Ferizaj
Tek blloku i shkollave “buron” një deponi e re
Në vend se ta shijojnë aromën e pranverës rrugës për në shkollë, këta nxënës duhet t’i mbajnë hundët e mbyllura nga kundërmimi i dembelisë së institucioneve komunale.
Rruga Ali Beqa që gjendet afër shkollës së mesme të Ekonomisë, shkollës fillore “Vezir Jashari”, Universitetit të Ferizajt dhe Qendrës së Kompetencës është shndërruar në një supermarket të mbeturinave.
Bile-bile, aty mund ta gjeni edhe departamentin e mbetjeve të sanitarisë.
Banorët e kësaj ane ankohen se janë në hall nga personat e papërgjegjshëm që po hedhin mbeturina në rrugën ku ata dhe fëmijët e tyre kalojnë për çdo ditë, gjersa institucionet heshtin.
“Valla me thanë vështirë, vështirë shumë. A po e sheh?, Fëmija të vogël, gratë vijnë me fëmijë, era po vjen, katastrofë… Në rrugë të Varoshit e kam shtëpinë, çdo sabah duhet me ardhë këtu, qe era e tanat.” – thotë Fadil Tasholli, banor i pjesës jugore të qytetit.
Mbeturinat, pos kundërmimimt dhe rrezikimit të shëndetit, janë edhe burim nga rreziqet e tjera:
“Na e kemi problem shumë sepse këtu edhe ka bërllok edhe ka erëra të këqia. Ka edhe qenë endacakë ku fëmijët kah shkojnë në shkollë, gjithmonë kanë pengesë. Bërlloku shumë keq, ka edhe erë të keqe për shkak të qenëve që i kanë gjujtë. Nxënësit dhe të gjithë banorët që janë kë këndej kalojnë. Ka shumë banorë kjo lagje, është rruga më e shkurtër dhe më e mirë” shprehet Imri Dullovi, një qytetar tjetër i Ferizajt
Ndërsa për Kastriot Rexhepin, qytetar nga Ferizaj, për deponi ilegale fajtorë janë qytetarët e papërgjegjshëm:
” Mbi të gjitha është shumë e vështirë për nxënësit sepse janë tri shkolla por edhe për neve normal. Po e shihni edhe vet që është katastrofë, ka shumë bërllok. Kemi bërë kërkesë në Komunë dy a tri herë, mirëpo nuk besoj që edhe Komuna e ka fajin sepse e kanë pastru një herë por këtu krejt është në pyetje kultura dhe qytetërimi i qytetarëve.
Edhe shkollat e kësaj ane kërkojnë që kjo deponi ilegale të largohet ani pse kërkesë zyrtare për largimin e saj nuk kanë bërë, thotë Idriz Ademi, drejtor i shkollës së mesme ekonomike:
“Afër shkollës është një deponi që e pengon shkollën pasi që është shumë afër. Ka edhe erë të padurueshme dhe si deponi jashtëzakonisht e shëmton shkollën… Ne gojarisht e kemi diskutu këtë çështje me strukturat komunale, mbetet që edhe përmes formës së shkruar tu drejtohemi organeve komunale dhe me gjetë një zgjidhje që së pari kjo deponi të largohet dhe pastaj që pengohet që të mos hudhen përsëri mbeturina afër shkollës”
Deponia ilegale është problem edhe për drejtoreshën e shkollës fillore “Vezir Jashari”
“Deponitë e mbeturinave, kudo janë problematike sepse ka probleme kur frynë erë e fortë, ato shpërndahen. Është problem që i shqetëson të gjithë, aq më tepër këtu që ka grumbullim të nxënësve duke e marrë parasysh që këtu është një kompleks shkollash”
Rreth kësaj deponie të mbeturinave Televizioni Tema tentoi të marrë prononcimin e zyrtarëve të Drejtorisë së Shërbimeve Publike në Komunën e Ferizajt dhe të Komapnisë “Pastërita” por që të dyja këto palë refuzuan të prononcohen për publikun lidhur me këtë problematikë.
Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.
Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.
“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.
Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.
Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.
Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.
Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.
Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”
-
Kosovë1 week agoNjë punëtor humb jetën nga rrokullisja e kamionit në Meqë të Gjakovës
-
Ferizaj5 days agoSekuestrohet një revole me municion dhe shurdhues në Ferizaj
-
Kosovë1 week agoUlutash: Situata e sigurisë e brishtë, me potencial për tensione të reja në veri të Kosovës
-
Ferizaj2 days agoVdekja e foshnjës në Ferizaj: Rasti po hetohet si “vrasje e foshnjës gjatë lindjes”
-
Kosovë5 days agoKEDS-i gjobitet përsëri me mijëra euro për parregullsi me njehsorë elektrikë
-
Kosovë3 days agoGjykata Speciale: Vendimi ndaj ish-krerëve të UÇK-së është shtyrë për të paktën dy muaj
-
Kosovë2 days agoBastisje në disa qytete për keqpërdorim detyre dhe ryshfet
-
Ferizaj1 day agoNjë muaj paraburgim të dyshuarve për mashtrim me kriptovaluta në Ferizaj
-
Kosovë1 week agoBE: Keqardhje që partitë në Kosovë s’gjetën një figurë unifikuese për president
-
Kosovë5 hours agoVjosa Osmani bartëse e listës së LDK-së dhe kandidate për presidente
-
Kosovë9 hours agoLVV-ja nominon Kurtin për kryeministër, partitë drejt finalizimit të listave të kandidatëve
-
Kosovë7 hours agoShqetësuese rritja e rasteve me fruth tek fëmijët