Ferizaj

13 vendvotime më pak në Ferizaj për shkak të pastrimit të listave

Published

5 years ago

10 February, 2021

Në hollin e Kuvendit të Ferizajt është vendosur materiali josensitiv për zgjedhjet e 14 shkurtit.

Në Komisionin Komunal Zgjedhor në Ferizaj, thonë se janë duke i bërë përgatitjet e fundit për mbajtjen e zgjedhjeve të dielën.

Për dallim nga zgjedhjet paraprake, në komunën e Ferizajt këtë herë do të jenë 13 vendvotime më pak për shkak të pastrimit të listave.

“Sivjet kemi bërë një pastrim të madh të listave, diku 143 mijë persona në nivel qendror janë hequr nga listat kryesisht që kanë dokumente të UNMIK-ut, por kemi edhe nga administrata pensionale një numër të caktur të vdekurish dhe kjo ka rezultuar me zvogëlimin e 13 vendvotimeve në komunën e Ferizajt, sivjet janë 134 vendvotime, ndërsa qendrat janë të njëjta, 44 qendra”, tha Rexha.

Për shkak të situatës me pandeminë KQZ-ja ka miratuar edhe një udhëzim administrativ me masa anti covid. Për shkelësit e këtij udhëzimi gjatë procesit zgjedhor, nuk do të mungojnë as gjobat.

“KQZ-ja ka miratuar një udhëzim administrativ në të cilin janë të parapara të gjitha masat anti-covid dhe të gjithë jemi të detyruar të punojmë në bazë të këtij udhëzimi, në rast se nuk respektohen këto masa nga pjesëmarrësit janë organet që do t’i ndjekin shkelësit”, tha Rexha.

Respektim i masave anti-covid nuk është parë në tubimet që kanë organizuar partitë politike, mirëpo përveç kësaj, Rexha thotë se partitë në Ferizaj kanë bërë edhe shkelje të tjera gjatë këtyre ditëve të fushatës.

“Kemi një numër të caktuar të tubimeve publike, numri është më i vogël se herave të tjera, është një udhëzim që secili tubim publik duhet të lajmërohet tek KKZ-ja pastaj të aprovohet nga policia, por sivjet kemi një numër simbolik të tubimeve publike, ndërsa ne po i shohim se po mbahen tubime dhe kështu kanë filluar PZAP-ja dhe institucionet tjera të shqiptonjë gjoba, gati se të gjitha subjektet janë të dënuara për shkeljen e këtyre masave”, tha Rexha.

Për t’u përkujdesur për mbarëvajtjen e procesit zgjedhor në komunën e Ferizajt janë angazhuar 950 komisionerë.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

4 hours ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim

Ferizaj

Siguria juaj fillon me zgjedhjen e duhur të sigurimit

Published

9 hours ago

13 March, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

Adresa: Rr. “Tahir Sinani” 89, Ferizaj

* Artikull i sponsorizuar

Ferizaj

330 shoferë në Ferizaj gjobiten për përdorim të telefonit

Published

2 weeks ago

02 March, 2026

Redaksia

Policia Rajonale e Ferizajt gjatë muajit shkurt ka shqiptuar 330 gjoba ndaj shoferëve që kanë përdorur telefonin gjatë vozitjes, duke rrezikuar kështu sigurinë e pjesëmarrësve në komunikacion.

Policia bën thirrje tek të gjithë pjesëmarrësit në trafik për përqendrim të plotë gjatë drejtimit të e automjetit dhe të shmangin çdo lloj shpërqendrimi sidomos përdorimin e telefonit gjatë vozitjes, pasi edhe një çast pakujdesie mund të ketë shkaktojë pasoja serioze për jetën e njerëzve.