Ferizaj

Mbi 4 mijë qytetarë nënshkruajnë peticionin e LVV-së në Ferizaj

Published

6 years ago

05 June, 2020

Për 3 ditë më shumë se 4 mijë qytetarë të Ferizajt kanë dhënë nënshkrimet e tyre në peticionin që është organizuar nga Lëvizja Vetëvendosje, përmes së cilit ky subjekt politik po kërkon që vendi të shkoj në zgjedhje të parakohshme.
Sekretarja e Qendrës së Vetëvendosjes në Ferizaj Liridona Gashi, tha se duke e parë interesimin e qytetarëve për të nënshkruar këtë peticion kanë vendosur edhe dy tenda në Ferizaj, një në rrugën “Agim Matoshi” dhe tjetrën në rrugën “Vëllezërit Gërvalla”.

“Kemi filluar me marrjen e nënshkrimeve këtu në shesh, por për shkak të interesimit të qytetarëve për të nënshkruar nga sot do të shtojmë edhe dy pika të reja, njëra do të jetë tek rruga kah tregu, kurse tjetra tek Enti për Punë Sociale, por mundësitë janë të shtohen edhe pika të tjera pasi fluksi i qytetarëve për të nënshkruar është i jashtëzakonshëm. Deri tash numri i nënshkrimeve është 110 mijë, ndërsa në Ferizaj këto dy ditë kanë qenë 4 mijë nënshkrues dhe po presim që në ditët në vijim me hapjen e pikave të tjera numri i nënshkruesve do të jetë edhe më i madh”, tha Gashi.

Gashi tha se përmes këtij peticioni po vërtetohet se kërkesa për zgjedhje nuk është vetëm e aktivistëve të Lëvizjes Vetëvendosje, apo e votuesve të kësaj partie, por edhe e qytetarëve të cilët më parë kanë pasur pikëpamje të tjera politike.

“Ajo që po vërehet dukshëm është se qytetarët pa marrë parasysh partitë politike që i kanë përkrahur deri tani shihet se gjërat kanë ndryshuar dhe qytetarët janë të gatshëm të nënshkruajnë pasi vullneti i tyre është shkelur, faktikisht ajo që kanë vendosur më 6 tetor ka ndryshuar në mënyrë drastike me pazaret që janë bërë dhe kësisoj ata kanë vendosur që të kërkojnë të drejtën e tyre dhe të vendoset përmes sovranit se kush duhet të udhëheq”, tha Gashi.

Qytetarët të cilët po nënshkruanin peticionin për zgjedhje, thanë se e duan Albin Kurtin në krye të Qeverisë së Kosovës.

“E kanë vjedhur vendin dhe jemi për zgjedhje, u pa ndyshimi për 50 ditë edhe pse të tjerët nuk e pranojnë”, tha Selman Isufi, qytetar.

“Unë jetoj jashtë, tani jam në pension dhe po jetoj këtu më shumë, mendoj që Albin Kurti është ai i cili mund ta çoj vendin përpara”, tha Halit Berisha.

“Unë jam për Albin Kurtin se është më i miri dhe u pa puna që është më i miri”, tha një tjetër qytetar.

“Partia më e pakorruptuar, të ri, të shkolluar, këta të vjetrit duhet me shku, në zgjedhje duhet të shkojmë dhe populli të vendos”, tha një tjetër nënshkrues i peticionit të Vetëvendosjes.

Peticioni i Lëvizjes Vetëvendosje për zgjedhje të reja ka filluar që nga data 1 qershor, pas vendimit të Gjykatës Kushtetuese që i dha të drejtë dekretit të presidentit Thaçi, vendim ky i cili bëri që Avdullah Hoti të vie në krye të Qeverisë.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

8 hours ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

Ferizaj

Arrestohet i dyshuari për plagosjen e dy personave me thikë në Ferizaj

Published

11 hours ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

12 hours ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.