Ferizaj

Nga java e ardhshme rinisin shërbimet mjekësore të ndërprera për shkak të COVID-19

Published

5 years ago

29 April, 2021

Spitali i Përgjithshëm në Ferizaj ka vend për 90 pacientë të infektuar me virusin Covid-19. Nga këta 90 shtretër, 44 veçse janë të zënë me pacientë të cilët po luftojnë me koronavirusin.

Drejtori i këtij Spitali Jeton Zeqiri, tregon se gjendja momentale në këtë institucion është e qëndrueshme dhe e menaxhueshme.

“Nuk kemi asnjë pacient në modulin e ventilimit CPAP. Të gjithë pacientët e hospitalizuar janë në oksigjeno-terapi, relativisht gjendja e tyre është stabile. Ndërsa me oksigjen dhe material shpenzues qëndrojmë relativisht mirë”, u shpreh Zeqiri.

Drejtoresha e Shëndetësisë në komunën e Ferizajt, Abetare Kurti-Maliqi, tregon se përballja me Covid-19 ka shkatuar vështirësi në trajtimin e pacientëve që nuk janë të prekur me këtë virus.

“Neve si komunë na ka shkaktu shumë telashe, për arsye se edhe ashtu kemi pas mungesa të stafit shëndetësor, sidomos në këtë kohë kur i kemi pas ekipet e angazhuara nëpër shtëpi, ka pasur ngecje në menaxhimin e situatës brenda QMF-ve edhe pse me atë staf që e kemi jemi mundu me ofru shërbime sa më cilësore për qytetarët”, tha ajo.

E, Spitali i Ferizajt i cili u shndërrua në Spital Covid për shkak të valës së tretë të pandemisë, pritet që gjatë javës tjetër të fillojë lirimin e hapësirave për trajtimin e pacientëve me sëmundje të tjera.

“Shërbimi emergjent është duke funksionuar, shërbimi i gjinekologjisë dhe dializës po funksionon. Jemi duke u përgatitur që javën tjetër ta lirojmë hapësirën e kirurgjisë dhe ortopedisë dhe pas festës së 1 majit nëse kemi rënie të numrit do të fillojmë edhe me programin elektiv dhe me shërbimet specialistike“, theksoi Zeqiri.

Ferizaj ka probleme me furnizimin me barna anti-virale, të cilat përdoren në trajtimin kundër koronavirusit.

Madje, Spitali i Ferizajt ka pësuar edhe rënie prej 5 për qind me furnizim me barna esenciale.

Drejtoresha e Shëndetësisë tregon se barnatorja e Spitalit, por edhe ajo e Qendrës Kryesore të Mjekësisë Familjare, varen eksluzivisht nga Ministria e Shëndetësisë për furnizim me barna.

Madje, ajo paralajmëron edhe më shumë vështirësi në furnizimin me barna.

“Kemi ba disa herë kërkesa në Ministri të Shëndetësisë dhe nuk kemi marrë përgjigje prej tyre. Edhe pse është premtu që do të ketë një rivlerësim të gjendjes së barnatoreve ditë më parë kemi parë që buxheti edhe ashtu është shkurtu për barnat dhe besoj që do të ketë akoma më shumë vështirësi në arritjen e furnizmit të mjaftueshëm“, tha Abetare Kurti-Maliqi.

Instituti Kombëtar i Shëndetësisë Publike vazhdimisht kërkon nga qytetarët që të mbrohen nga Covid-19, në mënyrë që gjendja nëpër institucionet shëndetësore të mos rëndohet edhe më shumë.

Ferizaj

Ngritët aktakuza e parë për zgjedhjet e 28 dhjetorit

Published

10 hours ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 days ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

1 week ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.