Ferizaj

Albin Kurti premton lehtësira për bizneset

Published

6 years ago

09 February, 2021

Kandidati i Lëvizjes Vetëvendosje për kryeministër të Kosovës Albin Kurti, ka vizituar kompaninë e cila merret me grumbullimin, shitjen dhe distribuimin e frutave dhe perimeve “Doni Fruits” në Shtime.

Kurti nga aty premtoi se me ardhjen e tij në krye të qeverisë, do të lehtësoj ambientin e të bërit biznes në Kosovë.

“Padyshim që komunitetit të biznesit të këtillë ne do t’i jemi gjithmonë pranë, ata që zëvendësojnë importin e rrisin eksportin, ata që rrisin punësimin, ata që hapin linja të reja të prodhimit ne do t’i mbështesim. Këtu nuk do të neglizhojmë Bankën Zhvillimore për kredi të buta dhe afatgjate që të zvogëlohet interesi i kredive dhe të zgjerohen grejs periudhat kur duhet me fillu me i pagu kamatat. Ne gjithashtu zotohemi para juve, është sundimi i ligjit, që mos të detyrohet ekonomia e bardhë të hyjë në konkurrencë me ekonominë e hirtë”, tha Kurti.

Gjatë vizitës në këtë kompani, Kurti u njoftua nga pronari i këtij biznesi Ejup Ahmeti për vështirësitë me të cilat përballen.

“I kam 2-3 kërkesa që janë bazë për me i dhënë kahje sipërmarrësve. Ne kemi disa problematika siç është TVSH-ja 18%, tjetra t’i jepet rëndësi informalitetit, po përkëdhelen disa të tjerë për të mos na dhënë neve të drejtëve të cilët duam të kontribuojmë për shtet, tjetra problematikë është në doganë. Janë këto tri shtylla që neve do të na e lehtësonin shumë zgjerimin”, tha Ahmeti.

Pas vizitës në këtë kompani ku edhe mbolli një pemë në hapësirat e këtij biznesi, Albin Kurti u nis drejt qytetit të Shtimes ku po e priste kryetarja e listës “Guxo” Vjosa Osmani, me të cilën marshuan sheshit të këtij qyteti bashkë me qytetarë.

Ferizaj

Siguria juaj fillon me zgjedhjen e duhur të sigurimit

Published

16 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

16 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.