Ferizaj

Kuvendi i Ferizajt vendos për pagesën e kryetarëve të fshatrave

Published

5 years ago

30 April, 2021

Kuvendi Komunal i Ferizajt mori vendim për kompensimin e kryetarëve të fshatrave të kësaj komune.

Drejtoresha e Administratës Publike Aurora Ramadan, i tha se kanë paraparë që udhëheqesit e fshatrave të paguhen me nga 300 euro në vit.

Ndaj këtij propozimi, pati kërkesa nga asamblistët.

“Kemi kërku që të rritet paga për përfaqësuesit e fshatit. A nuk ka pasur ndonjë mënyrë tjetër, p.sh përmes mëditjeve, sepse këto nuk iu mjaftojnë, ka qenë kërkesë edhe e kryetarëve që me u rritë kjo sepse nuk iu mjafton, kanë takime gjatë tërë javës, kanë takime në komunë, sjellin kërkesa të ndryshme e nuk iu mjaftojnë këto 300 euro për gjashtë muaj”, tha Amir Rexhepi, asamblist i AKR-së.

“Sa i përket kësaj çështje për kompensimin e kryetarëve të këshillave të fshatrave duhet të bëhet një rregullore e brendshme që edhe anëtarët e këshillave të paguhen, se ai kryetari nuk është veç vet. Është kryetar i këshillit, por minimumi tre deri në pesë anëtarë të kompensohen me një mëditje të cilën e kanë anëtarët e komiteteve jo obligative të Kuvendit Komunal. Nëse e dinë anëtarët e këshillit që kryetari merr pagë e ata jo, ata s’vijnë hiq, kush e di qysh funksionon çështja nëpër lokalitete”, u shpreh Muhamet Halili, asamblist i pavarur.

Kërkesave të asamblistëve iu përgjigj drejtoresha e Administratës, Aurora Ramadani.

“Udhëzimi administrativ e ka përcaktu në nenin 12 çështjen e pagesave apo kompensimit të përfaqësuesve dhe zonave urbane. Pika 1 thotë se për punën e tyre kryetarët e këshilleve lokale, kompensohen nga komuna përkatëse. Pika2: Kompensimi bëhet në shumën ekuivalente të anëtarëve të komiteteve obligative. Pika3: Kompensimi për pjesëmarrje në takime bëhet vetëm për gjatë takime të mbajtura brenda vitit kalendarik”. Zotëri Muhamet unë vetëm një sqarim po ua jap. Rregullorja veçse është kaluar përmes këtij Kuvendi. Atëherë nuk kishte këso propozime. Duhet me qitë eksta këtë pikë dhe me ndryshu rregulloren? Apo më herët nuk keni pas kohë?” , tha Ramadani.

Në këtë mbledhje dha betimin asamblisti i ri i këtij Kuvendi, Flamur Istrefi.

Istrefi në Kuvendin Komunal e zëvendësoi Ekrem Mustafën, i cili u bë deputet i Kuvendit të Kosovës.

Ferizaj

KEDS: Mungesa e kapaciteteve nga KOSTT shkakton probleme me energjinë në Ferizaj

Published

17 hours ago

01 April, 2026

webmaster

KEDS ka njoftuar se situata aktuale me furnizimin me energji elektrike në zonën Ferizaj–Bibaj është pasojë e mungesës së kapaciteteve nga KOSTT.

Sipas njoftimit, transformatori T3 në nënstacionin TS Bibaj (40 MVA) është jashtë funksionit që nga data 13 mars 2026, duke shkaktuar mungesë të energjisë në këtë zonë.

Për të zbutur situatën, KEDS ka ndërmarrë disa masa, përfshirë përdorimin e lidhjeve alternative për furnizim, vendosjen e dy transformatorëve shpërndarës me kapacitet nga 8 MVA secili, si dhe forcimin e kabllove për rritje të përkohshme të kapacitetit.

Megjithatë, sipas KEDS, këto masa nuk janë të mjaftueshme për të përballuar ngarkesën, për shkak të mungesës së energjisë nga KOSTT. Si pasojë, gjatë orëve të pikut nga ora 17:00 deri në 00:00 mund të ketë kufizime të furnizimit deri në 8 MW në disa zona, veçanërisht në nënstacionet Bibaj dhe Kastrioti.

KEDS ka kërkuar nga KOSTT ndërmarrjen e hapave konkretë për zëvendësimin e kapacitetit të humbur prej 40 MVA, duke paralajmëruar se në të kundërtën situata e furnizimit me energji elektrike mund të përkeqësohet edhe më tej.

Ferizaj

Qendra e Ferizajt 17 orë pa rrymë, KEDS dhe KOSTT ende pa ndonjë sqarim

Published

3 days ago

30 March, 2026

webmaster

Qendra e Ferizajt vazhdon të mbetet pa energji elektrike për rreth 17 orë, ndërsa ende nuk ka ndonjë sqarim publik nga KEDS, KESCO apo KOSTT lidhur me ndërprerjen.

Sipas të dhënave në aplikacionin eKESCO, arsyeja e ndërprerjes së energjisë elektrike është një defekt teknik i tipit “Phase to Phase Short Circuit”, i cili ka nisur rreth orës 01:00 të mëngjesit të sotëm.

Pa furnizim me energji elektrike kanë mbetur disa zona të qendrës së qytetit, ndërsa qytetarët vazhdojnë të përballen me mungesën e rrymës për një periudhë të gjatë.

Deri më tani nuk ka informacione zyrtare se kur pritet rikthimi i furnizimit me energji elektrike.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.