Connect with us

Kosovë

Nuk ndalet Petkoviq: Duam Asociacionin me kompetenca ekzekutive

Published

on

Drejtori i të ashtuquajturës Zyre për Kosovë në Qeverinë e Serbisë, Petar Petkoviq, ka thënë se zëvendëskryeministri i Kosovës, Besnik Bislimi, ka humbur çdo kredibilitet për të folur për dialogun dhe marrëveshjet e arritura.

Ai e ka akuzuar Bislimin, duke thënë se po dezinformon dhe po bën interpretime arbitrare.

Reagimi i Petkoviqit vjen një ditë pasi që Bislimi në një intervistë për televizionin publik akuzoi duke thënë se pala serbe nuk po i zbaton marrëveshjet, përfshirë edhe udhërrëfyesin e fundit për energjinë duke shkelur afatet.

“Bislimi ka shkuar aq larg, duke pretenduar se serbët në veri të Kosovës në fakt duan të heqin dorë nga letërnjoftimet dhe targat serbe, por se këtë nuk po e lejon Beogradi zyrtar dhe presidenti serb Aleksandar Vuçiq, të cilët gjoja po i shtyjnë në një lloj proteste. E vërteta është se Beogradi zyrtar po lufton ekskluzivisht për paqen dhe stabilitetin”, ka thënë Petkoviq.

Bislimi në intervistë në televizionin publik tha se prapa çdo trazire në shtetet e Ballkanit Perëndimor fshihet presidenti Vuçiq, që tenton të përdorë serbët lokalë.

“Asnjë serb në veri të Kosovës nuk do as dokumente e as tabela të shtetit të rrejshëm”, ka thënë Petkoviq.

Petkoviq ka thënë se ajo që duan serbët në veri është Asociacioni i Komunave me të gjitha kompetencat e përgjegjësitë ekzekutive.

“Serbët duan Asociacionin me të gjitha kompetencat dhe përgjegjësitë ekzekutive siç është rënë dakord në marrëveshjen e vitit 2013 në Bruksel dhe atë të vitit 2015 për parimet e përgjithshme, e jo siç dëshiron Bislimi, duke e krahasuar Asociacionin me një organizatë joqeveritare”, ka shtuar Petkoviq.

Petkoviq ka thënë se kryeministri i Kosovës, Albin Kurti dhe zëvendëskryeministri Bislimi kanë penguar në zbatimin e marrëveshjes për energji.

“Në vend që të bisedoj personalisht me njerëzit tanë në veri të Kosovës e M. për zbatimin e marrëveshjes për energjinë që do të mundësonte furnizim të qëndrueshme me energji elektrike, Prishtina disa herë më ndaloi hyrjen në Kosovë me kërkesë personale të Bislimit. Pastaj Prishtina filloi të shkelë marrëveshjen, duke ushtruar presion në sektorin energjetik të Republikës së Kosovës, për të penguar udhërrëfyesin dhe funksionimin e pavarur të Elektroseverit. Me marrëveshjen për energjinë, kemi arritur të sigurojmë pavarësinë e Elektroseverit në furnizim dhe shpërndarje dhe prandaj nuk kemi arsye të vëmë në dyshim atë marrëveshje, siç pretendon Bislimi”, tha Petkoviq.

Continue Reading
Click to comment

Leave a Reply

Your email address will not be published. Required fields are marked *

Kosovë

Çitaku e quan vendimin e speciales të turpshëm dhe të papranueshëm

Published

on

Ushtruesja e detyrës së kryetares së PDK-së, Vlora Çitaku, e ka quajtur të turpshëm e të papranueshëm vendimin e Dhomave të Specializuara për dënimet ndaj Hashim Thaçit, Bashkim Smakajt, Fadil Fazliut dhe Hajredin Kuçit në rastin për pengim të drejtësisë.

Përmes një postimi në Facebook, Çitaku tha se vendimi i sotëm vetëm sa e ka thelluar mosbesimin në drejtësinë e administruar nga kjo gjykatë. Sipas saj, drejtësia nuk mund të ketë standarde të ndryshme për ata që gjykohen dhe një tjetër për ata që gjykojnë.

