tash në vitin 2020, ku në njëfarë forme ka qenë situata e njëjtë me atë të vitit 2014. Është një vendim që ka favorizaur planet apo apetitet e politikanëve të caktuar, konkretisht të presidentit Thaçi i cili ka qenë lojtari kryesor në këtë kohë duke dalë edhe jashtë kompetencave të tij e duke e marrë edhe rolin e një opozitari dhe jo duke ushtruar pozitën e tij, atë të unitetit”, tha Haliti.

Përveç peticionit, Vetëvendosje nuk ka përjashtuar edhe protesta për të kundërshtuar vendimin e Kushtetueses që i jep të drejtë formimit të qeverisë Hoti.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar