Ferizaj

Gratë kërkojnë përkrahje nga institucionet

Published

6 years ago

08 March, 2021

Biznesmene, arkitekte, mësimdhënëse, artiste, sportiste e gra të profesioneve të tjera, u priten sot në takim nga kryesuesja e Kuvendit Komunal, Kristina Gashi-Bytyçi.

Në këtë takim të organizuar për nder të Ditës së Gruas, Bytyçi tha se fuqizimi i femrës është shumë i rëndësishëm për zhvillimin e vendit.

“Në Ferizaj kemi Hyrë Eminin e cila është një nga intelektualet dhe luftëtaret e shquara që krenohemi të gjithë me të dhe kjo dëshmon se gratë kanë qenë të barabarta dhe duhet të jenë të barabarta në të gjitha fushat, po ashtu edhe në biznes duhet fuqizimi i gruas, pasi zhvillimi i shtetit tonë varet nga zhvillimi ekonomik dhe kjo arrihet edhe përmes gruas“, tha Gashi-Bytyçi.

Ndërkaq, pjesëmarrëset e këtij takimi kërkuan më shumë mbështetje nga institucionet.

“Femrat në biznes kanë humë nevojë për përkrahje, si për financim, përkrahje morale e trajnime të ndryshme. Unë në biznesin tim jam munduar me i dhënë përparësi femrave dhe uroj që të ketë sa më shumë gra biznesmene, pasi femrat mund të udhëheqin thujase çdo biznes”, tha Afërdita Hoxha, biznesmene.

Femra apragjykohet shumë në shoqërinë tonë, unë jam arkitekte dhe ka ndodhë që kam shkuar në një vendpunishte ku kanë qenë 30 punëtorë dhe jam shikuar me një sy ndryshe, në atë kuptimin se kush është kjo me na shitë mend neve, prandaj këto paragjykime duhet të marrin fund“, tha njëra nga pjesëmarrëset.

8 Marsi është shpallur Ditë Ndërkombëtare e Gruas nga Kombet e Bashkuara me qëllim kremtimin e rolit të gruas në histori si dhe luftën e saj për barazi, drejtësi, paqe dhe zhvillim.

Ferizaj

Një burrë theret me kaçavidë nga dy persona në Ferizaj

Published

1 day ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.