“Shpreh zhgënjimin dhe shqetësimin tim të thellë për vendimin e sotëm të Gjykatës Speciale në Hagë ndaj Presidentit Hashim Thaçi dhe të tjerëve, në procesin për pengim të drejtësisë. Kontestimet procedurale, proceset e njëpasnjëshme dhe zvarritjet shumëvjeçare i kanë thelluar pikëpyetjet tona serioze për administrimin e drejtësisë të kësaj Gjykate”, ka thënë ajo duke shtuar se padrejtësisë do t’i përgjigjemi me qëndresë, mobilizim dhe përkushtim të palëkundur shtetëror e mbarëkombëtar.

“Me veprime konkrete politike, juridike e diplomatike. Me vendosmëri, deri në fund”, ka shkruar Çitaku.

#

Continue Reading

Kosovë

Specialja dënon Thaçin me 17 muaj burgim për pengim të drejtësisë

Published

on

Gjykata Speciale në Hagë shpalli sot aktgjykimin ndaj Hashim Thaçit, Bashkim Smakajt, Isni Kilajt, Hajredin Kuçit dhe Fadil Fazliut, në rastin për pengim të drejtësisë.

Në seancën që nisi sot në orën 10:00, gjykatësi Christopher Gosnell lexoi përmbledhjen e aktgjykimit ndaj Hashim Thaçit dhe katër të bashkakuzuarve të tij.

Ish-presidenti i Kosovës, Hashim Thaçi u dënua me 17 muaj burgim pasi u  shpall fajtor për tentativë të pengimit të personave zyrtarë, për shkelje të fshehtësisë së procedurës dhe për mosbindje ndaj gjykatës.

Bashkim Smakaj dhe Fadil Fazliu u dënuan me nga 12 muaj. Të dy këta do të lirohen pasi koha e tyre e kaluar në paraburgim tejkaloi dënimin e shqiptuar.

Hajredin Kuçi u dënua me një muaj burgim me kusht dhe dënimi ndaj tij nuk të ekzekutohet nëse Kuçi nuk kryen ndonjë vepër tjetër penale gjatë periudhës prej 1 viti.

Ndërsa Isni Kilaj u shpall i pafajshëm për të gjitha akuzat dhe do të lirohet menjëherë.

Continue Reading

Kosovë

Ish-ministri Astrit Haraqija në mesin e 6 personave të arrestuar për narkotikë

Published

on

Policia e Kosovës ka arrestuar 6 persona të dyshuar për trafikim dhe shpërndarje të substancave narkotike të llojit kokainë.

Në mesin e të arrestuarve është edhe Ish-ministri i Kulturës, Astrit Haraqija, ka konfirmuar avokati i tij, Korab Bokshi.

Në njoftimin e Policisë bëhet e ditur se gjatë aksionit të koduar “Heshtja”, të zhvilluar të shtunën, më 14 nëntor , janë sekuestruar rreth 1.6 kilogramë kokainë, si dhe sasi të tjera të substancave të dyshuara narkotike, përfshirë marihuanë dhe substancë të panjohur, si dhe tableta të dyshuara të ekstazisë.

Para të gatshme në valuta të ndryshme, në vlerë prej rreth 16 mijë eurosh, 6 vetura të markave luksoze të ndryshme, telefona mobilë, pajisje elektronike dhe të komunikimit, pajisje për vëzhgim, ora luksoze dhe stoli të çmuara, një armë zjarri, municion, thika, peshore digjitale dhe pajisje për paketimin e substancave narkotike, si dhe dokumente dhe shënime të ndryshme që do të trajtohen në kuadër të procedurave hetimore.

Aksioni u realizua në disa lokacione në rajonin e Prishtinës në bashkëpunim me Agjencinë e Kosovës për Inteligjencë.

Me vendim të Prokurorit të Shtetit, të dyshuarit janë dërguar në ndalim policor për 48 orë.

Të gjitha veprimet policore janë ndërmarrë nën mbikëqyrjen dhe koordinimin e Prokurorisë Themelore në Prishtinë – Departamenti për Krime të Rënda.

Continue Reading

Trending